ಸಿಂದಗಿ; ತಮಗಾಗಿ ಮೀಸಲಾಗಿರುವ ಶೇ. ೫ ಅನುದಾನ ಕೋರಿ ತಾಲೂಕ ಕಾರ್ಯನಿರ್ವಾಹಕ ಅಧಿಕಾರಿಗಳಿಗೆ ವಿಶೇಷ ಚೇತನರು ಮನವಿ ಸಲ್ಲಿಸಿದರು
ಮನವಿಯಲ್ಲಿ ಅವರು, ತಾಲೂಕಿನ ವಿವಿಧ ಗ್ರಾಮ ಪಂಚಾಯತಿ ಹಿಕ್ಕನಗುತ್ತಿ, ಗುತ್ತರಗಿ, ರಾಂಪೂರ ಪಿ.ಎ, ಕನ್ನೊಳ್ಳಿ ಮತ್ತು ಬ್ಯಾಕೋಡ ಈ ಗ್ರಾಮ ಪಂಚಾಯಾತಿ ವ್ಯಾಪ್ತಿಯಲ್ಲಿ ಬರುವ ಹಳ್ಳಿಗಳಾದ, ರಾಂಪೂರ, ಗಣಿಹಾರ, ಬಬಲೇಶ್ವರ, ಬಂಟನೂರ, ಕನ್ನೊಳ್ಳಿ ಹಾಗೂ ಮನ್ನಾಪೂರ ಹಳ್ಳಿಗಳಲ್ಲಿ ವಿಶೇಷ ಚೇತನರಿಗೆ ಪ್ರತಿ ವರ್ಷದ ಅನುದಾನದಲ್ಲಿ ಸಿಗಬೇಕಾದ ೫% ಅನುದಾನ ಸುಮಾರು ೧೫ ವರ್ಷಗಳಿಂದ ಇಲ್ಲಿಯವರೆಗೆ ಒಂದು ಭಾಗ ಕೂಡ ಸಿಕ್ಕಿರುವುದಿಲ್ಲ ಎಂದು ಅವರು ದೂರು ನೀಡಿದ್ದಾರೆ.
ಮುಂದಯವರೆದು, ವಿಶೇಷ ಚೇತನರ ಯೋಜನೆಯಡಿಯಲ್ಲಿ ಇಲ್ಲಿಯವರೆಗೂ ಒಂದು ಆಶ್ರಯ ಮನೆ ಬಂದಿರುವುದಿಲ್ಲ. ಇದನ್ನು ಪ್ರಶ್ನಿಸಿ ದಿನಾಂಕ ೩೦-೮-೨೦೨೩ ರಂದು ರಾಂಪುರ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿ, ದಿನಾಂಕ ೦೨-೧೧-೨೦೨೩ ರಂದು ಗುತ್ತರಗಿ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳಿಗೆ ಮನವಿ ನೀಡಲಾಗಿದೆ. ಎರಡೂ ಪಂಚಾಯತಿಗಳಿಂದ ಯಾವುದೇ ಸಹಕಾರ ಸಿಗಲಿಲ್ಲ. ಗುತ್ತರಗಿ ಗ್ರಾಮ ಪಂಚಾಯತಿ ಅಭಿವೃದ್ಧಿ ಅಧಿಕಾರಿಗಳು ಮನಬಂದಂತೆ ಮಾತನಾಡುತ್ತಾರೆ. ದಿನಾಂಕ ೨೪-೦೬-೨೦೨೨ ರಂದು ರಾಂಪುರ ಹಾಗೂ ದಿನಾಂಕ ೧೬-೫-೨೦೨೪ ರಂದು ಗುತ್ತರಗಿ ಗ್ರಾಮ ಪಂಚಾಯತಿಗೆ ಆರ್.ಟಿ.ಐ ಯಲ್ಲಿ ಮಾಹಿತಿ ಕೂಡಾ ಕೇಳಲಾಗಿತ್ತು ಇದಕ್ಕೂ ಏನೂ ಸ್ಪಂದನೆ ಸಿಗಲಿಲ್ಲ. ನಮಗೆ ಪ್ರತಿ ವರ್ಷ ಸಿಗುವ ೫% ಅನುದಾನ ಮತ್ತು ಆಶ್ರಯ ಮನೆಗಳನ್ನು ದುರ್ಬಳಕ್ಕೆ ಮಾಡದೇ ಸರಿಯಾದ ಫಲಾನುಭವಿಗೆ ನೀಡಬೇಕೆಂದು ಎಲ್ಲ ವಿಶೇಷ ಚೇತನರು ಸೇರಿ ಸಿಂದಗಿ ತಾಲೂಕ ಕಾರ್ಯನಿರ್ವಾಹಕ ಅಧೀಕಾರಿಗಳಿಗೆ ಮನವಿ ಸಲ್ಲಿಸಿದರು.