ಜೂನ 5 ವಿಶ್ವ ಪರಿಸರ ದಿನದ ಕವನ

ಪ್ರಕೃತಿ ಮಾತೆ

ಪ್ರಕೃತಿ ಮಾತೆ
ಜೀವ ಜಲದ ದಾತೆ
ಇರುವಿಕೆಗೆ ಮೂಲ
ತೊರೆದರೆ ಕ್ಷಾಮದ ಶೂಲ

ಹಸಿರುಡುಗೆಯ ತೊಟ್ಟು
ವನಸಿರಿಯ ಬೊಟ್ಟು
ಜುಳು ಜುಳು ನಾದದ ವನಪು
ಸುಳಿಗಾಳಿಯ ತಂಪು

ಹಸನಾದ ಗಾಳಿ
ಮಳೆ ಮೋಡದ ಬಳುವಳಿ
ಶುಭ್ರತೆಯ ವಾತಾವರಣ
ಕಳೆಗಟ್ಟಿದೆ ನಿನ್ನ ಆವರಣ

ಮಾನವನ ಅತ್ಯಾಸೆ
ಈಡು ಮಾಡುತಿದೆ ನಶೆ
ಕಂಕಣ ಕಟ್ಟಬೇಕು
ನಿನ್ನೊಲವ ವರಿಸಬೇಕು

ಕಾರ್ಖಾನೆಗಳ ಹುಟ್ಟು
ಕಲುಷಿತ ಹವಾಮಾನದ ಗುಟ್ಟು
ಪ್ಲಾಸ್ಟಿಕ ಮಯವಾಗಿ
ನಿರ್ನಾಮಕೆ ಗುರಿಯಾಗಿ

ಉಳಿಸುವ ಪಣ ತೊಡೋಣ
ಗಿಡವ ನೆಡುವ ಸಂಕಲ್ಪ ಮಾಡೋಣ
ಮಣ್ಣಿನ ಸವಕಳಿಯ ತಪ್ಪಿಸಿ
ನಮ್ಮೊಡನಾಡಿಯ ಜಪಿಸಿ

ಬದುಕುವ ಭರವಸೆ ವನದೇವಿ
ಶುಭ್ರ ಭೂಮಿಯ ಸಿರಿದೇವಿ
ಭೇದವಿಲ್ಲದ ತಾಯಿ
ಒಂದನೇ ಪ್ರಕೃತಿ ಮಹಾದೇವಿ.

ರೇಷ್ಮಾ ಕಂದಕೂರ.