ಅವಳು ಹೆಣ್ಣು.
ಅವಳು ಹೆಣ್ಣು
ಮೆತ್ತನೆ ದೇಹದ ವರ್ಣಿಸುವ ಹಣ್ಣು
ಎರಡು ಕಣ್ಣು
ಉದ್ದನೆ ಜಡೆಯ ಹೊನ್ನು
ಗಂಡಿನಂತೆ ಎರಡು ಸ್ತನ
ಉಬ್ಬಿದ ಮಾಂಸದಿಂದ ಅವಳು ಮತ್ತೊಂದು ಗಣ.
ಅವನಂತೆ ಅವಳು
ಅವಳಂತೆ ಅವನಲ್ಲ
ಮೆತ್ತನೆ ದೇಹದಲ್ಲಿ
ಕರುಳ ಬಳ್ಳಿ ಸೃಷ್ಟಿಸುವಳು
ಮಾಂಸ ಮುದ್ದೆಗೆ ಜೀವ ನೀಡುವವಳು
ಇವನಂತೆ ಹೆಗಲೆತ್ತರಕ್ಕೆ
ಮುಗಿಲ ಮುಟ್ಟುವವಳು.
ಇವನಂತೆ ಅವನಂತೆ
ಅವಳು ಕೂಡ ಮುಟ್ಟಿನಲ್ಲಿ ಹುಟ್ಟಿದವಳು
ಅವನು ಮುಟ್ಟನ್ನು ಮಡಿ ಎಂದರೆ
ಇವಳು ಮುಟ್ಟನ್ನು ಮೂರುದಿನ ಆರೈಕೆ ಮಾಡುವವಳು .
ಇವಳು ಒಮ್ಮೊಮ್ಮೆ
ಅವನಂತಿರುವ ಕಾಮುಕನ ನರಕದಲ್ಲಿ ಕುದಿಯುವವಳು
ಉಬ್ಬಿದ ಸ್ತನ
ಸೃಷ್ಟಿಯ ಯೋನಿಯನ್ನು,
ಕತ್ತರಿಸಿ ಬೆಂಕಿಯಲ್ಲಿ ಸುಟ್ಟು ಹಾಕುವ ಯೋಚನೆಯಲ್ಲಿರುವವಳು ,
ಅವಳು ಅವನಾಗಿದ್ದರು
ನಾಲ್ಕು ಗೋಡೆಗಳ ಮಧ್ಯೆ ಅವಳನ್ನು ಅವಳಾಗಿ ಕೂಡಿಟ್ಟರು.
ಅವಳಿಗೆ ನೂರಾರು ನಾಮಧೇಯ
ಮೊದಲು ತಾಯಿ
ನಂತರ ಅಕ್ಕ ತಂಗಿ
ಕೊನೆಗೆ ಹೆಂಡತಿ ,
ಅವಳು ಪಾರ್ವತಿ
ಅವಳೇ ಸರಸ್ವತಿ
ಮತ್ತ್ವಳೆ ಚಾಮುಂಡಿ ಕಾಳಿ .
ಅವಳು ಧರ್ಮಸ್ಥಳದ ಶಿವನ ಸತಿ
ಕಾಮದ ಬಯಕೆಯ ನಾಲಿಗೆಗೆ
ಸಿಕ್ಕು ಮಣ್ಣಾದ ಸೌಜನ್ಯವತಿ
ಅವನಂತೆ ಅವಳು
ಅವಳಂತೆ ಅವನಲ್ಲ
ಕೊನೆಗೆ ನ್ಯಾಯದ ಕಣ್ಣಿಗೆ ಕಪ್ಪು ಬಟ್ಟೆ ಕಟ್ಟಿಸಿಕೊಂಡ ನ್ಯಾಯದೇವತೆಯವಳು.
ಭೋವಿ ರಾಮಚಂದ್ರ
ಹರಪನಹಳ್ಳಿ
8861588118.
