spot_img
spot_img

ಕವನ: ಅಳಿಸಲಾಗದ ನೆನಪು

Must Read

ಅಳಿಸಲಾಗದ ನೆನಪು

ಅರಮನೆಯ ಅರಸ ನೀನಲ್ಲ
ಆದರೂ ಅರಸನಂತೆ ನನ್ನ ಬೆಳೆಸಿದೆ
ಮೊಮ್ಮಕ್ಕಳೊಡನೆ ಪ್ರೀತಿ ತೋರಿ
ಕರಗದಷ್ಟು ನೆನಪುಳಿಸಿದ ಸಾಹುಕಾರ

ಮತ್ತೆ ಮತ್ತೆ ನೆನಪಾಗುವುದು
ನಿಮ್ಮ ಆ ಪ್ರೀತಿ ತೋರಿದ ದಿನಗಳು
ಬೆಲೆ ಕಟ್ಟಲಾಗದ ಆಸ್ತಿ ನನ್ನ ಪಾಲಿಗೆ
ನನ್ನ ನೋವಿನಲ್ಲೂ ನಗುತ್ತಿರುವೆ
ನಿನ್ನ ನೆನಪಿನಾಳದಲ್ಲಿ ಹುದುಗಿ

ಬರಿಯ ಕೆಮ್ಮು ಕೆಮ್ಮುತಲಿ
ಸಾಗಿದೆ ಮಾತಾಡುತ ಆಸ್ಪತ್ರೆಗೆ
ವೈದ್ಯರ ಬೇಗ ಕರೆ ಕೆಮ್ಮು ಜೋರಾಗುತಿಹುದು
ವೈದ್ಯರು ಬರುವ ಮುಂಚೆ
ನೀನಿರಲಿಲ್ಲ
ದೇವರು ಒಂದೇ ಒಂದು ಅವಕಾಶ ನೀಡಲಿಲ್ಲ

ಹೋಗುವಾಗ ಜೊತೆಗೂಡಿ
ಮಾತನಾಡುತಲೇ ಸಾಗಿದ ನಮ್ಮ ಪಯಣ
ಮರಳುವಾಗ
ನಾ ಏಕಾಂಗಿ
ಮತ್ತೆ ಮತ್ತೆ ನೆನಪಾಗುತಿದೆ
ಆ ದಿನಗಳ ನೆನಪು

ನಿಸ್ವಾರ್ಥ ಬದುಕಿನ ನಾವಿಕ ನೀನೆನಗೆ
ಎಲ್ಲಾ ಜವಾಬ್ದಾರಿಗಳ ಹೊತ್ತು ಸಾಗಿದೆ
ಇನ್ನು ಮುಂದಿನ ದಿನಗಳು ನಿನ್ನವು
ಎನುತ ಕಷ್ಟಗಳೇ ಗೊತ್ತಿರದ ಈ ಹೃದಯಕೆ ಜವಾಬ್ದಾರಿ ಹೆಗಲೇರಿಸಿದೆ
ನಿನ್ನ ನಿಶ್ಯಬ್ದ ಮೌನ ಬರೀ ನೆನಪು

ಸಾವು ಎನ್ನುವ ಕಹಿಯಾದ ಸತ್ಯವ
ಹುಟ್ಟಿಗೆ ಸಾವಿಹದು ಎನ್ನುವ
ಸಾವಿನ ಮೆರವಣಿಗೆ ಸಮಾಧಿಯ ವರೆಗೆ
ಹುಟ್ಟು ಸಾವಿನ ನೋವು ನಲಿವುಗಳ ನಡುವೆ
ನಿನ್ನ ಅಳಿಸಲಾಗದ ನೆನಪು
ಅಮರ ಅಜರಾಮರ

ಅಪ್ಪನೆಂದರೆ ಆಕಾಶ ಎನ್ನುವರು
ಅದಕ್ಕಿಂತ ಮಿಗಿಲು ಎನಿಸುವುದು
ವರ್ಣಿಸಲು ಸಾಲದು
ಬರೀ ಶಬ್ದಗಳು
ಪ್ರೀತಿ ಮಮತೆ ವಾತ್ಸಲ್ಯ ಕರುಣೆ
ಇವೆಲ್ಲವೂ ನಿನ್ನ ವು
ಅವೆಲ್ಲವೂ ಅಳಿಸಲಾಗದ ನೆನಪು


ವೈ. ಬಿ. ಕಡಕೋಳ
ಮುನವಳ್ಳಿ ೫೯೧೧೧೭

- Advertisement -

LEAVE A REPLY

Please enter your comment!
Please enter your name here

- Advertisement -

Latest News

ಕವಿ ನಾಗೇಶ್ ನಾಯಕಗೆ ಜಿಲ್ಲಾ ಸಾಹಿತ್ಯ ಪ್ರತಿಷ್ಠಾನದ ದತ್ತಿ ಪ್ರಶಸ್ತಿ ಪ್ರದಾನ

ಸವದತ್ತಿಃ ಸಮೀಪದ ಉಡಿಕೇರಿಯ ರಾಮಲಿಂಗೇಶ್ವರ ಪ್ರೌಢಶಾಲೆಯ ಕವಿ, ಶಿಕ್ಷಕ ನಾಗೇಶ್ ಜೆ. ನಾಯಕ ಅವರಿಗೆ ಇತ್ತೀಚೆಗೆ ಬೆಳಗಾವಿ ಹಿಂದವಾಡಿಯ ಐ.ಎಂ.ಇ.ಆರ್. ಸಭಾಭವನದಲ್ಲಿ ಜರುಗಿದ ಬೆಳಗಾವಿ ಜಿಲ್ಲಾ...
- Advertisement -

More Articles Like This

- Advertisement -
close
error: Content is protected !!