ಸಿಂದಗಿ ಪಟ್ಟಣದ ಸೋಮಲಿಂಗೇಶ್ವರ ಚೌಕದಲ್ಲಿ ಪುರಸಭೆ 2021-22ನೇ ಸಾಲಿನ 15ನೇ ಹಣಕಾಸು ಯೋಜನೆಯಡಿ ವಾರ್ಡ ನಂ 10 ರಲ್ಲಿ ರೂ. 6ಲಕ್ಷ ಅನುದಾನದಲ್ಲಿ ಶ್ರೀ ಸೋಮಲಿಂಗೇಶ್ವರ ದೇವಸ್ಥಾನದಿಂದ ದುರ್ಗಿ ಮನೆಯವರೆಗೆ ಹಾಗೂ ಮಸೂತಿ ಹಿಂದುಗಡೆಯಿಂದ ಸಂಗಮ ಮನೆಯವರೆಗೆ ಜಿ.ಐ.ಪೈಪ್ ಅಳವಡಿಸುವ ಮತ್ತು ಕುಲಕರ್ಣಿ ಮನೆಯಿಂದ ಶಂಕರಗೌಡ ಪಾಟೀಲ ಮನೆಯವರೆಗೆ ಸಿಸಿ ರಸ್ತೆ ಹಾಗೂ ವಾರ್ಡ 13 ರಲ್ಲಿ ರೂ. 9 ಲಕ್ಷ ಅನುದಾನದಲ್ಲಿ ಸಿಸಿ ರಸ್ತೆ ಕಾಮಗಾರಿಗಳಿಗೆ ಪುರಸಭೆ ಅಧ್ಯಕ್ಷ ಡಾ. ಶಾಂತವೀರ ಮನಗೂಳಿ ಅವರು ಭೂಮಿಪೂಜೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ಪುರಸಭೆ ಉಪಾಧ್ಯಕ್ಷ ಹಾಸೀಂ ಆಳಂದ, ಸದಸ್ಯ ಭೀಮು ಕಲಾಲ, ಪುರಸಭೆ ಮುಖ್ಯಾಧಿಕಾರಿ ಪ್ರಕಾಶ ಮುದುಗೋಳಕರ, ಕಿರಿಯ ಅಭಿಯಂತರ ಎ.ಜೆ.ನಾಟೀಕಾರ, ಶಿವಾನಂದ ದುರ್ಗಿ, ಶಿವು ಬಡಿಗೇರ, ಅಶೋಕ ಯಡ್ರಾಮಿ, ಮಂಜುನಾಥ ಪಾಟೀಲ, ಈಶ್ವರ ಪಾಟೀಲ, ಶರಣು ಪಾಟೀಲ, ಆನಂದ ದುರ್ಗಿ ಸೇರಿದಂತೆ ಅನೇಕರಿದ್ದರು.