ಕವನ :ಮುಸುಕು ಮಾಯೆ

ಮುಸುಕು ಮಾಯೆ

ಅದು ಮುಸುಕು ಮಾಯೆ
ನಗೆ ಮಾರಿ
ಹಿಂದೆ ಹೋಗಲು ಬೇಡ
ಹೌಹಾರಿ
ಹರುಷದ ಹಾದಿಯಲಿ
ಬೆಸೆದ ನೇಹದ
ಮನೆ ಹಾರಿ
ಹೋಗಲು ಬೇಡ
ಕೌಮಾರಿ

ತನುವು ಸೊಂಕಿಸಬೇಡ
ಕಂಗಳಲಿ ಕರೆಯಬೇಡ
ಕರುಣೆ ಇಲ್ಲದ ತಾಯೆ
ಅದು ಮಾಯೆ
ಜಾತಿ ಕುಲ ಗೋತ್ರದ
ತಿಳಿ ಅರಿವು
ತಡ ರಾತ್ರಿ

ಬೆಳಗು ಹರಿದರೆ ಸಾಕು
ಅದು ಮಾಯೆ ಜಾರಿ
ಕುದುರೆ ಏರಲು ಬೇಡ
ಸವಾರಿ ಮಾಡಲು ಬೇಡ
ಲಂಗು ಲಗಾಮು ಇಲ್ಲದೆ
ತಿರುಗುವ ಮಾಯದ
ಮೊಗ ಅದು ತಿಳಿ ನಡೆ
ನೀ ನಾರಿ

ಕಲಕುವ ಕಿವಿ ಮಾತು
ಜಾಡಿ ಹೇಳಲು ಬೇಡ
ಕೇಳಿದರೂ ಕಿವುಡು
ನೀ ಆಗಿ ಬಿಡು
ಅದು ಮಾಯೆದ ಮುಸುಕು
ನೀ ಪರನಾರಿ

ಪರಮ ಪತಿವ್ರತೆ ಸಾವಿತ್ರಿ
ಪದ ಕಾವ್ಯ ಕವನದಲಿ ನೀ ಜಾರಿ
ಸುಖದ ಬಾಳಿಗೆ ನೀ
ಜಾರಿ ಹೋಗಲುಬೇಡ
ಅದು ಮಾಯದ ಮುಸುಕಿನ
ನಗಾರಿ

ಸದ್ದು ಗದ್ದಲದೊಳಗೆ
ಸುದ್ದಿಯಾಗಿ
ರದ್ದಿಯಾಗಲು ಬೇಡ
ನೀ ಒಂದು ಪದ ಕಾವ್ಯದ
ಮಹಾಕಾವ್ಯ
ನೀ ನಾರಿ
___________
ಡಾ ಸಾವಿತ್ರಿ ಕಮಲಾಪೂರ