Uncategorized

  ಬಟ್ಟೆಯಲಿ ಬೆಟ್ಟವನು ಕಟ್ಟಿಡಲು ಸಾಧ್ಯವೇ ? ಕಡಲ ತುಂಬಿಡಬಹುದೆ ಗಡಿಗೆಯಲ್ಲಿ ? ಆಕಾಶವನು ಹಿಡಿದು ಬಂಧಿಸಿಡಲಾದೀತೆ ? ದೇವನಿಗೆ ದೇಗುಲವೆ ? - ಎಮ್ಮೆತಮ್ಮ ಶಬ್ಧಾರ್ಥ ದೇಗುಲ‌ = ದೇವಾಲಯ ತಾತ್ಪರ್ಯ ಕಲ್ಲುಗುಂಡುಗಳಿಂದ‌ ಕೂಡಿದ ಬೆಟ್ಟಗುಡ್ಡಗಳನ್ನು‌ ಒಂದು ಬಟ್ಟೆಯಲ್ಲಿ ಕಟ್ಟಿಡಲಿಕ್ಕೆ ಸಾಧ್ಯವಾಗುವುದಿಲ್ಲ. ಅಷ್ಟು ದೊಡ್ಡದಾದ ಬಟ್ಟೆ ಸಿಕ್ಕುವುದಿಲ್ಲ. ಒಂದು ವೇಳೆ‌ ಸಿಕ್ಕರು ಬೆಟ್ಟವನ್ನು‌ ಕಿತ್ತಿಟ್ಟು ಸುತ್ತಿಡಲಾಗುವುದಿಲ್ಲ. ಹಾಗೆ ಸದಾ ಕಾಲ‌ ತುಂಬಿ ತುಳುಕಾಡುವ ಸಮುದ್ರದ ಸಮಗ್ರ ನೀರನ್ನು ಒಂದು ಮಣ್ಣಿನ...

  ಸಾಗರದ ಮೇಲೆ ಮಳೆ ಸುರಿದರೇನುಪಯೋಗ ? ಬಯಲುಸೀಮೆಯಲಿ‌ ಮಳೆಸುರಿದರೊಳಿತು ಹೊಟ್ಟೆ ತುಂಬಿದ್ದವಗೆ ನೀಡಿದರೆ ಫಲವಿಲ್ಲ ಹಸಿದವನಿಗನ್ನವಿಡು - ಎಮ್ಮೆತಮ್ಮ ಶಬ್ಧಾರ್ಥ ಸಾಗರ = ಸಮುದ್ರ. ಒಳಿತು = ಒಳ್ಳೆಯದು ಬಯಲುಸೀಮೆ = ಮೈದಾನದಿಂದ ಕೂಡಿದ ಪ್ರದೇಶ ತಾತ್ಪರ್ಯ ಮಳೆ ಕಡಲಿನ ಮೇಲೆ ಬಿದ್ದರೆ ಯಾವ ಉಪಯೋಗವಿಲ್ಲ. ಏಕೆಂದರೆ ಕಡಲಿನಲ್ಲಿ ಈಗಾಗಲೆ ಸಾಕಷ್ಟು ನೀರಿರುತ್ತದೆ. ಮಳೆ ಬಯಲು ಪ್ರದೇಶದಲ್ಲಿ ಬಿದ್ದರೆ ರೈತರು ಹದಮಾಡಿಟ್ಟ ಹೊಲದಲ್ಲಿ ಬೀಜಬಿತ್ತಿ ಬೆಳೆಯಬಹುದು.ಸಸ್ಯ ಸಂಕುಲ ಹುಲುಸಾಗಿ ಬೆಳೆಯುತ್ತವೆ....

ಮನಸ್ಸಿನಾಗ ಮರಗಬೇಕ ಮರುಗಬೇಕ ಮನದಾಗಲೇ ಸತ್ತ ಮ್ಯಾಲ ಹೇರಿಕೊಂಡ ಹೋಗುವಂಗಿಲ್ಲ ಹೊನ್ನ ತಲಿ ಮ್ಯಾಲ ಯಾಕ ಬಡಕೋತಿ ಬರೀ ಗೊಳ್ಳ ಜೀವನದಾಗ ಬರೀ ಸುಳ್ಳ ತಿಳಿದ ನಡಿಬೇಕಣ್ಣಾ ಶರೀರ ಮ್ಯಾಲ ಹಾಕುವರು ನಾಲ್ಕು ಹಿಡಿ ಮಣ್ಣ ತಿನ್ನುವಂಗಿಲ್ಲ ನಾ ಗಳಿಸಿದ ಹೊನ್ನ ಗಳಿಸಬೇಕಣ್ಣಾ ಸಾವಿರ ಸಾವಿರ ಹೊನ್ನಿನಂಗ ಹೊಳೆವ ಮನಸಣ್ಣಾ ಎಷ್ಟ ಅತ್ತರೇನಣ್ಣಾ ಸತ್ತವರು ಹೊಳ್ಳಿ ಬರುವುದಿಲ್ಲ ನಿಜ ಗೊತ್ತೈತಣ್ಣಾ ಎಲ್ಲವೂ ಗೊಳ್ಳ ಕಟುಕರ ಮನ ಕರುಗುವುದಿಲ್ಲ ನಿಜ ಮಾಡಿ ನಡೆಯಿರಣ್ಣ ಸುಳ್ಳ ಬರೀ ಮಾತಲ್ಲ ನೀ ತಿಳಿ ನಡಿಬೇಕಣ್ಣಾ ಮ್ಯಾಲ ಕೈ ಮಾಡಿ ಕರದರ ಹೋಗಲೇ ಬೇಕಣ್ಣಾ ನಾವೂ ನೀವೆಲ್ಲ ಇರುವಂಗಿಲ್ಲ ನನಗ ಗೊತ್ತಣ್ಣ ಆಶೆ ಕನಸ ನನಸಿಗೆ ಕಾಯದೊಳಗೆ ಕಾಯಕ...

  ಕತ್ತಲೆಯ ಕೋಣೆಯಲಿ ಕುಳಿತುಕೊಳ್ಳುವೆಯೇಕೆ ? ತೆರೆದುಬಿಡು ಕಿಟಕಿಬಾಗಿಲುಗಳನ್ನು ಸೂಸಿಬರಲೊಳಗಡೆಗೆ ಹೊಸಬೆಳಕು ಹೊಸಗಾಳಿ ಕಣ್ಣುತೆರೆದುಸಿರಾಡು - ಎಮ್ಮೆತಮ್ಮ  ಶಬ್ಧಾರ್ಥ ಸೂಸಿಬರಲಿ = ಹರಿದುಬರಲಿ ತಾತ್ಪರ್ಯ ಬೆಳಕಿಲ್ಲದ ಕತ್ತಲೆ ಕೋಣೆಯಲ್ಲಿ ಕಿಟಕಿ ಬಾಗಿಲುಗಳನ್ನು ಮುಚ್ಚಿಕೊಂಡು ಕೂಡುವುದು ಸಲ್ಲ. ಎಲ್ಲ‌ ಕಿಟಕಿ ಬಾಗಿಲು ತೆರೆದಿಡಬೇಕು. ಆಗ ತಂಗಾಳಿ ಮತ್ತು ಹೊಂಬೆಳಕು ಒಳಗೆ ಪ್ರವೇಶಿಸುತ್ತವೆ. ಆಗ ಚೆನ್ನಾಗಿ ಉಸಿರಾಡಬಹುದು ಮತ್ತು ಎಲ್ಲ ವಸ್ತುಗಳು ಬೆಳಕಿನಲ್ಲಿ ಕಾಣಬಹುದು. ನಾವು ಅಜ್ಞಾನದಲ್ಲಿ ಕೊಳೆತು ಸಂಕುಚಿತ ಮನದವರಾಗುವ ಬದಲು ಎಲ್ಲ ಕಡೆಯಿಂದ...

  ವಿಷಯ ಫಲಗಳನುಂಡು ದೇಹ ಪಂಜರದೊಳಗೆ ಬಂಧಿಯಾಗಿದೆ ಜೀವಪಕ್ಷಿಯಾಗಿ ಗರಿಬಿಚ್ಚಿ ಗಗನದಲಿ ಸ್ವಚ್ಛಂದ ವಿಹರಿಸಲು ಬಿಡುಗಡೆಯ ಪಡೆದುಕೋ - ಎಮ್ಮೆತಮ್ಮ ಶಬ್ಧಾರ್ಥ ವಿಷಯಫಲ = ಇಂದ್ರಿಯ ಸುಖ, ರೂಪ ರಸ ಗಂಧ ಶಬ್ಧ ಸ್ಪರ್ಶ ಸ್ವಚ್ಛಂದ = ಮುಕ್ತವಾಗಿ, ಸ್ವತಂತ್ರವಾಗಿ ದೇಹದಲ್ಲಿರುವ ಪಂಚೇಂದ್ರಿಯಗಳಾದ ಕಣ್ಣು,ನಾಲಿಗೆ, ಮೂಗು ಕಿವಿ ಚರ್ಮಗಳಿಂದ ರೂಪ,ರಸ,ಗಂಧ,ಶಬ್ಧ, ಸ್ಪರ್ಶಗಳ ವಿಷಯ ಸುಖವನುಭವಿಸಲು ದೇಹದ ಪಂಜರದಲ್ಲಿ ಜೀವಾತ್ಮವೆಂಬ ಪಕ್ಷಿ ಬಂಧಿಯಾಗಿದೆ. ಇವುಗಳಿಗಾಗಿ ಹಾತೊರೆದು ತನ್ನ...

  ಜಾತಿಮತಪಂಥಗಳು ಕುಲಧರ್ಮವರ್ಣಗಳು ಗೋಡೆಗಳ ನಿರ್ಮಿಸಿವೆ ನರರ ನಡುವೆ ಈ ಗೋಡೆಗಳ ಕೆಡವಿ ಬಯಲಲ್ಲಿ ಬಯಲಾಗಿ ವಿಶ್ವದೊಳಗೊಂದಾಗು - ಎಮ್ಮೆತಮ್ಮ ಶಬ್ಧಾರ್ಥ ನರ = ಮಾನವ ತಾತ್ಪರ್ಯ ಒಬ್ಬರ‌ ಮುಖ ಒಬ್ಬರು‌ ನೋಡದಂತೆ ನಾವು ಅನೇಕ ಗೋಡೆಗಳ ಕಟ್ಟಿ ಸನಿಹದಲ್ಲಿದ್ದರು ಮರೆಯಾಗಿ ಬೇರಾಗಿ ನಿಂತಿದ್ದೇವೆ. ಅವು ಕಲ್ಲುಮಣ್ಣಿನ ಗೋಡೆಗಳಲ್ಲ. ನಮ್ಮ ಭಾವದಲ್ಲಿ‌ ಕಟ್ಟಿದ ಅಸಮಾನತೆಯನ್ನುಂಟು ಮಾಡುವ ಕುಲಜಾತಿಗಳ ಗೋಡೆ, ಪಂಥಪಂಗಡಗಳ‌ ಗೋಡೆ, ಮತಧರ್ಮಗಳ ಗೋಡೆ, ವರ್ಗವರ್ಣಗಳ ಗೋಡೆ, ದೇಶಭಾಷೆಗಳ ಗೋಡೆ, ಹೆಣ್ಣುಗಂಡುಗಳ...

  ಗರ್ವವನು ಬಿಟ್ಟವನು ಸರ್ವೇಶನಾಗುವನು ಗರ್ವದಿಂದಾಗುವುದು ಸರ್ವನಾಶ ಹಮ್ಮಿನಿಂದಳಿದಿತ್ತು ದಕ್ಷಬ್ರಹ್ಮನ ಶಿರವು ಹಮ್ಮನಳಿ ಬ್ರಹ್ಮನರಿ - ಎಮ್ಮೆತಮ್ಮ ಶಬ್ಧಾರ್ಥ ಸರ್ವೇಶ = ಪರಮೇಶ, ಶಿವ. ದಕ್ಷಬ್ರಹ್ಮ = ಶಿವನಿಗೆ ಹೆಣ್ಣು ಕೊಟ್ಟ ಮಾವ, ದಾಕ್ಷಾಯಣಿಯ‌ ತಂದೆ. ಅಹಂಕಾರ ಬಿಟ್ಟವನು ಮತ್ತು ಕಿಂಕರತೆಯುಳ್ಳವನು ಶಂಕರನಾಗುತ್ತಾನೆ. ಅಹಂಕಾರದಿಂದ ಜೀವನ‌‌ ಸರ್ವ ನಾಶವಾಗುವುದು‌. ಅದಕ್ಕೆ‌ ಪುರಾಣ ಕತೆಯಲ್ಲಿಯ‌ ದಕ್ಷಬ್ರಹ್ಮನ ಕಥೆಯೆ ಉದಾಹರಣೆ.ದಕ್ಷಬ್ರಹ್ಮ ತನ್ನ‌ ಮಗಳಾದ ಸತಿ ಅಥವಾ ದಾಕ್ಷಾಯಣಿಯನ್ನು ಶಿವನಿಗೆ ಮದುವೆ...

  ಯಾವ ಕುಲಜಾತಿ ಮತಪಂಥಧರ್ಮಗಳಲ್ಲಿ ಯಾವೂರು ತಾಯ್ನಾಡು ದೇಶದಲ್ಲಿ ಹುಟ್ಟಿದ್ದರೇನಾಯ್ತು ಸರಹದ್ದುಗಳ ದಾಟಿ ವಿಶ್ವಮಾನವನಾಗು - ಎಮ್ಮೆತಮ್ಮ  ಶಬ್ಧಾರ್ಥ ಸರಹದ್ದು = ಮೇರೆ, ಗಡಿ ತಾತ್ಪರ್ಯ ಯವುದೇ ಕುಲದಲ್ಲಿ ಜನಿಸಿರಲಿ, ಯಾವುದೇ ಜಾತಿಯಲ್ಲಿ, ಜನಿಸಿರಲಿ, ಯಾವುದೇ ಮತಪಂಥದಲ್ಲಿ ಜನಿಸಿರಲಿ, ಯಾವುದೇ ಧರ್ಮದಲ್ಲಿ ಜನಿಸಿರಲಿ, ಯವುದೇ ಊರಿನಲ್ಲಿ ಜನಿಸಿರಲಿ, ಯಾವುದೇ ನಾಡಿನಲ್ಲಿ ಜನಿಸಿರಲಿ ಮತ್ತು ಯಾವುದೇ ದೇಶದಲ್ಲಿ ಜನಿಸಿರಲಿ ಅವುಗಳಿಗೆ ಅಂಟಿಕೊಳ್ಳದೆ ಅವುಗಳನ್ನು ಮೀರಿ ಬೆಳೆದು ಎಲ್ಲರನ್ನು ಪ್ರೀತಿಸುವ ವಿಶ್ವಮಾನವನಾಗಬೇಕು. ಜಗತ್ತಿನಲ್ಲಿರುವ ಎಲ್ಲರೂ ನಮ್ಮವರು...

  ಪರರ ಚಿಂತೆಯ ಮಾಡಿ ಪರಿತಪಿಸಿ ಫಲವಿಲ್ಲ ನಿನ್ನಾತ್ಮ ಚಿಂತನೆಯ‌ ಮೊದಲು‌ ಮಾಡು ಲೋಕವನು ತಿದ್ದುವುದು ದುಸ್ಸಾಧ್ಯ ದೇವರಿಗು ನಿನ್ನನೀ ತಿದ್ದಿಕೋ‌ - ಎಮ್ಮೆತಮ್ಮ||೯೩|| ಶಬ್ಧಾರ್ಥ ಪರಿತಪಿಸು = ಅತಿಯಾಗಿ ದುಃಖಿಸು .ದುಸ್ಸಾಧ್ಯ‌ - ಕಷ್ಟಸಾಧ್ಯ ತಾತ್ಪರ್ಯ ತಂದೆತಾಯಿ,‌ಅಣ್ಣತಮ್ಮ,ಅಕ್ಕತಂಗಿ, ಮಡದಿಮಕ್ಕಳು, ಬಂಧುಬಳಗ, ಗೆಳೆಯಬಳಗ ಇವರಿಗಾಗಿ ಚಿಂತೆ ಮಾಡಿ ದುಃಖಿಸುವುದು‌ ತರವಲ್ಲ. ಮೊದಲು‌‌ ನಿನ್ನ‌ ಬಗ್ಗೆ ಚಿಂತನೆ‌ ಮಾಡಿ ನಿನ್ನೇಳ್ಗೆಗಾಗಿ ಪ್ರಯತ್ನಮಾಡು. ನೀನು ಬೆಳೆದು ಯಶಸ್ಸನ್ನು ಗಳಿಸಿದರೆ ಎಲ್ಲರು ಬರುತ್ತಾರೆ....

  ಗುಡಿಗೆ ಹೋಗುವದೇಕೆ ? ದೇವನರಸುವದೇಕೆ ? ಮತ್ತೆ ಹುಡುಕುವುದೇಕೆ ಗುರುದೇವನ ? ದೇಹದೇವಾಲಯದಿ ನೀ ದೇವನಾಗುರುವಿ ನಿನ್ನರಿವೆ ಗುರುದೇವ - ಎಮ್ಮೆತಮ್ಮ ಶಬ್ಧಾರ್ಥ ಅರಸು = ಹುಡುಕು. ತಾತ್ಪರ್ಯ ದೇಹದ ಸಾಂಕೇತಿಕವಾಗಿ ದೇವಾಲಯವನ್ನು ನಿರ್ಮಿಸಿದರು. ಅದರಿಂದ ದೇವಾಲಯ ಸಂಸ್ಕೃತಿ ಬೆಳೆದು ಬಂದಿತು ಆದ್ದರಿಂದಲೇ ದೇಹೋ ದೇವಾಲಯಃ ಪ್ರೋಕ್ತಃ ಜೀವೋ ಹಂಸಃ ಸನಾತನಃ ಎಂಬ ಮಾತು ಬೆಳೆದು ಬಂತು. ಪಾದಗಳೇ ಮುಖದ್ವಾರ, ಜನನೇಂದ್ರಿಯವು ಧ್ವಜಸ್ತಂಭ, ಉದರವು ಬಲಿಪೀಠ, ಹೃದಯವು...