ನಲಿವ ಮನದಲಿ ಕುಣಿದು ನಿಲ್ಲಲು
ಒಲಿದ ಚೆಲುವಿನ ಮಾನಿನಿ|
ಜಲದ ಮತ್ಸ್ಯದ ತೆರದಿ ಹರಿಯುವ
ಚಲಿಸಿ ಹೋಗಿಹ ಭಾಮಿನಿ||
ಕಂಗಳಂದದಿ ಮುಗುಳು ನಗೆಯದು
ರಂಗಿನಲ್ಲಿಯೆ ಮಿನುಗುತ|
ಸಂಗ ಬಯಸುತ ಬಂದೆ ಚೆಲುವಿಗೆ
ಭೃಂಗದಂತೆಯೆ ಅರಸುತ||
ಕಡಲ ಮುತ್ತಲಿ ಹೊಳೆವ ಪ್ರೇಯಸಿ
ತಡಿಯ ಲತೆಯಲಿ ಹೊಳೆಯುವೆ|
ಒಡಲ ಪ್ರೀತಿಯ ಬಿಚ್ಚಿ ಹೇಳುವೆ
ಪಡುವ ಕಡಲಲಿ ಇಳಿಯುವೆ||
ಮೌನ ಧರಿಸದೆ ಒಲಿದು ಬಾರೆಯ
ತಾನ ತಂದನವೆನುತಲಿ|
ಗಾನ ಮೋಹನ ರಾಗ ನುಡಿಸುವ
ಜಾಣೆ ವೀಣೆಯ ನುಡಿನಲಿ||
ಗೌರವರ್ಣವು ತನುವು ತುಂಬುತ
ಶೌರ ತೋರದೆ ತೋಳಲಿ|
ತಾರೆಯಂತೆಯೆ ಮನದಿ ನಲಿಯುವೆ
ನೀರೆ ನನ್ನಯ ಬಾಳಲಿ||
ಶಂಕರಾನಂದ ಹೆಬ್ಬಾಳ
೮೭೨೨೦೫೦೫೩೨
