ಪಕ್ಷಗಳ ಪ್ರತಿಕ್ರಿಯೆ ಹೀಗಿರಬಹುದೇ ?

ದಿ.೧೩-೦೫-೨೦೨೩ ರ ಮಧ್ಯಾಹ್ನದ ವೇಳೆಗೆ ಚುನಾವಣೆ ಫಲಿತಾಂಶ ಬಂದ ಮೇಲೆ ಮೂರೂ ಪಕ್ಷಗಳ ಪ್ರತಿಕ್ರಿಯೆಗಳು ಹೇಗಿರಬಹುದು?

(ನಮಗೆ ವಾಟ್ಸಪ್ ನಿಂದ ಬಂದಿದ್ದು)

ಹೀಗಿರಬಹುದೇ! (ಒಂದು ಊಹೆ, ಇದು ಶೇ. ೯೦ ನಿಜವೂ ಇರಬಹುದು !)

ಕಾಂಗ್ರೆಸ್ ಗೆದ್ದರೆ:

• ಮತದಾರ ಬಿ.ಜೆ.ಪಿ.ಯನ್ನು ತಿರಸ್ಕರಿಸಿದ್ದಾನೆ.
• ಇನ್ಮುಂದೆ ಕಾಂಗ್ರೆಸದ್ದೇ ಹವಾ.
• ೪೦% ಬಿಜೆಪಿ ಸರ್ಕಾರವನ್ನು ಮತದಾರ ಮುಲಾಜಿಲ್ಲದೆ ಸೋಲಿ‌ಸಿದ್ದಾರೆ.
• ಮೋದಿ, ಶಾ ಯಾರ್ಯಾರೋ ಬಂದ್ರು ಏನೂ ಮಾಡ್ಲಿಕ್ಕೆ ಆಗ್ಲಿಲ್ಲ.
• ಇದು ಪ್ರಜಾಪ್ರಭುತ್ವದ ಗೆಲುವು.
• ಜಾತಿವಾದಿಗಳಿಗೆ ಸೋಲಾಗಿದೆ.
• ಈ ಸೋಲಿನ ಜವಾಬ್ದಾರಿ ಹೊತ್ತು ಮೋದಿ ಪ್ರಧಾನಿ ಸ್ಥಾನಕ್ಕೆ ರಾಜೀನಾಮೆ ಕೊಡಬೇಕು.

ಸೋತರೆ!

• ಚುನಾವಣೆ ಅಕ್ರಮದಿಂದ ಗೆದ್ದಿದ್ದಾರೆ
• ಇಡೀ ಕೇಂದ್ರ ಸರ್ಕಾರದ ಮಂತ್ರಿಗಳ ಹಿಂಡೇ ಬಂದು ಬೀಡುಬಿಟ್ಟಿತ್ತು.
• ಮತದಾರರಿಗೆ ಹಣದ ಆಮಿಷ ತೋರಿಸಿ ಗೆಲುವು ಸಾಧಿಸಿದ್ದಾರೆ.
• ಮತಯಂತ್ರಗಳ ಮೋಸದಿಂದ ಗೆಲುವು ಪಡೆದಿದ್ದಾರೆ.
• ಬಿಜೆಪಿ, ಜೆಡಿಎಸ್ ಒಳ ಒಪ್ಪಂದದ ಮೂಲಕ ನಮ್ಮನ್ನು ಸೋಲಿಸಿದ್ದಾರೆ.
• ಇಡೀ ಸರ್ಕಾರದ ಆಡಳಿತ ಯಂತ್ರದ ದುರುಪಯೋಗ ಪಡಿಸಿಕೊಂಡು ಜಯಪಡೆದಿದ್ದಾರೆ.

ಬಿಜೆಪಿ ಗೆದ್ದರೆ:

• ಇದು ನಿಜವಾಗಿ ಪ್ರಜಾಪ್ರಭುತ್ವದ ಗೆಲುವು.
• ೪೦ ಪರ್ಸೆಂಟ್ ಸರ್ಕಾರ ಎಂದು ಬೊಬ್ಬೆ    ಹೊಡೆಯುತ್ತಿದ್ದವರಿಗೆ ಈಗ ಸರಿಯಾದ ಉತ್ತರ ಸಿಕ್ಕಿದೆ.
• ನಮ್ಮ ಅಭಿವೃದ್ಧಿಯ ಕೆಲಸಗಳನ್ನು ನೋಡಿ ಜನರೇ ನಮ್ಮನ್ನು ಆಯ್ಕೆ ಮಾಡಿದ್ದಾರೆ.
• ವಂಶ ಪಾರಂಪರ್ಯ ಆಡಳಿತವನ್ನು ಜನ ತಿರಸ್ಕರಿಸಿದ್ದಾರೆ.
• ಇದು ಮೋದಿಜಿಯವರ ಪ್ರಾಮಾಣಿಕತೆ, ಆಡಳಿತಕ್ಕೆ ಸಂದ ಜಯವಾಗಿದೆ.
• ವಿರೋಧ ಪಕ್ಷದವರ ಪೊಳ್ಳು ಗ್ಯಾರಂಟಿಗಳನ್ನು ಮತದಾರ ನಂಬಿಲ್ಲ.

ಸೋತರೆ:

• ನಾವು ಜನರ ತೀರ್ಮಾನವನ್ನು ಒಪ್ಪಿಕೊಳ್ಳುತ್ತೇವೆ
• ನಮ್ಮವರೇ ವಿರೋಧ ಪಕ್ಷದ ಜೊತೆ ಸೇರಿಕೊಂಡು ಮೋಸ ಮಾಡಿದರು.
• ಆ ಗ್ಯಾರಂಟಿ ಈ ಗ್ಯಾರಂಟಿ ಎಂದು ಸುಳ್ಳು ಭರವಸೆ ನೀಡಿ ಜನರಿಗೆ ವಂಚಿಸಿದರು.
• ನಮ್ಮವರೇ ನಮ್ಮ ಬೆನ್ನಿಗೆ ಚೂರಿ ಹಾಕಿದರು.

ಜೆಡಿಎಸ್ ಪೂರ್ಣ ಬಹುಮತದಿಂದ ಗೆದ್ದರೆ:

• ಎರಡೂ ರಾಷ್ಟ್ರೀಯ ಪಕ್ಷಗಳನ್ನು ಜನರು ತಿರಸ್ಕರಿಸಿದ್ದಾರೆ.
• ಪ್ರಾದೇಶಿಕ ಪಕ್ಷಗಳಿಂದ ಮಾತ್ರ ರಾಜ್ಯದ ಅಭಿವೃದ್ಧಿ ಸಾಧ್ಯ ಎಂಬುದು ಸಾಬೀತಾಗಿದೆ.
• ನಮ್ಮ ಪಕ್ಷದ ಪಂಚರತ್ನ ಯೋಜನೆಗೆ ಮೆಚ್ಚಿ ಜನ ಆಶೀರ್ವದಿಸಿದ್ದಾರೆ.
• ಕುಟುಂಬ ರಾಜಕಾರಣ ಎನ್ನುವವರು ಈಗೇನು ಹೇಳುತ್ತಾರೆ?

ಅತಂತ್ರ ಫಲಿತಾಂಶ ಬಂದರೆ…

• ನಾವು ಮೊದಲಿನಿಂದಲೂ ಹೇಳುತ್ತಿದ್ದೆವು, ಯಾರೇನೇ ಹೇಳಿದ್ರು ನಾವೇ ಕಿಂಗ್ ಮೇಕರ್ ಅಂತ
• ಈ ಹಿಂದೆ ಎರಡೂ ಪಕ್ಷಗಳೊಂದಿಗೆ ಮೈತ್ರಿ ಮಾಡಿ, ಸಾಕಷ್ಟು ನೋವು ಅನುಭವಿಸಿದ್ದೇವೆ.
• ಈಗ ಮತ್ತೆ ಚುನಾವಣೆಗೆ ಹೋಗಿ ಜನತೆಗೆ ಹೊರೆ ಆಗುವುದು ಬೇಡ ಎಂದು ಮೈತ್ರಿ ಮಾಡಿಕೊಳ್ಳುವ ವಿಚಾರವಿದೆ.
• ಯಾವುದಕ್ಕೂ ದೊಡ್ಡ ಗೌಡರ ತೀರ್ಮಾನವೇ ಅಂತಿಮ.
• ಜಾತಿವಾದಿಗಳನ್ನು ದೂರವಿಡಲು ಜಾತ್ಯತೀತ ಪಕ್ಷಗಳು ಒಂದಾಗಬೇಕಿದೆ.
• ಮೈತ್ರಿಗೆ ಯಾವುದೇ ಪಕ್ಷ ಬಂದರೂ, ಮುಖ್ಯ ಮಂತ್ರಿ, ಹಾಗೂ ಪ್ರಮುಖ ಖಾತೆಗಳನ್ನು ನಮ್ಮ ಪಕ್ಷಕ್ಕೆ ಕೊಡಬೇಕು
• ಸಾಮೂಹಿಕ ಪಕ್ಷಾಂತರ ಮಾಡಬಾರದುನಮ್ಮ ಪಂಚರತ್ನ ಯೋಜನೆಗೆ ಚಾಲನೆ ನೀಡಲು ತಂಟೆ ತಕರಾರು ಮಾಡಬಾರದು.
• ಹೀಗೆ ಇನ್ನೂ ಅನೇಕ ಇರಬಹುದು.
• ಇದು  ಹೀಗಾಗ ಬಹುದೇ ಎಂಬ ಊಹೆ  ಅಷ್ಟೇ,ನಾಳೆ ಹೇಗಾದರೂ ಆಗಬಹುದು.

ಶಾಂತಾನಂದ