ಮಂಗಳೂರು- ಇಲ್ಲಿನ ಕಣಚೂರು ಆಯುರ್ವೇದ ಆಸ್ಪತ್ರೆ ವತಿಯಿಂದ ಆಟೋ ಚಾಲಕರಿಗೆ ಉಚಿತ ಆಯುರ್ ಸಾರಥಿ ಆರೋಗ್ಯ ಪತ್ರವನ್ನು ಸಂಸ್ಥೆಯ ಅಧ್ಯಕ್ಷ ಡಾ. ಕಣಚೂರು ಮೋನು ಅವರಿಂದ ಆಯುರ್ವೇದ ಆಸ್ಪತ್ರೆಯಲ್ಲಿ ಸರಳ ಕಾರ್ಯಕ್ರಮದ ಮೂಲಕ ನೀಡಲಾಯಿತು.
ಇದರ ಉದ್ಘಾಟನೆಯನ್ನು ಅಧ್ಯಕ್ಷರು ನೆರವೇರಿಸಿ ಆಟೋ ಚಾಲಕರ ನಿರಂತರ ಸೇವೆ ಹಾಗೂ ಆರೋಗ್ಯ ಪಾಲನೆಯ ಅಗತ್ಯವನ್ನು ಮನ ಕಂಡು ನಮ್ಮ ಆಯುರ್ವೇದ ಆಸ್ಪತ್ರೆಯ ಮೂಲಕ ನುರಿತ ವೈದ್ಯರಿಂದ ಚಿಕಿತ್ಸೆ ಪಡೆಯಲು ಈ ಆಯುರ್ ಸಾರಥಿ ಪತ್ರದ ಮೂಲಕ ಉಚಿತ ಸೌಲಭ್ಯವನ್ನು ಬಳಸುವಂತೆ ಕರೆ ಇಟ್ಟರು
ನಂತರ ಸಂಸ್ಥೆಯ ವೈದ್ಯಕೀಯ ನಿರ್ದೇಶಕ ಡಾ. ಸುರೇಶ ನೆಗಳಗುಳಿಯವರು ಮಾತನಾಡುತ್ತಾ ಇಂದು, ಕಣಚೂರು ಆಯುರ್ವೇದ ಆಸ್ಪತ್ರೆಯ ಮಹತ್ವದ ಉಪಕ್ರಮವನ್ನು ಆಚರಿಸಲು ನಾವು ಒಟ್ಟುಗೂಡಿದ್ದೇವೆ – ಆಟೋ ಚಾಲಕರಿಗೆ ಉಚಿತ ಆರೋಗ್ಯ ಕಾರ್ಡ್‌ಗಳ ವಿತರಣೆ. ಈ ಕಾರ್ಯವು ನಮ್ಮ ದೈನಂದಿನ ಸಾರಿಗೆ ಅಗತ್ಯಗಳಲ್ಲಿ ಪ್ರಮುಖ ಪಾತ್ರ ವಹಿಸುವವರ ಯೋಗಕ್ಷೇಮಕ್ಕೆ ನಮ್ಮ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.
ಆಟೋ ಚಾಲಕರು ತಮ್ಮ ಕೆಲಸದ ಸ್ವರೂಪದಿಂದಾಗಿ ದೈಹಿಕ ಮತ್ತು ಮಾನಸಿಕ ಒತ್ತಡವನ್ನು ಎದುರಿಸುತ್ತಾರೆ. ನಿಯಮಿತ ಆರೋಗ್ಯ ತಪಾಸಣೆಗಳು ಮತ್ತು ಸಕಾಲಿಕ ವೈದ್ಯಕೀಯ ಮಧ್ಯಸ್ಥಿಕೆಗಳು ಅವರ ಆರೋಗ್ಯ ಮತ್ತು ಜೀವನೋಪಾಯಕ್ಕೆ ನಿರ್ಣಾಯಕವಾಗಿವೆ. ನಮ್ಮ ಉಚಿತ ಆರೋಗ್ಯ ಕಾರ್ಡ್ ಉಪಕ್ರಮವು ಅವರಿಗೆ ಗುಣಮಟ್ಟದ ಆಯುರ್ವೇದ ಆರೈಕೆಗೆ ಪ್ರವೇಶವನ್ನು ಒದಗಿಸುವ ಗುರಿಯನ್ನು ಹೊಂದಿದೆ, ಸಮಗ್ರ ಆರೋಗ್ಯ ಮತ್ತು ಯೋಗಕ್ಷೇಮವನ್ನು ಉತ್ತೇಜಿಸುತ್ತದೆ.
ಆರೋಗ್ಯವಂತ ಚಾಲಕನು ತಮಗಾಗಿ ಮಾತ್ರವಲ್ಲದೆ ಅವರ ಕುಟುಂಬಗಳು ಮತ್ತು ಸಮುದಾಯಕ್ಕೂ ಪ್ರಯೋಜನಕಾರಿ ಎಂದು ನಾವು ನಂಬುತ್ತೇವೆ. ಈ ಬೆಂಬಲವನ್ನು ನೀಡುವ ಮೂಲಕ, ಅವರ ಜೀವನಕ್ಕೆ ಸಕಾರಾತ್ಮಕ ಕೊಡುಗೆ ನೀಡಲು ಮತ್ತು ನಮ್ಮ ನಗರವನ್ನು ಕಾಳಜಿ ಮತ್ತು ಸಮರ್ಪಣೆಯೊಂದಿಗೆ ಸೇವೆ ಸಲ್ಲಿಸುವ ಅವರ ಸಾಮರ್ಥ್ಯವನ್ನು ಹೆಚ್ಚಿಸಲು ನಾವು ಆಶಿಸುತ್ತೇವೆ ಎಂದರು.
ಆಟೋ ಚಾಲಕರ ಸಂಘದ ಅಧ್ಯಕ್ಷ ಸಿದ್ಧಿಕಿ ಯವರು ಮಾತನಾಡುತ್ತಾ ಕಣಚೂರು ಸಂಸ್ಥೆಯ ಸೇವೆಗಳನ್ನು ಶ್ಲಾಘಿಸಿ ಇಂತಹ ಸೌಲಭ್ಯಗಳನ್ನು ಸಂಘದ ಎಲ್ಲಾ ಸದಸ್ಯರು ಬಳಸಲು ಪ್ರೇರೇಪಿಸುತ್ತೇವೆ ಎಂದರು.
ಪ್ರಾಚಾರ್ಯರಾದ ಡಾ ವಿದ್ಯಾ ಪ್ರಭಾ ಸ್ವಾಗತಿಸಿ ವೈದ್ಯಕೀಯ ಅಧೀಕ್ಷಕ ಡಾ.ಕಾರ್ತಿಕೇಯ ಅವರು ಧನ್ಯವಾದ ಸಮರ್ಪಿಸಿದರು.
ಸಂಸ್ಥೆಯ ಸಂಪರ್ಕಾಧಿಕಾರಿ ಅಘೋಷ್ ಕಾರ್ಯಕ್ರಮ ನಿರೂಪಿಸಿದರು.
ಆಟೋ ಚಾಲಕರೂ ಎಲ್ಲ ವಿಭಾಗದ ತಜ್ಞರೂ ದಾದಿಯರೂ ಒಳ ಹೊರ ರೋಗಿಗಳು ಹಿತಚಿಂತಕರೂ ಉಪಸ್ಥಿತರಿದ್ದರು
ಡಾ ಸುರೇಶ ನೆಗಳಗುಳಿ
ಸುಹಾಸ
ಬಜಾ ಲ್ ಪಕ್ಕಲಡ್ಕ ಮಂಗಳೂರು 575009
9448216674