ಶ್ರೀ ಮಂಜುನಾಥ
ಮಂಜುನಾಥನ ಭಕ್ತಿಯಿಂದಲಿ
ಶುದ್ಧ ಮನದಲಿ ಭಜಿಸಿರಿ
ನಂಜು ಚಣದಲಿ ಮಂಜು ಕರಗಿದ ಹಾಗೆ ಕಳೆವುದು ಪೂಜಿಸಿ
ಧರೆಯ ಮೇಲ್ಗಡೆ ಧರ್ಮ ಉಳಿಸಲು
ಭುವಿಗೆ ಬಂದನು ದೇವನು
ಇಳೆಯ ತುಂಬವು ಧರ್ಮ ಜ್ಯೋತಿಯ
ಬೆಳಗಿ ನಿಂತನು ಜಗವನು||
ಮಂಜುನಾಥನೆ ಪರಮ ಪುನೀತ
ಧರ್ಮಸ್ಥಳದವಾಸನೆ
ನಂಜನುಂಡಾ ಜಗದ ಪಾಲಕ
ಸರ್ವಶಕ್ತ ಪ್ರಪೂಜಿತ||
ಭಕ್ತಿ ಗೊಲಿಯುವ ಚಂದ್ರಶೇಖರ
ಶಕ್ತಗೊಳಿಸೋ ಭಕ್ತರ
ಯುಕ್ತಿ ಕರುಣಿಸಿ ಭವಣೆ ನೀಗಿಸು
ಮುಕ್ತಿ ಯುಕ್ತನೆ ಶಂಕರ ||
ಪರಮ ಪಾವನಿ ಸತಿಯು ಪಾರ್ವತಿ
ಹೃದಯ ಕಮಲದಿ ಪೊರೆಯುವೆ
ಶಿರದಿ ಗಂಗೆಯ ಧರಿಪ ಭೂಪತಿ
ಶಿರವ ಬಾಗುತ ನಮಿಸುವೆ||
ಕಾಯಿ ಕರ್ಪೂರ ದೂಪದೀಪವ
ಹಣ್ಣು ಅರ್ಪಿಸಿ ನುತಿಸುವೆ
ತಾಯಿ ತಂದೆಯ ಪ್ರೀತಿ ತೋರುತ
ನಿತ್ಯ ನಮ್ಮನು ಸಲಹುನಿ||
ಶ್ರೀ ಈರಪ್ಪ ಬಿಜಲಿ
