ಭಕ್ತಿಗೀತೆ: ತುಳಸಿ ಲಗ್ನ

ತುಳಸಿ ಲಗ್ನ

ತುಳಸಿ ಮಾತೆಯೆ ಸೌಖ್ಯದಾತೆಯೆ
ಪ್ರಾತಃ ಕಾಲದಿ ಪೂಜಿಪೆ
ನುತಿಸಿ ನಿನ್ನಯ ನಾಮಪಠಿಸುತ
ಭಕ್ತಯಿಂದಲಿ ಧ್ಯಾನಿಪೆ||

ದೇವ ದಾನವ ಕ್ಷೀರ ಸಾಗರ ಮಥಿಸೊ ವೇಳೆಲಿ ಉದಿಸಿದೆ
ವಿಷ್ಣು ತೋಷದಿ ಬಿದ್ದ ಬಾಷ್ಪವು
ಸಸ್ಯ ಶ್ಯಾಮಲೆಯೆನಿಸಿದೆ ||

ಮೂಲ ತುಳಸಿಯೆ ಜನಿಸಿ ಬಂದಳು
ಕೃಷ್ಣನೊರಿಸಿದ ರುಕ್ಮಿಣಿ
ಉತ್ಥಾನದ್ವಾದಶಿ ದಿನದಿ ರುಕ್ಮಿಣಿ
ಕೃಷ್ಣಗೊಲಿದಳು ಭಾಮಿನಿ||

ತಾಳಿ ಭಾಗ್ಯವ ಬೇಡಿ ಕಟ್ಟೆಯ
ಹೆಣ್ಣು ಮಕ್ಕಳು ಸುತ್ತಲು
ತಾಳಿ ಭಾಗ್ಯವು ಗಟ್ಟಿಗೊಳ್ಳಲು
ಗೃಹಿಣಿ ಪ್ರದರ್ಶನ ಹಾಕಲು ||

ತುಳಸಿ ಲಗ್ನದ ದಿನದಿ ಭುವಿಯಲಿ
ಧಾತ್ರಿಯಿಂದಲಿ ಪೂಜಿತೆ
ಹಣ್ಣುಹೂಗಳು ಕಾಯಿ ಕರ್ಪೂರ
ದೂಪ ದೀಪವು ಅರ್ಪಿತೆ||

ಶ್ರೀ ಈರಪ್ಪ ಬಿಜಲಿ