ನಮಿಪೆ ಗಣಪ
ಗ ಣೇಶ ನಿನ್ನಯ ಬರುವಿಕೆಯಿಂದ
ಸಂತಸ ಸಂಭ್ರಮ ಮನೆ ತುಂಬ ||
ಗಾ ಯನ ಲಹರಿಯ ಹರಿಸುತ ಎಲ್ಲ
ಸಿಹಿಯನು ಸವಿಯುತಿಹರು ಮೆಲ್ಲ ||
ಗಿ ಟುಕು ಕೊಬ್ಬರಿಗೆ ಬೆಲ್ಲವ ಸೇರಿಸಿ
ಮೋದಕ ತಯಾರಿ ನಡೆಸಿಹೆವು ||
ಗೀ ತ ಪ್ರೀಯ ನೀ ಗಣಪತಿರಾಯ
ಶಿರವನು ಬಾಗಿಸಿ ಮುಗಿವೆವು ಕೈಯ ||
ಗು ಡಿಯೊಳು ನೀನೇ ಪ್ರಥಮ ಪೂಜಿತನು
ದೇವ ದೇವತೆಗಳ ನಾಯಕನು ||
ಗೂ ಡನು ಕಟ್ಟುವ ಮುನ್ನದಿ ನಾವು
ಕಷ್ಟನಿವಾರಿಸೆ ಬೇಡುವೆವು ||
ಗೆ ಲುವಿನ ಕಾರಣ ಕರ್ತನೆ ನೀನು
ಜಯವನು ನಿನ್ನಲಿ ಬೇಡುವೆವು ||
ಗೇ ಣು ಬಟ್ಟೆಗೆ ಪರದಾಟವು ಇರೆ
ನಿಲ್ಲಿಸು ನಮ್ಮಯ ಅಲೆದಾಟ ||
ಗೈ ವೆವು ಆದರದಾ ಸ್ವಾಗತವನು
ಅನುದಿನ ಗಣಪನ ಪೂಜಿಪೆವು ||
ಗೊ ಣಗಾಟವನು ದೂರೀಕರಿಸುವ
ವಿಘ್ನ ವಿನಾಶಕ ಆಗಿರುವೆ ||
ಗೋ ಕರ್ಣದಲಿ ವಟುವಿನ ವೇಷದಿ
ಆತ್ಮಲಿಂಗವನು ಹಿಂಪಡೆದೆ ||
ಗೌ ರಿತನಯ ಗಜವದನನು ನೀ
ಹೇ ಲಂಬೋದರ ಹರಿಸೆಮ್ಮ ||
ಗಂ ಧಧೂಪಾರತಿ ಬೆಳಗುತ ನಾವು
ರಾಗದಿ ಮಂಗಲ ಹಾಡುವೆವು ||
ಗಃ ಹ ಗಃಹ ನಕ್ಕಾ ಚಂದಿರನನ್ನು
ಕ್ಷಮಿಸಿ ಬಿಡೆಂದು ಬೇಡುವೆವು ||
ಶ್ರೀಮತಿ ಜ್ಯೋತಿ ಕೋಟಗಿ
ಶಿಕ್ಷಕಿ ಸ ಮಾ ಪ್ರಾ ಶಾಲೆ ತಲ್ಲೂರ.