ಇವರೆ ಇವರೆ
ಇವರೆ ಇವರೆ ಇವರೆ
ಸಮತೆಯ ಕಿಡಿಯನು
ಹಚ್ಚಿದ ಬುದ್ದನ
ದೇಶವ ಬಿಡಿಸಿ
ಓಡಿಸಿದವರು ಇವರೆ
ಕ್ರಾಂತಿ ಪ್ರಜ್ಞೆಯ
ಬೆಳಗಿದ ಬಸವನ
ಶರಣರ ಮಾರಣ
ಮಾಡಿದವರು ಇವರೆ
ಸತ್ಯದ ಮೂರ್ತಿ ಶಾಂತಿಯ ಕೀರ್ತಿ
ಗಾಂಧಿಯನ್ನು
ಗುಂಡಿಟ್ಟು ಎದೆಗೆ
ಕೊಂದವರು ಇವರೆ
ರಕ್ಕಸರ ಹಸಿವು
ತಣಿಯಲೇ ಇಲ್ಲ
ಮತ್ತೆ ಕೊಂದರು
ದಾಭೋಲ್ಕರ್ ನು ಇವರೆ
ಸಜ್ಜನ ವ್ಯಕ್ತಿ
ಕಮ್ಯುನಿಸ್ಟ್ ಶಕ್ತಿ
ಗೋವಿಂದ ಪನ್ಸರೆ
ಕೊಂದವರು ಇವರೆ
ಕನ್ನಡ ಮಗ ಕಲಬುರ್ಗಿ
ಅವರ ಹಣೆಗೆ
ಗುಂಡಿಟ್ಟು ಕೊಂದವರು
ಇವರೆ
ಬಿಡಲೇ ಇಲ್ಲ
ಗೌರಿಯನ್ನು
ಸಂಜೆಗೆ ಮನೆಯಲಿ
ಕೊಂದವರು ಇವರೆ
ಕೊಲ್ಲುವ ನೀಚರು
ಧರ್ಮವ ಪಠಿಸುತ
ದೇಶವ ಒಡೆದ ದುಷ್ಟರು
ಇವರೆ
ಹೆಣಗಳ ಮೇಲೆ
ಕುಣಿಯುವ ಜೋಗುತಿ
ರಾಷ್ಟ್ರವ ಮಸಣವ
ಮಾಡಿದವರು ಇವರೆ
ಬಗ್ಗುವದಿಲ್ಲ ಬಳಕುವುದಿಲ್ಲ
ಅಂಜುವುದಿಲ್ಲ ಅಳಕುವುದಿಲ್ಲ
ಸಮತೆಯ ಸಮರಕೆ ಕಹಳೆಯು
ಮೊಳಗಿದೆ ದೇಶವ ಕಟ್ಟುವ
ಮೆಟ್ಟುತ ಇವರನು
ಡಾ ಶಶಿಕಾಂತ ಪಟ್ಟಣ ಪುಣೆ