spot_img
spot_img

ಕವನ: ಮಳೆಬಿಲ್ಲು ಹಬ್ಬ

Must Read

ಮಳೆಬಿಲ್ಲು ಹಬ್ಬ

ಮಳೆಬಿಲ್ಲು ಮಳೆಬಿಲ್ಲು ಮಳೆಬಿಲ್ಲು
ಗೊತ್ತಿರುವುದೊಂದೆ ನಮಗೆ ಕಾಮನಬಿಲ್ಲು
ಹಾಗಾದರೆ ಯಾವುದೀ ಮಳೆಬಿಲ್ಲು
ಹುಡುಕೋನ ಬನ್ನಿರಿ ಎಲ್ಲಿಹುದೆಂದು೧

ಹುಡುಕುತ ಹೊರಟಾಗ ಸಿಕ್ಕಿತು
ಸರ್ಕಾರಿ ಶಾಲೆಗಳಲ್ಲಿ ಹರಡಿತ್ತು
ಮಳೆಬಿಲ್ಲಲಿ ಮೈಮರೆತ ಶಿಕ್ಷಕರು
ಶಿಕ್ಷಕರ ಜೊತೆ ಬೆರೆತ ಮಕ್ಕಳು೨

ಲಗೋರಿ ಆಡುತ ಕುಣಿದಿಹರು
ಚೌಕಾಬಾರ ಆಣೆಕಲ್ಲು ಹುಡುಕಿಹರು
ಗಾಳಿಪಟ ಹಾರಿಸಿ ನೊರೆಗುಳ್ಳಿ ಊದಿಹರು
ಪೇಪರ್ ರಾಕೆಟ್ ವಿಮಾನವನ್ನೂ ಮಾಡಿಹರು೩

ಶಾಲೆಯಲ್ಲಿ ಜಾತ್ರೆಯ ಸಡಗರವು
ನೋಡಬನ್ನಿರಿ ನಡೆದಿದೆ ನಾಟಕವೂ
ಭಾವೈಕ್ಯತೆಯಲಿ ಕೂಡಿ ನಲಿದಿಹರು
ಕೋವಿಡ್ ಜಾಗೃತಿಯ ಅರಿತಿಹರು ೪

ಕಸದಿಂದ ರಸವನು ತೆಗೆದಿಹರು
ಅಂದದ ಗೊಂಬೆಗಳ ಮಾಡಿಹರು
ಮಣ್ಣಿನ ಆಟಿಕೆ ಬಿದಿರಿನ ಬುಟ್ಟಿ
ರಂಗೋಲಿಯನ್ನೂ ಹಾಕಿ ನಲಿದಿಹರು೫

ವಿಧವಿಧ ಕತೆಗಳ ಹೇಳಿಹರು
ಹಾಡು ಹಾಡುತ ಹೆಜ್ಜೆಯ ಹಾಕಿಹರು
ಪರಿಸರವ ತಿಳಿಯುತ ತಾವು
ಪ್ರತಿದಿನ ಶಾಲೆಗೆ ಬರುತಿಹರು ೬

ಕೆರೆದಡ ಮಗ್ಗಿಆಟ ಮಾಯಾಚೌಕ
ಕೂಡಿಕಳೆ ಎನ್ನುತ ಮಕ್ಕಳು
ಗಣಿತದ ಭಯವನೇ ದೂಡಿಹರು
ಸರಳ ಲೆಕ್ಕಾಚಾರವ ಮಾಡಿಹರು೭

ಇತಿಹಾಸದ ಪುಟಗಳ ತಿರುವುತಲಿ
ದೇಶದ ನಾಯಕರ ನೆನೆದಿಹರು
ಸರಳ ಪ್ರಯೋಗ ಮಾಡುತಲಿ
ವಿಜ್ಞಾನದ ತಿಳುವಳಿಕೆ ಪಡೆದಿಹರು೮

ಸಿಂಗಾರ ಗೊಂಡವು ಶಾಲೆಗಳು
ಅಂಗಳ ತುಂಬೆಲ್ಲಾ ಮಕ್ಕಳು
ಗೋಡೆಯ ಮೇಲೆ ಚಿತ್ತಾರಗಳು
ತಯಾರಾದವು ಕಲಿಕಾ ಮೂಲೆಗಳು೯

ಇದುವೇ ನೋಡಿರಿ ಮಳೆಬಿಲ್ಲು
ಕಾಮನಬಿಲ್ಲಿಗಿಂತ ಚಿತ್ತಾರದಬಿಲ್ಲು
ಮಕ್ಕಳಿಗೆ ನಿರ್ಮಿಸಿದ ಸಕ್ಕರೆಕಲ್ಲು
ಶಿಕ್ಷಕ ಮಕ್ಕಳ ನಡುವೆ ಬೆಸೆಯುತಿದೆ ಬಾಂಧವ್ಯವನ್ನು


ಶ್ರೀಮತಿ ಜ್ಯೋತಿ ಕೋಟಗಿ ಬಿ ಆರ್ ಪಿ ಕಿತ್ತೂರ

- Advertisement -
- Advertisement -

Latest News

ಶಿಕ್ಷಕರ ಸೇವಾ ಪುಸ್ತಕ ಸರಿಪಡಿಸಲು “ಗುರುಸ್ಪಂದನ” ಕಾರ್ಯಕ್ರಮ ಆಯೋಜಿಸಿ; ಭೂಸನೂರ

ಸಿಂದಗಿ: ತಾಲೂಕಿನ ಪ್ರಾಥಮಿಕ ಶಾಲಾ ಶಿಕ್ಷಕರ ಸೇವಾ ಪುಸ್ತಕಗಳು  ಅಪೂರ್ಣವಾಗಿರುವ ಸೇವಾ ವಿವರ ಹಾಗೂ ಮಾಹಿತಿಯನ್ನು ಪೂರ್ಣಗೊಳಿಸಲು "ಗುರುಸ್ಪಂದನ" ಕಾರ್ಯಕ್ರಮವನ್ನು  ಆಯೋಜಿಸುವ ಕುರಿತು ಕ್ಷೇತ್ರ ಶಿಕ್ಷಣಾಧಿಕಾರಿ...
- Advertisement -

More Articles Like This

- Advertisement -
close
error: Content is protected !!