ಅಂತರಂಗ ಕದವು ತೆರೆದಿದೆ ಬಾ ಈಗ
ರಂಗುರಂಗು ತಳಿರು ಕಟ್ಟಿದೆ ನೋಡೀಗ
ಒಳಗಣ್ಣು ತೆರೆದು ನೀ ನೋಡು
ನನ್ನೆದೆಗೆ ಒಲವು ನೀ ನೀಡು||
ಅಂದಚೆಂದ ಸವಿಯು ಬಾರೋ ನೀ ನೀಗ
ಮೆಲ್ಲಮೆಲ್ಲ ಹೃದಯ ಹಾಡನು ಹಾಡೀಗ
ಸಂಪ್ರೀತಿ ಚೆಂದ ಮಾವಯ್ಯ
ನಂಪ್ರೀತಿ ಜಗಕೆ ತೋರಯ್ಯ||
ಮೇಘಶಾಮ ಮುರಳಿ ಲೋಲನೆ ನೀನಯ್ಯ
ಕೃಷ್ಣಲೀಲೆ ಆಡು ಬಾಳಲಿ ಮಾವಯ್ಯ
ರವಿಮಾಮ ಬಂದ ಬಾನಲ್ಲಿ
ಸೇರು ಬಾ ನನ್ನ ತೋಳಲ್ಲಿ||
ನಾರಿಗೆದ್ದ ಕಳ್ಳ ಕೃಷ್ಣನೆ ಬಾ ಬಳಿಗೆ
ಸೀರೆಕದ್ದ ಮರುಳ ಮಾಧವ ತಾ ಸಲಿಗೆ
ತನುವನ್ನು ಬಳಸಿ ಚುಂಬಿಸೈ
ಮನವನ್ನು ತಣಿಸಿ ಮುದ್ದಿಸೈ||
ಶ್ರೀ_ಈರಪ್ಪ_ಬಿಜಲಿ