ಸಹ್ಶಾದ್ರಿ
ಸಹ್ಶಾದ್ರಿ ಶ್ರೇಣಿ ಮುಗಿಲಿಗೆ ಏಣಿ
ಹಸಿರು ಹೆಮ್ಮರ ಛತ್ರಿ ಚಾಮರ
ದಟ್ಟ ಕಾನನ ಸುಂದರ ಗಿರಿ ಕಂದರ
ಅಲೆಗಳ ಕಲರವ ಅಂದದ ಕಡಲ ತೀರ
ಸಾಹಸದ ಏರಿಳಿವಿನ ರಹದಾರಿ
ಹೆಜ್ಜೆ ಹೆಜ್ಜೆಗೂ ತಿರುವು-ಮುರುವು
ನಳನಳಿಸುವ ತರು-ಲತೆಗಳ ರಿಂಗಣ
ಹರಿದ್ವರ್ಣ ಹೃದಯಂಗಮ ಅಂಗಣ
ಶ್ರೇಣಿ ಶ್ರೇಣಿ ಶಿಖರಗಳ ಅಂದ ಚೆಂದ
ಪಾತಾಳಕೆ ಇಳಿವ ಕೊಳ್ಳ ರುದ್ರ-ರಮಣೀಯ
ಧುಮ್ಮಿಕ್ಕುವ ಝರಿ ಜಲಪಾತಗಳು
ಲಗುಬಗೆಯಿಂದೋಡುವ ದಭೆದಭೆಗಳು
ವರ್ಷಧಾರೆಗೆ ಉಬ್ಬಿ ಓಡೋಡುತಲಿ
ಕಣ್ದುಂಬುವ ಸಂತಸದ ಜಲಧಾರೆ
ಕಂಗಳಿಗೆ ಕಾನನದ ನಿಬಿಡ ನೋಟ
ಹೃನ್ಮನಕೆ ಬಗೆಬಗೆಯ ಸವಿಯೂಟ
ವನ್ಶ-ಜೀವಿ, ಜೀವ-ಜಾಲ ಸಂಪತ್ತಿನಾಗರ
ಶುಕ ಪಿಕಗಳ ಉಲಿಯ ಇಂಚರ
ಭ್ರಮರ ಜೀರುಂಡೆಗಳ ಝೇಂಕಾರ
ನೇಸರದಿಂದ ಹೊಮ್ಮುವ ಓಂಕಾರ
ಅಂತಃಕರಣದಿ ಅಡಗಿದ ಮಮಕಾರ
ಓಂಕಾರ ನಾಥಂಗೆ ಸಾವಿರದ ಶರಣು
ದಿಂಙ್ಮೂಢ ಮನದಲ್ಲಿ ಕರಜೋಡಿಸಿ
ತೋರುವೆವು ಶಿರಬಾಗಿ.
ಅಮರ್ಜಾ
ಅಮರೇಗೌಡ ಪಾಟೀಲ ಜಾಲಿಹಾಳ
ಬುತ್ತಿ ಬಸವೇಶ್ವರ ನಗರ, ಕುಷ್ಟಗಿ