ಅವರವರ ದೇವ್ರು !
ಅವರವರ ದೇವ್ರು
ನನ್ನೊಳಗ ಮುಕ್ಕೋಟಿ
ಅವನೊಳಗ ಅಲ್ಲಾ
ಇವನೊಳಗ ಏಸು ಬುದ್ಧ ,
ಅವರವರ ದೇವ್ರು !
ಶಿವ ಗುಡಿಯೊಳಗ
ಅಲ್ಲಾ ಮಸೀದಿಯೊಳಗ
ಬುದ್ಧ ಜೈನ ಬಸದಿಯೊಳಗ
ಅವರವರ ಮಂದಿ ಮಾತ್ರ
ಬೀದಿ ಬದಿಯೊಳಗ.
ಇನ್ನು ಹುಲಗಿ ಉಚ್ಚಂಗಿ
ಮನೆ ಮಕ್ಕಳು
ವರ್ಷಕ್ಕೊಮ್ಮೆ ಸೀರಿ ಜೊತೆಗೊಂದು ಕುರಿ
ಉಣ್ಣೋದು ಎರಡು ಹೊತ್ತು
ಮುಟ್ಟಿಸಿನಿ ಕೊನೆಗೂ ಕುರಿ ಕೋಳಿ ಕತ್ತು .
ಅವರವರ ದೇವ್ರು
ಬಕ್ರೀದ್ ರಂಜಾನ್ ದರ್ಗಾದಾಗ
ಅಲ್ಲಿ ಅಡ್ಡ ಬಿದ್ದು ,
ಮನ್ಯಾಗ ಎತ್ತೋ ಕುರಿನೋ ಅಡ್ಡ ಹಾಕಿ
ಅಡ್ಡ ಬಿದ್ದಿದ್ದು ನಿನಗಾ
ಅಡ್ಡ ಹಾಕಿದ್ದು ನಿನಗಾ
ಊರೆಲ್ಲಾ ಸೇರಿ ಅವರವರ ಮನ್ಯಾಗ ತಿಂದು ಅಡ್ಡ ಬಿದ್ರು !
ಇವರು ಜೀವ ಕೊಯ್ದ್ರು .
ಅವರವರ ದೇವ್ರು
ತಾಸು ತಾಸು ಭಕ್ತಿ
ಸಿಗವಲ್ಲದು ಮುಕ್ತಿ
ಕೂತು ಕಟ್ಟಿದ್ದು ಕೂಟ
ತಿಂದಿದ್ದು ಮಾತ್ರ ಬ್ರೆಡ್ ರಸ
ಗೊತ್ತಿತ್ತು ದೇಹದಾಗ ಅದು ಕೊನೆಗೂ ಕಸ
ತಿಳಿವಲ್ಲದು ಆರು ದಿನದ ಶ್ರಮದ ವಾಸ .
ಆಸೆ ಬಯಸದ ತಂತ್ರ
ಗಡಿಯೊಳಗ ಆಸೆಗಾಗಿ ಪರದಾಡುವ ಕುತಂತ್ರ
ಆಸೆ ಗೆದ್ದವ ಚೀನಿಯಾಗಲಿಲ್ಲ,
ಹುಟ್ಟು ಸಾವು ಎರಡು ದಿಗಂಬರ
ಜೀವನ ಶ್ವೇತ ವಸ್ತ್ರದ ಆಡಂಬರ
ಅವರವರ ದೇವ್ರು ,
ತಿಳಿದಂಗ ಪೂಜಿಸಲಿ ಇದು
ಸಮಾನತೆಯ ಸೂರು.
ಭೋವಿ ರಾಮಚಂದ್ರ
ಹರಪನಹಳ್ಳಿ
8861588118.