ಯಾರು ಇವ !
ತಿಲಕವಿಟ್ಟಿರುವವ
ಜುಟ್ಟು ಬಿಟ್ಟವ
ಹೊಟ್ಟೆ ಉಬ್ಬಿಸುವವ
ಮಂತ್ರಗಳ ಕಲಿತವ
ಕಲಿತು ಪೂಜಿಸುವ ಮಾನವ
ಕಾಣದ ದೇವರನ್ನು !
ಎಲ್ಲದರಲ್ಲೂ ಕಾಣಿಸುವ ಭಕ್ತನಿವ
ಅಂಗಾರದ ಜಾತಕ ನೀಡಿ
ದಕ್ಷಿಣೆ ಪಡೆಯುವ ಗುಣದವ,
ಯಾರು ಇವ ?
ತಿನ್ನಲೊಲ್ಲದ ಮೂರ್ತಿಗೆ
ಅನ್ನವಿಟ್ಟು ತಾನೇ ಉದರ ತುಂಬಿಸಿಕೊಳ್ಳುವ ವ್ಯಕ್ತಿ ಇವ
ವಾಸನೆಯೇ ಅರಿಯದ
ಮೌನಮೂರ್ತಿಗೆ !
ಗಂಧ ಧೂಪ ದೀಪ ನೈವೇದ್ಯ ಅರ್ಪಿಸುವ ಕಾಯಕದವ
ನನಗೇನು ಗೊತ್ತು ಯಾರು ಇವ ?
ನನ್ನದೇ ಅಲ್ಲದ ದೇಹದ ಮೇಲೆ
ಕಾಲಿಟ್ಟು ನಾಮಜಪ ಮಾಡಿ ಮುಕ್ತಿ ನೀಡುವ ಚಾತುರ್ವರ್ಣ ಅರಿತವ
ಹೊನ್ನ ಕುಡಿಕೆ ಕೇಳಿ ಹೊಯ್ಯುವ ಧರ್ಮಸ್ಥನಿವ
ಯಜ್ಞ ಯಾಗ ತಜ್ಞನಿವ
ಹೊತ್ತಿಗೆಯಲ್ಲಿ ವರ್ಣಿಸುವ ಭಾವ
ಯಾರು ಇವ ?
ಮೌನಮುಖಿಯ ಕಂಡುಕೊಂಡವ
ದೇಹದಲ್ಲೇ ಹೊತ್ತು ಮುಳುಗಿಸುವವ
ಮೈಯೆಲ್ಲಾ ಕಣ್ಣಾಗಿ ಪೂಜಿಸುವ ಅಸ್ತ್ರನಿವ
ಕಣ್ಣಿಗೆ ಕಾಣದ ದೇವರನ್ನು
ಮಸ್ತಕದಲ್ಲಿ ಕಾಣಿಸುವ ತಿಲಕ ಕಾಯದ ಶಾಸ್ತ್ರಜ್ಞನಿವ
ಯಾರು ಇವ ?
ಭೋವಿ ರಾಮಚಂದ್ರ
ಹರಪನಹಳ್ಳಿ
8861588118.