ಬ್ರಿಟನ್ ಮಾದರಿ ವೈರಸ್ ಮೊದಲೇ ಭಾರತದಲ್ಲಿ ಇತ್ತು !

ಹೊಸದಿಲ್ಲಿ– ಈಗ ಬಹು ಚರ್ಚಿತವಾಗಿರುವ ಬ್ರಿಟನ್ ರೂಪಾಂತರಿತ ಕೊರೋನಾ ವೈರಸ್ ಭಾರತದಲ್ಲಿ ಕಳೆದ ಮಾರ್ಚ್- ಮೇ ತಿಂಗಳಲ್ಲಿಯೇ ಇತ್ತು ಎಂದು ಇನ್ಸ್ಟಿಟ್ಯೂಟ್ ಆಫ್ ಜಿನೋಮಿಕ್ಸ್ ಆ್ಯಂಡ್ ಇಂಟೆಗ್ರೇಟಿವ್ ಬಯಾಲಾಜಿ ಸಂಸ್ಥೆ ಹೇಳಿದೆ.

ಅದರಿಂದಾಗಿಯೆ ಭಾರತದಲ್ಲಿ ವೈರಾಣು ವೇಗವಾಗಿ ಹರಡಲು ಕಾರಣವಾಯಿತು ಎಂದು ಸಂಸ್ಥೆಯ ನಿರ್ದೇಶಕ ಅನುರಾಗ ಅಗ್ರವಾಲ್ ಅವರು ಹೇಳಿದ್ದಾರೆ.

ಈ ಮಧ್ಯೆ ರೂಪಾಂತರಿತ ಕೊರೋನಾ ವೈರಾಣು ಈಗ ಇರುವ ಕೊರೋನಾದಂತೆಯೇ ಸಾಮಾನ್ಯವಾಗಿ ದ್ದು ಇದರಂತೆಯೇ ವೈರಾಣುವಿಗೆ ಚಿಕಿತ್ಸೆ ಲಭ್ಯವಿದೆ ಎಂದು ದೆಹಲಿಯ ಏಮ್ಸ್ ನಿರ್ದೇಶಕ ಡಾ. ರಣದೀಪ ಗುಲೇರಿಯಾ ಹೇಳಿದ್ದಾರೆ.

ಬ್ರಿಟನ್ ವೈರಾಣು ಎಂದು ಯಾರೂ ಭಯಪಡಬೇಕಾಗಿಲ್ಲ. ಇದೊಂದು ಸಾಮಾನ್ಯ ಕೊರೋನಾ ವೈರಸ್ ಎಂದು ಅವರು ತಿಳಿಸಿದ್ದಾರೆ.