spot_img
spot_img

ಕವನ: ಕಪಿಲೆ

Must Read

ಕಪಿಲೆ

ಕಲಕಲರವದೊಳು ಹರಿಯುತಿಹಳು ಕಪಿಲೆ
ತನ್ನೊಡಲ ನೋವದನು ಯಾರಿಗೂ ತಿಳಿಸದೆ
ತಿಳಿಮುಖದಿ ಶಾಂತರೂಪಿಣಿಯಾದರೊಮ್ಮೆ
ರುದ್ರನರ್ತನ (ತಾಂಡವ)ವಾಡುತಾಳೆ ಮಗದೊಮ್ಮೆ.

ನಿನ್ನೊಡಲ ಸೇರಲೆಂದೋ ಆಶಿಸಿದ್ದೆ ನಾನು
ಅದರಿಂದ ಹೊರ ಬಂದೆ ಇಂದು ನಾನು
ಕೈ ಬೀಸಿ ಕರೆಯುತಿದ್ದಳಂದು ನನ್ನ
ಬರಬೇಡ ದೂರವಿರು ಎನ್ನುತ್ತಾಳಿಂದು.

ನಿನ್ನ ಸೊಬಗದನು ನಾ ಹೇಗೆ ಬಣ್ಣಿಸಲಿ?
(ನಾ ಹೇಗೆ ಬಣ್ಣಿಸಲಿ ನಿನ್ನ ಸೊಬಗನಿಂದು?)
ಹಾರುತ್ತಾ ನಲಿಯುತ್ತಾ ಹರಿಯುವ ಸೊಬಗದನು
ಕಪಿಲೇ…ನಿನ್ನ ಮತ್ತೆ ಮತ್ತೆ ನೋಡುವಾಸೆ
ಎಂದೆಂದಿಗೂ ನನ್ನ ಗೆಳತಿಯಾಗಿರು ನೀನು.

ಒಂದು ದಿನ ನಿನ್ನ ರೌದ್ರಾವತಾರವ ನೋಡಿದೆ
ನಿನ್ನ ತಾಂಡವ ನೋಡಿ ಹೆದರಿ ಹೋದೆ ನಾನು
ಶಾಂತಳಾಗು ನೀ ಕಪಿಲೇ,ನಿನ್ನ ತಾಂಡವನಿಲ್ಲಿಸು
ತಿಳಿನೀರಿನ ಚೆಲುವೆಯಾಗಿ ಹರಿಯುತಿರು ನೀನು.


ರೇಣುಕಾ ಸುಧೀರ್
ಅರಸಿನಮಕ್ಕಿ,
ಬೆಳ್ತಂಗಡಿ ತಾಲೂಕು
ದಕ್ಷಿಣ ಕನ್ನಡ ಜಿಲ್ಲೆ

- Advertisement -
- Advertisement -

Latest News

ಕೌಜಲಗಿ ಹೊಸ ತಾಲೂಕು ರಚನೆಗೆ ಸಂಪೂರ್ಣ ಬೆಂಬಲ- ಶಾಸಕ ಬಾಲಚಂದ್ರ ಜಾರಕಿಹೊಳಿ

ಎಲ್ಲರೂ ಸೇರಿ ಒಗ್ಗಟ್ಟಾಗಿ ಕೌಜಲಗಿಯನ್ನು ತಾಲೂಕು ಕೇಂದ್ರವನ್ನಾಗಿಸಲು ಪ್ರಯತ್ನಿಸೋಣ ಕೌಜಲಗಿ(ತಾ.ಗೋಕಾಕ): ಕೌಜಲಗಿ ಹೊಸ ತಾಲೂಕು ರಚನೆಗೆ ನನ್ನ ಸಂಪೂರ್ಣ ಬೆಂಬಲ ಇದೆ ಎಂದು ಅರಭಾವಿ ಶಾಸಕ, ಕೆಎಮ್‍ಎಫ್...
- Advertisement -

More Articles Like This

- Advertisement -
close
error: Content is protected !!