ಕವಿತೆ: ಸಂಗೊಳ್ಳಿ ಹುಲಿ

Must Read

ಮೂಡಲಗಿ ತಾಲೂಕಾ ಪತ್ರಕರ್ತರ ಸಂಘದ ಕಚೇರಿ ಉದ್ಘಾಟನೆ

ಮೂಡಲಗಿ - ಹಲವಾರು ಯುವ ಪತ್ರಕರ್ತರ ಉತ್ಸಾಹ ಹಾಗೂ ಕಾರ್ಯಶೀಲತೆಯ ಪ್ರತೀಕವಾಗಿ ರಚನೆಗೊಂಡ ಮೂಡಲಗಿ ತಾಲೂಕಾ ಪತ್ರಕರ್ತರ ಸಂಘದ ಕಚೇರಿಯನ್ನು ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿಯವರ...

ಲೋಳಸೂರ ಹೊಸ ಸೇತುವೆ ನಿರ್ಮಿಸುವಂತೆ ನೂತನ ಸಿಎಂ ಅವರಿಗೆ ಕಡಾಡಿಯವರಿಂದ ಮನವಿ

ಮೂಡಲಗಿ: ಗೋಕಾಕ ನಗರಕ್ಕೆ ಸಂಪರ್ಕ ಕಲ್ಪಿಸುವ ಜತ್ತ ಜಾಂಬೋಟಿ ರಾಜ್ಯ ಹೆದ್ದಾರಿ-31 ರ ಲೋಳಸೂರ ಗ್ರಾಮದ ಹತ್ತಿರ ಘಟಪ್ರಭಾ ನದಿಗೆ ಅಡ್ಡಲಾಗಿ ಹೊಸ ಸೇತುವೆ ನಿರ್ಮಿಸುವಂತೆ...

ಭಾರತ ಮಾತೆಯ ಜ್ಞಾನ ಶಕ್ತಿ ಭಾರತೀಯ ಸ್ತ್ರೀಯಲ್ಲಿದೆ

ಪತಿವ್ರತೆಗೂ ಧರ್ಮ ಪತ್ನಿಗಿರುವ ವ್ಯತ್ಯಾಸವಿಷ್ಟೆ. ಪತಿವ್ರತೆ ಪತಿಯ ದಾರಿಯಲ್ಲಿ ತಾನೂ ನಡೆಯೋದು. ಧರ್ಮಪತ್ನಿ ಪತಿಯನ್ನು ಧರ್ಮದ ಹಾದಿಯಲ್ಲಿ ನಡೆಸೋದು. ಭೂಮಿ ಮೇಲೆ ಧರ್ಮ ನೆಲೆಸಬೇಕಾದರೆ ಸ್ತ್ರೀ...

ಸಂಗೊಳ್ಳಿ ಹುಲಿ

ಕಿತ್ತೂರ ನಾಡಿನ್ಯಾಗ ಸಂಗೊಳ್ಳಿ ಊರಾಗ
ಇತ್ತಪ್ಪ ಒಂದು ಹುಲಿ
ಅದರ ಹೆಸರ ಕೇಳಿದರ ಸಾಕ
ಎಂಥಾವರಿಗೂ ಮೈಯ್ಯಾಗ ನಡುಕ//

ಮಂದೀಯ ಬಾಯಾಗ ರಾಯಣ್ಣ ಅಂದರ
ಎಂಟೆದೆಯ ಬಂಟ ಶೂರಾದಿ ಶೂರ
ದಾರ್ಯಾಗ ಬರುವಾಗ ವಾರಿಗಿ ಗೆಳೆಯರು
ನೆದರ ಬಿಟ್ಟಾರೊ ರಾಯಣ್ಣಗ//

ತಾಯಂದಿರೆಲ್ಲ ಎಂತ ಮಗನವ್ವ
ಹೆತ್ತವಳು ತಣ್ಣಗಿರಲೆವ್ವ ಎಂದಾರು
ನಮಗೊಬ್ಬ ಮಗ ಹಿಂಗಿರಲವ್ವ
ಊರಿಗೆ ಮಾದರಿ ಆಗಿರಲವ್ವ ಎಂದು ಬೆಡ್ಯಾರು//

- Advertisement -

ರಾಯಣ್ಣ ನೆಂದರ ಎಲ್ಲರಿಗೂ ಪ್ರೀತಿ
ರಾಯಣಿಗೆ ಇಲ್ಲ ಯಾರದು ಭೀತಿ
ಚೆನ್ನಮ್ಮ ತಾಯಿಯ ಪ್ರೀತಿಯ ಪುತ್ರ
ಕೆಂಚವ್ವ ತಾಯಿಯು ಹಡೆದ ರತ್ನ//

ಊರು ಕೇರಿ ಕಾಡು ಮೇಡು
ಅಲೆದಾಡಿ ಮಾಡ್ಯಾನು ಯುದ್ದಕ್ಕೆ ತಯಾರಿ
ಆಂಗ್ಲರ ಜೊತೆಗೂಡಿ ನಮ್ಮವರೇ ಮಾಡ್ಯಾರು ಪಿತೂರಿ
ಮೋಸಕ್ಕೆ ಬಲಿಯಾತು ಸಂಗೊಳ್ಳಿ ಮರಿ//

ಸಂಗೊಳ್ಳಿ ಹುಲಿ ಸತ್ತಿತೆಂದರು
ಚೆನ್ನಮ್ಮನ ಮುಂದ ಪಿರಂಗ್ಯಾರು
ಹುಸಿ ಮಾತ ನಂಬಿದಳು ತಾಯಿ
ವಜ್ರದುಂಗುರವ ನುಂಗಿದಳು ದೇವಿ//

ಪಿರಂಗ್ಯಾರ ಆಟಕ ಹಲ್ಲ ಮಸಿದಾನು
ತನ್ನವರ ಮೋಸಕ ಕುಸಿದು ಬಿದ್ದಾನು
ಚೆನ್ನಮ್ಮ ತಾಯಿಯ ನೆನೆದು ಅತ್ತಾನ
ತಾಯ್ನೆಲವ ಉಳಿಸಾಕ ಪಣತೊಟ್ಟ ನಿಂತಾನ//

ಗೆಳತಾನ ಹೇಳಿ ಹೇಡಿಗಳು ಬಂದಾರು
ಮಸಲತ್ತ ನಡೆಸಿ ಒಳಸಂಚು ನಡಿಸ್ಯಾರು
ಜಳಕ ಮಾಡುವಾಗ ಕತ್ತಿ ಕೇಳ್ಯಾರು
ಕೈಯ್ಯಾಗ ಬಂದಮ್ಯಾಲ ಬಲಿ ಹಾಕ್ಯಾರು//

ಆಂಗ್ಲರ ವಿರುದ್ದ ಹೋರಾಟ ಮಾಡ್ಯಾನೋ
ತಾಯ್ನಾಡಿಗಾಗಿ ಜೀವಾ ಕೊಟ್ಟಾನೋ
ಮರ ಮರನೇ ಮರಗಿದರೋ ಮಂದಿ
ಹಿಡಿಸಲಿಲ್ಲವೋ ಸಂದಿ ಗೊಂದಿ//

ಮಸಲತ್ತಿನ ಸಂಚ ನೆನದ
ಸ್ವಾಮ್ಯಾರು ಮರಗಿದರೋ ಬಿದ್ದ
ಕೊಟ್ಟಾನೋ ಶಾಪ ಗುರು ಸಿದ್ದ
ಹುಳ ಬೀಳಲಿ ತಿನ್ನುವ ಅನ್ನದಾಗ//

ಪರಂಗ್ಯಾರ ಸೊಂಟ ಮುರಿತಾರು
ದೇಶ ಬಿಟ್ಟ ಓಡಿಸತಾರು ನಮ್ಮವರು
ಮನಿಗೊಬ್ಬ ರಾಯಣ್ಣ ಹುಟ್ಟಿ ಬರತಾನು
ಎಂದು ಹರಿಸ್ಯಾರು ನಮ್ಮ ಗುರುಸಿದ್ದರು//


ಶ್ರೀಮತಿ ಜ್ಯೋತಿ ಸಿ ಕೋಟಗಿ
ಸ.ಮಾ.ಪ್ರ ಶಾಲೆ ತಲ್ಲೂರ

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

ಮೂಡಲಗಿ ತಾಲೂಕಾ ಪತ್ರಕರ್ತರ ಸಂಘದ ಕಚೇರಿ ಉದ್ಘಾಟನೆ

ಮೂಡಲಗಿ - ಹಲವಾರು ಯುವ ಪತ್ರಕರ್ತರ ಉತ್ಸಾಹ ಹಾಗೂ ಕಾರ್ಯಶೀಲತೆಯ ಪ್ರತೀಕವಾಗಿ ರಚನೆಗೊಂಡ ಮೂಡಲಗಿ ತಾಲೂಕಾ ಪತ್ರಕರ್ತರ ಸಂಘದ ಕಚೇರಿಯನ್ನು ಅರಭಾವಿ ಶಾಸಕ ಬಾಲಚಂದ್ರ ಜಾರಕಿಹೊಳಿಯವರ...
- Advertisement -

More Articles Like This

- Advertisement -
close
error: Content is protected !!