ಮುನಿ ಬೇಡ್ವೋ ಮಳೆರಾಯಾ
ಇದೇನ್ ಕೋಪಾನೋ ರಾಜಾ ನಿಂಗೆ
ಹೋಗ್ಬೇಕು ನಾವ್ ಕ್ಯಾಮೆಗೆ
ಹಿಂಗಾದ್ರೆ ನಮ್ಜೀವನಾ ಹೆಂಗೆ
ಒಂಚೂರು ಪಾರು ನಿಲ್ಬಾರ್ದೆ ||
ನಿನ್ ಬರೋದ್ ಬರ್ತಿಯಾ
ಹೊತ್ತುಗೊತ್ತು ನೋಡಿ ಬಾರಯ್ಯಾ
ಯಾಕೆ ಕಿರಿಕಿರಿ ಮಾರಾಯಾ
ನಮ್ಮ ಪಾಡ್ ವಸಿ ನೋಡಯ್ಯಾ ||
ಊಟ್ದೊತ್ತಿಗೆ ಮತ್ತಂಗೇ ಬರ್ತಿ
ಹೋಗೋದ್ಹೇಗೆ ನಿನ್ನ್ ತಪ್ಸಿ
ಸಾಕ್ ಸಾಕಾಯ್ತು ನಂಗುನೂ
ಇದೇನ ಕತೆನೋ ನಿಂದೂನೂ ||
ಸಂಜೆ ಹೊತ್ತಲ್ಲರ ಬಿಡ್ತೀಯಾ
ಹೆಚ್ಚ ಹೆಚ್ಚಾಗಿ ಕಾಡ್ತೀಯಾ
ಕೋಡ್ಬೇಳೆ ಕೊಡಸ್ತೀನಿ ಸುಮ್ಕಿರೋ
ಮುನಿ ಬೇಡ್ವೋ ಮಳೆರಾಯಾ ||
ಮನೆಗುಂಟಾ ಹೋಗೋವರ್ಗೂ
ವಸಿ ದಯೆ ಇರ್ಲಿ ನನ್ನಪ್ಪ
ಕೈ ಜೋಡಸ್ತೀನಿ ಅಡ್ಡ ಬೀಳ್ತೀನಿ
ಗೂಡ ಸೇರಿದ್ಮೇಲೆ ಸುರಿವಂತೆ ||
ನಿನ್ನ್ ಗುಂಟ ಆಗಾಗಾ ಸೂರೀನೂ ಬರ್ಲಿ
ಬಟ್ಟೆನೇ ಒಣ್ಗ್ತಿಲ್ಲಾ ಎನ್ ಹೇಳ್ಲಿ
ನೀವ್ ಇದ್ರೇನೆ ನಮ್ಮ್ ಬಾಳ್ವೆ
ಇಲ್ಲಂದ್ರೆ ಗೋಳ್ ಹೇಳ್ಬೇಕೆ ||
ಇಬ್ರೂ ಇಲ್ಲಾಂದ್ರೆ ಎನ್ ನಡಿಯಲ್ಲಾ
ನಿಮ್ಮಾಟಾ ಹೆಚ್ಚಾದ್ರೂ ನಾವ್ ತಡಿಯಲ್ಲಾ
ಜರಾ ನೋಡ್ಕೊಂಡ್ ಆಟಾ ಆಡ್ರಪ್ಪೋ
ಬಡ್ಪಾಯಿ ಜನ ಬದ್ಕೊಳ್ಲಿ ಕನ್ರಪ್ಪೊ ||
ಶ್ರೀಮತಿ ಜ್ಯೋತಿ ಕೋಟಗಿ ಬೈಲಹೊಂಗಲ
ಬಿ.ಆರ್. ಪಿ. ಚ. ಕಿತ್ತೂರು