ಕಾದಿಹಳು ರಾಧೆ
ಮಾಧವ ನಿನ್ನ ಕೊಳಲ ನಾದಕೆ
ಮನಸೋತಳು ಬೃಂದಾವನ ಕನ್ನಿಕೆ
ಗೋಪಾಲ ನಿನ್ನ ಮೋಹಕ ರಾಗಕೆ
ಜಗವ ಮರೆತು ನಿಂತಳು ಗೋಪಿಕೆ//
ಪ್ರೇಮದ ಸುಧೆಯ ನೀ ಬೀರಲು
ತನಿಯಿತು ರಾಧೆಯ ಒಡಲು
ಮುರುಳಿ ಮುಕುಂದ ಗೋಪಾಲಕೃಷ್ಣ
ಹೆಂಗಳೆಯರ ಮನಕದ್ದ ಕಳ್ಳ ಕೃಷ್ಣ//
ರಾಧಾ ಕೃಷ್ಣ ನಿಮ್ಮ ಪ್ರೀತಿ ಅಮರ
ನಿಶ್ಕಲ್ಮಶ ಪ್ರೇಮ ಭಾವ ಸುಮಧುರ
ಇವರ ಪ್ರೇಮದೊಡನಾಟ ನೋಡಲು ಸುಂದರ
ಇವರಿರ್ವರ ನೃತ್ಯ ರಮ್ಯ ಮನೋಹರ//
ತುಳಸಿ ಪ್ರಿಯ ನೀನು ಗೋವಿಂದ
ನವಿಲು ಗರಿ ಧರಿಸಿದ ಮುಕುಂದ
ರಾಧಾ ಹೃದಯವಾಸ ಗೋವಿಂದ
ನಿನ್ನ ಹೃದಯದಿ ರಾಧೆ ಇರುವಳು ಮುಕುಂದ//
ತನುಮನದಿ ರಾಧೆಯದೆ ಕನವರಿಕೆ
ಭಾಮಾ ರುಕ್ಮಿಣಿಯರ ವರಿಸಿದಿ ಏಕೆ
ಗೋಕುಲದೆಡೆಗೆ ನಿನ್ನ ಪಯಣ
ಕಾದಿಹಳು ರಾಧೆ ಪ್ರತೀಕ್ಷಣ//
ರಚನೆ ಶ್ರೀಮತಿ ಜ್ಯೋತಿ ಕೋಟಗಿ,
ಶಿಕ್ಷಕಿ, ಸ ಮಾ ಪ್ರಾ ಶಾಲಾ ತಲ್ಲೂರ
ಬೆಳಗಾವಿ ಜಿಲ್ಲೆ
