ಸಾಲು ಮರದ ನೆರಳು
ಅವಳು ಬದುಕಿದಳು
ಹೀಗೆ ಒಬ್ಬಳೇ
ನೆಟ್ಟ ಕೋಟಿ
ಮರಗಳ ಜೊತೆಗೆ
ಹೂವು ಹಣ್ಣು ಹಂಪಲು
ಮರಗಳಿಗೆ ನೀರುಣಿಸಿ
ತಂಗಿದಳು ತನ್ನೆಳಲು
ಮಧುರ ತಂಪಿನಲಿ
ದಾರಿ ಪಯಣಿಗರಿಗೆ
ಮೃದು ಮಾತು ಹೇಳಿ
ದಣಿವ ತಣಿಸಿದ ತಾಯಿ
ನೆಲ ಭೂಮಿ
ಸಸ್ಯ ಮರಿಗಳಿಗೆ
ನಿತ್ಯ ಉದಕವನೆರೆದು
ಮುಗಿಲು ಮುಟ್ಟಿದವು
ಗಿಡ ಮರ ಬಳ್ಳಿ
ದೇವಿ ತಿಮ್ಮಕ್ಕ
ಅಲ್ಲ ಇವಳು ಹೆಣ್ಣು
ಜೀವಜಾಲದ ಕಣ್ಣು
ಭೂದೇವಿಯ ಮಡಿಲಿನ
ಹಿರಿಯ ಮಗಳು
ನೂರು ದಾಟಿದ ವಯಸ್ಸು
ಜೀವ ಜಂಗಮ ಮನಸ್ಸು
ಬಿಟ್ಟು ಹೋದಳು ತಿಮ್ಮಕ್ಕ
ನೂರು ದಶಕದ ಮರ
ನೂರು ಶತಕದ ತಂಪು
ನಿತ್ಯ ನೆನಹು ನೆನಪು
ಸಾಲು ಮರದ ನೆರಳು
ಡಾ. ಶಶಿಕಾಂತ ಪಟ್ಟಣ ರಾಮದುರ್ಗ
(ಸಾಲು ಮರದ ತಿಮ್ಮಕ್ಕ ಬಯಲಾದ ಸಂದರ್ಭದಲ್ಲಿ)