ತಲೆ ಕೆಡಿಸುವ ಪ್ರಶ್ನಾರ್ಥಕ ಚಿಹ್ನೆ, ಕ್ಯಾಪ್ಸ್ ಲಾಕ್ ಆಗಿರುವ ಬರಹ, ಅಸಂಖ್ಯ ಉದ್ಘಾರವಾಚಕ ಚಿಹ್ನೆಗಳು !
ಬೆಳಿಗ್ಗೆ ಎದ್ದ ತಕ್ಷಣ ಇವು ನಿಮ್ಮ ಮೇಲ್ ಬಾಕ್ಸ್ ನಲ್ಲಿ ಕಂಡರೆ…..” ನಿನ್ನ presentation ಎಲ್ಲಪ್ಪಾ ?????????? ನನ್ನ inbox ನಲ್ಲಿ ಅದು ಯಾಕೆ ಬಂದಿಲ್ಲ ಇನ್ನೂ!!!!!!!!!!!!!!! ಇಂಥ ಮೇಲ್ ಓದುತ್ತಲೇ ಹಾಸಿಗೆಯಿಂದ ಎದ್ದೇಳುವ ಕಂಪನಿ ಉದ್ಯೋಗಿಗಳ ಪಾಡು ಯಾರಿಗೂ ಬೇಡ. ಅದಕ್ಕಾಗಿಯೇ ಲಾಕ್ ಡೌನ್ ಕಾಲದಲ್ಲಿ ಈ ಮೇಲ್ ಗಳನ್ನು ಬಂದ್ ಮಾಡಿ ಇಡಲಾಗುವ ಪ್ರವೃತ್ತಿ ಹೆಚ್ಚಾಗುತ್ತಿತ್ತು. ಆದರೂ ಇಲಿನಾಯ್ಸ್ ವಿಶ್ವವಿದ್ಯಾಲಯದ ಒಂದು ಅಧ್ಯಯನದ ಪ್ರಕಾರ, ” caps lock key ಹಾಗೂ exclamation key ಗಳನ್ನು ” ಅತಿಯಾಗಿ ಬಳಸಿರುವುದರ ಅರ್ಥ ಉದ್ಯೋಗಿಯತ್ತ ” ಚೀರುವುದು ” ಎಂದು ಅರ್ಥೈಸಲಾಗಿದೆ.
ಆದರೆ ಇಂಥ ಒಂದು ಮೇಲ್ ರೂಪ ಉದ್ಯೋಗಿಗಳ ಮೇಲೆ ಮಾನಸಿಕ ಪರಿಣಾಮ ಬೀರುವುದರಿಂದ ಇದೊಂದು unhealthy ಕ್ರಮ ಎಂದು ಹೇಳಲಾಗಿದೆ.
“ಯಾವುದೇ ರೀತಿಯ ಒರಟುತನ ಒತ್ತಡ ಹೆಚ್ಚು ಮಾಡುತ್ತದೆ. ಇದು ನಮ್ಮ ಸ್ವಾಭಿಮಾನದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಒಂದು ವೇಳೆ ಇದಕ್ಕೆ ನಾವು ಸರಿಯಾಗಿ ಉತ್ತರಿಸದಿದ್ದಲ್ಲಿ ಇದೇ ಚಕ್ರದಲ್ಲಿ ಸಿಲುಕುವ ಅಪಾಯವಿದೆ” ಎಂದು ಮಾನಸಿಕ ಆರೋಗ್ಯ ತಜ್ಞೆ ಮುಕ್ತಿ ಶಹಾ ಹೇಳುತ್ತಾರೆ.
E mail ಒರಟುತನದಲ್ಲಿ ಎರಡು ಪ್ರಕಾರಗಳಿವೆ ಎಂದು ಇಲಿನಾಯ್ಸ್ ವಿಶ್ವವಿದ್ಯಾಲಯದ ಅಧ್ಯಯನ ಹೇಳುತ್ತದೆ.ಒಂದು ಆ್ಯಕ್ಟಿವ್ ಇನ್ನೊಂದು ಜಡವಾದದ್ದು.
Caps lock , exclamation, ಬಟನ್ ಗಳ ಮೇಲೆ ತನ್ನ ಒರಟುತನ ತೋರುವುದು ಆ್ಯಕ್ಟಿವ್, ಇದಕ್ಕೆ ಯಾವುದೇ ಉತ್ತರ ಅಥವಾ ಪ್ರತಿಕ್ರಿಯೆ ತೋರದೇ ಇರುವುದು ಪ್ಯಾಸಿವ್ ಅಥವಾ ಜಡವಾದದ್ದು.
ಒರಟಾದ ಮೇಲ್ ಗಳಿಗೆ ಹೇಗೆ ಪ್ರತಿಕ್ರಿಯೆ ನೀಡಬೇಕು ?
ಮನಸಿಗೆ ಬಂದ ಹಾಗೆ ಕೋಪದ ಉತ್ತರ ನೀಡಬೇಡಿ
ನೀವು ಯಾರು ಎನ್ನುವುದನ್ನು ಒರಟು ಉತ್ತರ ಮೂಲಕ ತೋರಿಸಬೇಕಿಲ್ಲ. ಅವರು ತಾವು ಯಾರು ಎಂಬುದನ್ನು ತೋರಿಸಿರುತ್ತಾರೆ.
ವ್ಯಾವಹಾರಿಕವಾಗಿ ಆದರೆ ನಿರ್ಧರಿತವಾಗಿ ಉತ್ತರಿಸಿ.
ಮತ್ತೆ ಮತ್ತೆ ಅದೇ ಥರ ಆದರೆ ಆಗ ಪ್ರತಿಕ್ರಿಯೆ ನೀಡಬಹುದು.
(ಇಂಗ್ಲೀಷ್ ಪತ್ರಿಕೆಯಿಂದ)