spot_img
spot_img

ಜಲ ಷಟ್ಪದಿ: ರಾಮನ ಡೋಲಿನ ನಾದ

Must Read

- Advertisement -

ಡೋಲು ಬಾರಿಸಿ

ಹಾಲು ಕುಡಿದನು
ಸೋಲನರಿಯದ ರಾಮನು|
ಕಾಲ ಮೇಲೆಯೆ
ಡೋಲನಿಕ್ಕುತ
ಬಾಲ ಪಂದ್ಯವ ಗೆದ್ದನು||

ಅಂಗಿ ತೊಟ್ಟನು
ರಂಗು ರಂಗಲಿ
ಚಂಗು ಚಂಗನೆ ಹಾರುತ|
ಭೃಂಗದಂತೆಯೆ
ಶೃಂಗದಲ್ಲಿಯೆ
ಹಂಗು ತೊರೆದು ಬಡಿಯುತ||

- Advertisement -

ಎಣಿಕೆ ಮಾಡಲು
ಗುಣಿಕೆ ಬಡಿತವ
ತಣಿಸಿ ಮನವದು ನಾದವು|
ಉಣಿಸಿ ಗೀತವು
ಕುಣಿಸಿ ಹೃದಯವ
ದಣಿಯದಂತಹ ಮೇಳವು||

ಚಿಕ್ಕ ಮಕ್ಕಳು
ನಕ್ಕು ನಗುತಲಿ
ಹೊಕ್ಕು ಬಡಿದರು ಡೋಲನು|
ರೆಕ್ಕೆ ಬಡಿಯುವ
ಹಕ್ಕಿಯಂತೆಯೆ
ಚುಕ್ಕೆಯಾದನು ರಾಮನು||

ಪುಳಕಗೊಳ್ಳಲು
ತಳುಕ ತೋರುತ
ಚುಳುಕ ಗುಣಿಯ ಗತ್ತಲಿ|
ಹುಳುಕುಯಿರದಾ
ಸೆಳೆದು ಮನವನು
ಕಳೆಯ ಹೆಚ್ಚಿಸಿ ಡೋಲಲಿ||

- Advertisement -

ಕೆಚ್ಚಿನೆದೆಯಲಿ
ಮೆಚ್ಚಿ ವೀರನ
ತುಚ್ಛ ಕಂಡರು ಕೆಲವರು|
ಹುಚ್ಚನೆಬ್ಬಿಸಿ
ಹುಚ್ಚನಾಗಿಸಿ
ನಿಚ್ಚ ಮನವನ್ನರಿತರು||

ಮೇಳ ಸದ್ದನು
ಕೇಳಿಯೆದ್ದನು
ಢಾಳ ಬಣ್ಣದ ಬಸವನು|
ತಾಳ ಮೇಳಕೆ
ಬೋಳು ಬಸವನು
ಧೂಳನೆಬ್ಬಿಸಿ ಕುಣಿದನು||

ಹಾರಿ ಕುಣಿಯುತ
ಮೀರಿ ನೆಗೆಯುತ
ಭಾರಿ ಗಾತ್ರದ ದೇವನು|
ಸೇರಿ ಗುಂಪಲಿ
ತೂರಿ ಬಂದಿತು
ಯಾರು ಕಾಣದ ಬಸವನು||

ತುಂಟ ಬಾಲಕ
ಘಂಟೆ ಬಾರಿಸಿ
ತಂಟೆ ಮಾಡದೆ ಗುಣಿಯಲಿ|
ನೆಂಟರೆಲ್ಲರು
ಪಂಟು ಮಾತಲಿ
ತುಂಟ ಬಾಲನ ಮೆಚ್ಚಲಿ||

ಸಿದ್ದನಾಗಿಯೆ
ಗೆದ್ದು ಬಂದನು
ಬುದ್ದನಂತೆಯೆ ಹಾಸದಿ|
ಜಿದ್ದಿನಿಂದಲೆ
ಬಿದ್ದು ಗೆದ್ದನು
ಸುದ್ದಿಯಾದನು ಪಂದ್ಯದಿ||

ಶಂಕರಾನಂದ ಹೆಬ್ಬಾಳ

- Advertisement -
- Advertisement -

Latest News

ಹಾಲವಾಣ(ಹೊಂಗಾರಕ)

ಸಣ್ಣ ವಯಸ್ಸಿನಲ್ಲಿ ಕೈಗೆ ಮದರಂಗಿ ಕಟ್ಟಲು ಬಳಸುತ್ತಿದ್ದ ಎಲೆ ಹಾಲವಣ. ಇದರ ಬಳಕೆ ಒಂದೇ ಎರಡೇ. ರೈತರ ಹೊಲದಲ್ಲಿ ನೆಟ್ಟು ಎಲೆ ಬಳ್ಳಿ ಮೆಣಸಿನ ಬಳ್ಳಿ ಹಬ್ಬಿಸಲು....
- Advertisement -

More Articles Like This

- Advertisement -
close
error: Content is protected !!
Join WhatsApp Group