ಆರೋಗ್ಯಕ್ಕೆ ಸಿಗಲಿದೆ ಸೈಕ್ಲಿಂಗ್‌ನ ಹಲವು ಲಾಭಗಳು.
ದೈಹಿಕ ಆರೋಗ್ಯವನ್ನು ಕಾಪಾಡಲು ಸೈಕ್ಲಿಂಗ್ ತುಂಬಾ ಪರಿಣಾಮಕಾರಿ ಎಂದು ಪರಿಗಣಿಸಲಾಗಿದೆ.
ಸೈಕ್ಲಿಂಗ್ ಬಗ್ಗೆ ಕೇಳದವರು ಇರಲಿಕ್ಕಿಲ್ಲ, ಗ್ರಾಮೀಣ ಭಾಗದಲ್ಲಿ ತಿರುಗಾಟಕ್ಕೆ ಬಳಸುವಂತಹ ಸೈಕಲ್ ನಿಂದ ಹಿಡಿದು ದೊಡ್ಡ ಸ್ಪರ್ಧೆಗಳು ನಡೆಯುವ ತನಕ ಹಲವಾರು ವಿಧದ ಸೈಕಲ್ ಗಳು ಇವೆ. ಅದಕ್ಕೆ ಅನುಗುಣವಾಗಿ ಅದರ ಬೆಲೆಯು ನಿರ್ಧರಿಸಲ್ಪಡುವುದು.
ಸೈಕಲ್ ತುಳಿಯುವುದರಿಂದ ದೇಹದ ಹಲವಾರು ಭಾಗಗಳಿಗೆ ವ್ಯಾಯಾಮ ಸಿಗುವುದು ಮತ್ತು ಇದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಸೈಕ್ಲಿಂಗ್ ನಡೆಸಿದರೆ ಅದರಿಂದ ಒತ್ತಡ, ಅತಿಯಾದ ತೂಕ, ಅಧಿಕ ಕೊಲೆಸ್ಟ್ರಾಲ್ ಅಥವಾ ರಕ್ತದೊತ್ತಡ ಸಮಸ್ಯೆಯನ್ನು ನಿವಾರಿಸಬಹುದು.
ಆದರೆ ಇಷ್ಟೆಲ್ಲಾ ಲಾಭಗಳು ಸಿಗುವುದು ಎಂದ ಕೂಡಲೇ ನಾಳೆ ಸೈಕಲ್ ಏರಲು ಆಗಲ್ಲ. ಇದಕ್ಕೆ ಸ್ವಲ್ಪ ತಯಾರಿ ಕೂಡ ಬೇಕು. ಹಾಗೆ ಕಲಿಯುತ್ತಾ ಮುಂದೆ ಇದರಲ್ಲಿ ಪರಿಣತಿ ಪಡೆಯಬಹುದು.
ಪ್ರತೀ ವರ್ಷ ಜೂನ್ 3ನ್ನು ವಿಶ್ವ ಬೈಸಿಕಲ್ ದಿನವನ್ನಾಗಿ ವಿಶ್ವದೆಲ್ಲೆಡೆಯಲ್ಲಿ ಆಚರಣೆ ಮಾಡಲಾಗುತ್ತದೆ.
ಕಳೆದ ಎರಡು ವರ್ಷಗಳಿಂದಲೂ ಇದರ ಆಚರಣೆ ನಡೆದುಕೊಂಡು ಬರುತ್ತಲಿದೆ. ಕೈಗೆಟಕುವ ದರದಲ್ಲಿ ಸಿಗುವಂತಹ ಸೈಕಲ್ ಪರಿಸರ ಸ್ನೇಹಿ ಕೂಡ. ಹೀಗಾಗಿ ಇದನ್ನು ಹೆಚ್ಚೆಚ್ಚು ಬಳಸಲು ಪ್ರೋತ್ಸಾಹಿಸಲಾಗುತ್ತಿದೆ. ಸೈಕಲ್ ತುಳಿಯುವುದರಿಂದ ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ಹೇಳಿದೆ.
ಕೊಬ್ಬು ಕರಗಿಸುವುದು:
ಪ್ರತಿನಿತ್ಯ ಕಚೇರಿಗೆ ಹೋಗಲು ಸೈಕಲ್ ಬಳಸಿದರೆ ಆಗ ದೇಹದ ತೂಕ ಸಮತೋಲನದಲ್ಲಿ ಇಡಬಹುದು. ದಿನಕ್ಕೆ 15 ನಿಮಿಷ ಕಾಲ ಸೈಕಲ್ ತುಳಿದರೆ ಆಗ ವರ್ಷಕ್ಕೆ 5 ಕೆಜಿ ಕೊಬ್ಬು ಕರಗುವುದು ಎಂದು ಹೇಳಲಾಗುತ್ತದೆ.
ಮಧ್ಯಮ ವೇಗದಲ್ಲಿ 50 ಕೆ.ಜಿಯ ಮಹಿಳೆಯೊಬ್ಬಳು ಸೈಕಲ್ ತುಳಿದರೆ ಆಗ ಗಂಟೆಗೆ 400 ಕ್ಯಾಲರಿ ದಹಿಸುವುದು ಎಂದು ಅಧ್ಯಯನಗಳು ಕಂಡುಕೊಂಡಿವೆ. ಅದೇ 68 ಕೆ.ಜಿ. ತೂಕವಿರುವ ಪುರುಷರು ಗಂಟೆಗೆ 650 ಕ್ಯಾಲರಿ ದಹಿಸುವರು. ದಿನನಿತ್ಯದ ಈ ಅಭ್ಯಾಸಗಳು ಹೊಟ್ಟೆ ಕೊಬ್ಬು ಕರಗಿಸುವುದು.
ದೇಹದ ಚಯಾಪಚಯ ವೃದ್ಧಿ:
ಕ್ಯಾಲರಿ ದಹಿಸುವ ಜತೆಗೆ ಸೈಕ್ಲಿಂಗ್ ನಿಂದ ಚಯಾಪಚಯ ವೃದ್ಧಿ ಆಗುವುದು. ಚಯಾಪಚಯವು ಬಲಿಷ್ಠವಾಗಿದ್ದರೆ ಆಗ ದೇಹದಲ್ಲಿ ಕಠಿಣ ಕೊಬ್ಬು ಕೂಡ ಬೇಗನೆ ಕರಗುವುದು. ಇದರಿಂದ ಬೊಜ್ಜು ಕರಗಿಸಲು ಸಾಧ್ಯವಾಗಲಿದೆ.
ದೇಹವನ್ನು ಸಮತೋಲನದಲ್ಲಿ ಇಡುವುದು:
ಏರೋಬಿಕ್ ಮತ್ತು ಸ್ನಾಯುಗಳ ಕೆಲಸಕ್ಕೆ ಸೈಕ್ಲಿಂಗ್ ಅತ್ಯುತ್ತಮ. ಇದು ದೇಹದ ವಿವಿಧ ಭಾಗಗಳನ್ನು ಬಲಪಡಿಸುವುದು. ದೇಹದ ಮೇಲಿನ ಭಾಗವನ್ನು ಬಲಪಡಿಸಲು ಇದು ನೆರವಾಗಲಿದೆ.
ಸೈಕ್ಲಿಂಗ್ ನಿಂದ ದೇಹದಲ್ಲಿ ಗಂಟೆಗೆ 400 ರಿಂದ 800 ಕ್ಯಾಲರಿ ದಹಿಸುವುದು. ಇದರಿಂದ ಸೊಂಟದ ಸುತ್ತಲಿನ ಬೊಜ್ಜು ಕರಗಿಸಲು ಸೈಕ್ಲಿಂಗ್ ಮಾಡಿ.
ಸೈಕ್ಲಿಂಗ್-ಆರೋಗ್ಯಕ್ಕೂ ಸೈ, ಪ್ರಯಾಣಕ್ಕೂ ಜೈ!
ಸೈಕ್ಲಿಂಗ್ ನಿಂದಾಗಿ ದೇಹದಲ್ಲಿ ಪ್ರತಿರೋಧಕ ಮತ್ತು ತ್ರಾಣವು ಹೆಚ್ಚಾಗುವುದು. ಇದು ದೇಹದ ಎಲ್ಲಾ ರಕ್ತನಾಳಗಳು, ಹೃದಯದ ವ್ಯವಸ್ಥೆಯನ್ನು ಉತ್ತಮಪಡಿಸುವುದು.
ಗಾಯದ ಸಮಸ್ಯೆ ತಗ್ಗಿಸುವುದು:
ಬೇರೆ ವ್ಯಾಯಾಮಕ್ಕಿಂತಲೂ ಸೈಕ್ಲಿಂಗ್ ತುಂಬಾ ಸುರಕ್ಷಿತ. ಬೈಕ್ ಸವಾರಿ ಮಾಡಿದರೆ ಅದು ದೇಹಕ್ಕೆ ಹೆಚ್ಚು ವ್ಯಾಯಾಮ ನೀಡದು. ಇದರಲ್ಲಿ ಅಪಘಾತವಾಗಿ ಗಾಯಾಳುವಾಗುವ ಸಮಸ್ಯೆಯು ಹೆಚ್ಚು. ಆದರೆ ಸೈಕ್ಲಿಂಗ್ ನಲ್ಲಿ ಅಪಘಾತದ ಅಪಾಯವು ಕಡಿಮೆ.
ಸೈಕಲ್ ತುಳಿಯುವವರು ಮಾಡುವ ತಪ್ಪುಗಳು:
ಸೈಕ್ಲಿಂಗ್ ದೇಹಕ್ಕೆ ಎಲ್ಲಾ ರೀತಿಯ ವ್ಯಾಯಾಮ ನೀಡುವುದು. ಆದರೆ ಇದನ್ನು ತಪ್ಪಾಗಿ ಮಾಡಿದರೆ, ಆಗ ಲಾಭ ಸಿಗದು. ಸರಿಯಾದ ರೀತಿಯಲ್ಲಿ ಸೈಕ್ಲಿಂಗ್ ಮಾಡಿದರೆ ಮಾತ್ರ ಇದರಿಂದ ಲಾಭವಾಗಲಿದೆ. ಕೆಲವೊಂದು ತಪ್ಪುಗಳು ದೇಹದಲ್ಲಿ ಗಾಯದ ಸಮಸ್ಯೆ ಉಂಟು ಮಾಡಬಹುದು.
ಸೈಕಲ್ ಆಯ್ಕೆ:
ಸರಿಯಾದ ಸೈಕಲ್ ಆಯ್ಕೆ ಮಾಡದೆ ಇದ್ದರೆ ಆಗ ಇದರಿಂದ ಸ್ನಾಯುಗಳು ಮತ್ತು ಅಂಗಾಂಶಗಳಿಗೆ ಹಾನಿ ಆಗಬಹುದು. ಹೀಗಾಗಿ ನಿಮ್ಮ ಎತ್ತರಕ್ಕೆ ತಕ್ಕಂತೆ ಸೈಕಲ್ ಆಯ್ಕೆ ಮಾಡಿ. ಇಲ್ಲವಾದಲ್ಲಿ ಬೆನ್ನು ನೋವು ಬರಬಹುದು.
ಸರಿಯಾದ ಬಟ್ಟೆ ಮತ್ತು ಪರಿಕರಗಳನ್ನು ಧರಿಸದೆ ಇರುವುದು:
ಸೈಕಲ್ ತುಳಿಯಲು ತುಂಬಾ ಹಿತಕರವಾಗಿ ಇರುವಂತಹ ಬಟ್ಟೆ ಧರಿಸಬೇಕು. ಸೈಕ್ಲಿಂಗ್ ಮಾಡುವ ವೇಳೆ ಧರಿಸುವಂತಹ ಬಟ್ಟೆ ಖರೀದಿ ಮಾಡಿ. ಇದು ಕಾಲುಗಳು ಸರಿಯಾಗಿ ಚಲಿಸಲು ನೆರವಾಗುವುದು.
ಹೆಲ್ಮೆಟ್ ಇಲ್ಲದೆ ಸೈಕಲ್ ಚಲಾಯಿಸಬೇಡಿ:
ಸರಿಯಾದ ಶೂ ಧರಿಸದೆ ಇದ್ದರೆ ಆಗ ಇದು ಸ್ನಾಯುಗಳಲ್ಲಿ ನೋವು ಉಂಟು ಮಾಡಬಹುದು.
ಖಾಲಿ ಹೊಟ್ಟೆಯಲ್ಲಿ ಸೈಕ್ಲಿಂಗ್:
ಒಂದು ಗಂಟೆಗೂ ಹೆಚ್ಚು ಕಾಲ ಸೈಕ್ಲಿಂಗ್ ಮಾಡುವುದಾದರೆ ಆಗ ಹೊಟ್ಟೆ ಖಾಲಿ ಬಿಡಬಾರದು. ಇದರಿಂದಾಗಿ ರಕ್ತದಲ್ಲಿನ ಸಕ್ಕರೆ ಮಟ್ಟವು ಅಸಾಮಾನ್ಯವಾಗಿ ಏರಿಕೆ ಆಗಬಹುದು. ಇದರಿಂದ ಬಳಲಿಕೆ ಉಂಟಾಗಬಹುದು. ಪದೇ ಪದೇ ನೀರು ಕುಡಿಯುವುದನ್ನು ಮರೆಯಬೇಡಿ. ಸೈಕ್ಲಿಂಗ್ ಗೆ ಹೋಗುವ ವೇಳೆ ಒಂದು ಬಾಟಲಿ ನೀರು ಕೊಂಡೊಯ್ಯಲು ಮರೆಯಬೇಡಿ.
ಅತಿಯಾಗಿ ಸೈಕ್ಲಿಂಗ್:
ಒಂದೇ ಸಲ ಅತಿಯಾಗಿ ಸೈಕ್ಲಿಂಗ್ ಮಾಡಬೇಡಿ. ಇದರಿಂದ ಗಾಯದ ಸಮಸ್ಯೆಯು ಕಾಡಬಹುದು. ಸೈಕ್ಲಿಂಗ್ ಮಾಡುವ ಮೊದಲು ಸ್ವಲ್ಪ ದೇಹವನ್ನು ಇದಕ್ಕೆ ಸಜ್ಜುಗೊಳಿಸಿ. ಮೊದಲು ನಿಧಾನವಾಗಿ ಇದರ ಬಳಿಕ ವೇಗ ಹೆಚ್ಚಿಸಿಕೊಂಡು ಹೋಗಿ.
ಹೇಮಂತ ಚಿನ್ನು
ಕರ್ನಾಟಕ ಶಿಕ್ಷಕರ ಬಳಗ