ಪ್ರೇಮ ಲೋಕದ ಬಾಗಿಲಲಿ
ನೀ ಇಲ್ಲದಿರೆ ಏನೋ ಕಳೆದ
ಭಾವ ಈ ಮನದೊಳು
ನನ್ನ ಮನದ ಸವಿ ನೆನಪು ನೀ
ನೆನಪಾಗಿ ಕಾಡುತಿಹೆ ನಲ್ಲೆ
ಅಂತರಂಗದಿ ಹುದುಗಿಹ ಮೋಹ
ನಿನ್ನ ನೆನಪ ಮತ್ತೆ ಮತ್ತೆ ಸೆಳೆಯುತಿಹುದು
ನಮ್ಮೊಲವ ಭಾವಕ್ಕೆ ಬರ ಬಂದ ಹಾಗೆ
ಏಕೀ ರೀತಿ ಕಾಡುತಿರುವೆ
ನಿರೀಕ್ಷೆ ಯ ಬದುಕಿನಲಿ
ಎಂದಾದರೂ ಸೇರಬಹುದು ನಾವು
ಎಂಬ ಆಶಾಭಾವ ಮನಸಲಿ
ಉಸಿರಲ್ಲಿ ಹುದುಗಿರುವ ನಿನ್ನ ನೆನಪು
ಪ್ರೇಮ ಲೋಕದ ಬಾಗಿಲಲಿ
ಕಾಯುತಿರುವೆ ನಿನಗಾಗಿ
ಈ ವಯಸಿಗೊಂದು ಬಯಕೆ
ಆ ಬಯಕೆ ನೀನಾಗಿರುವೆ
ಸೇರು ಬಾ ಎನ್ನನು ಓ ಗೆಳತಿ
ಕಾಯುತಿರುವೆ ನಿನಗಾಗಿ
ಇಲ್ಲಗಳ ನಡುವೆ ಸಾಗಿವೆ
ದಿನಗಳು ಕನಸುಗಳ ಬಿಂಬದೊಳು
ನಿನ್ನ ಸೇರುವ ಕಾತರ
ಏಕೋ ಏನೋ ಕಾಯುತಿಹ
ಬಯಕೆಗಳಲಿ ಆವರಿಸಿರುವ
ನಿರಾಸೆ ಹತಾಶೆ
ಬಂದು ಬಿಡು ಬೆಳಕಿನಂತೆ
ವೈ. ಬಿ. ಕಡಕೋಳ
ಶಿಕ್ಷಕ, ಸಾಹಿತಿ
ಮುನವಳ್ಳಿ
(ರೇಖಾಚಿತ್ರಗಳು: ರೇಖಾ ಮೊರಬ
ಹುಬ್ಬಳ್ಳಿ)
