ಮೂಡಲಗಿ – ಮೂಡಲಗಿ-ಧರ್ಮಟ್ಟಿ ರಸ್ತೆಯು ತಕ್ಕ ಮಟ್ಟಿಗೆ ಸುವ್ಯವಸ್ಥಿತವಾಗಿದ್ದು ಧರ್ಮಟ್ಟಿ ಗ್ರಾಮದ ಸಮೀಪದ ಹಳ್ಳದ ಸೇತುವೆ ರಸ್ತೆ ಮಾತ್ರ ರಿಪೇರಿಯಾಗದೇ ಸಾರ್ವಜನಕರಿಗೆ ತುಂಬಾ ತೊಂದರೆಯುಂಟಾಗುತ್ತಿದೆ.
ಈ ಸೇತುವೆ ಹಾಗೂ ಎರಡೂ ಬದಿಯಲ್ಲಿ ರಸ್ತೆ ತುಂಬಾ ಹದಗೆಟ್ಟಿದೆ. ಕಬ್ಬಿನ ಟ್ರಾಕ್ಟರ್ ಗಳ ಓಡಾಟದಿಂದಾಗಿ ರಸ್ತೆಯಿಂದ ಕಲ್ಲುಗಳು ಮೇಲೆದ್ದು ಜನರು ಪರದಾಡುವಂತಾಗಿದೆ. ದ್ವಿಚಕ್ರ ವಾಹನ ಸವಾರರು ಸ್ಕಿಡ್ ಆಗಿ ಬಿದ್ದು ಪೆಟ್ಟು ಹಚ್ಚಿಕೊಂಡಿರುವ ಪ್ರಕರಣಗಳೂ ನಡೆದಿದ್ದು ಈ ರಸ್ತೆಗೆ ಯಾರೂ ದಿಕ್ಕಿಲ್ಲವೆ ಎಂದು ಪ್ರಶ್ನಿಸುವಂತಾಗಿದೆ.
ಸದರಿ ರಸ್ತೆಯ ಬಗ್ಗೆ ಲೋಕೋಪಯೋಗಿ ಇಲಾಖೆಯಾಗಲಿ, ತಾಲೂಕಾಡಳಿತವಾಗಲಿ, ಸ್ಥಳೀಯ ಸಮಸ್ಯೆಗಳನ್ನು ಬಗೆ ಹರಿಸುವ ಶಾಸಕರಾಗಲಿ ಗಮನಹರಿಸದೇ ಇದ್ದದ್ದು ವಿಚಿತ್ರ. ಮೂಡಲಗಿ ಧರ್ಮಟ್ಟಿ ಗ್ರಾಮಗಳ ನಡುವಿನ ಉಳಿದೆಲ್ಲ ರಸ್ತೆ ಸ್ವಲ್ಪ ಚೆನ್ನಾಗಿದೆ ಆದರೆ ಈ ಸೇತುವೆ ರಸ್ತೆ ಮಾತ್ರ ಯಾಕೆ ನಿರ್ಲಕ್ಷ್ಯಕ್ಕೆ ಒಳಗಾಗಿದೆ ? ಇದು ಯಾವ ಇಲಾಖೆಗೆ ಸಂಬಂಧಿಸಿದೆ ? ಯಾವಾಗ ರಿಪೇರಿಯಾಗುತ್ಗದೆ? ಎಂಬ ಪ್ರಶ್ನೆಗಳು ಸಾರ್ವಜನಿಕ ವಲಯದಲ್ಲಿ ಎದ್ದಿದ್ದು ಯಾವುದಾದರೂ ಕಬ್ಬಿನ ವಾಹನ ಪಲ್ಟಿಯಾಗಿ ಅನಾಹುತವಾದಾಗಲೇ ತಾಲೂಕಾಡಳಿತ ಎಚ್ಚತ್ತುಗೊಳ್ಳುವುದೇ ಕಾದು ನೋಡಬೇಕು
ಉಮೇಶ ಬೆಳಕೂಡ, ಮೂಡಲಗಿ