ಹನಿಗವನಗಳು

ಕಿಕ್ ಔಟ್ ಹನಿಗಳು

1.. ಬೀಡಿ ಸೇದಬೇಡಿ
ಎಂದಳು ಬಿಟ್ಟೆ
ಗುಟಕ ತಿಂದರೆ ಕ್ಯಾನ್ಸರ್
ಹೆದರಿಸಿದಳು ಬಿಟ್ಟೆ
ಹೆಂಡ ಕುಡಿಯಬೇಡಿರೆಂದು
ಬೇಡಿಕೊಂಡಳು
ಹೆಂಡ ಬಿಡಲಿಲ್ಲ
ಹೆಂಡತಿ ಬಿಟ್ಟೆ
—
2..ಹೆಂಡ ಕುಡಿದುಹೋದರೆ
ಹೆಂಡತಿ ಬಾಗಿಲು ತೆಗೆಯುವುದಿಲ್ಲ
ಅದಕ್ಕೆ
ನಾನು ರಾತ್ರಿ ಕುಡಿಯುವುದಿಲ್ಲ
ಹಗಲು ಹೇಳುವುದಿಲ್ಲ

3.. ನಮ್ಮೂರ
ಸಾಲ ಮಾಡುವ ಸಿದ್ದರಾಮ
ಸಾಲ ಕೊಡುವ ಕೋದಂಡರಾಮ
ಇಬ್ಬರೂ ಒಂದನ್ನಂತೂ
ಬಿಡುವುದಿಲ್ಲ
ಸಿದ್ದರಾಮ ಕುಡಿಯುವುದು ಬಿಡುವುದಿಲ್ಲ
ಕೋದಂಡರಾಮ ಬಡ್ಡಿ ಬಿಡುವುದಿಲ್ಲ

4.. ನಮ್ಮೂರಿನಲ್ಲಿ ಉದ್ದಾರವಾದವರು
ದಾಸಪ್ಪ ಆಂಡ್ ಸನ್ಸ್
ಹಾಳಾದವರು
ಕುಡಿತದ ದಾಸರು.
—
ಗೊರೂರು ಅನಂತರಾಜು
ಹಾಸನ
9449462879