ಶರಣು ನಿನಗೆ ಸದ್ಗುರು
ಶಿಸ್ತನು ಕಲಿಸಿ,ಅರಿವನು ತುಂಬಿ
ಅರಳಿಸಿ ಮಗುವಲಿ ಪ್ರತಿಭೆಯನು
ಕ್ಷಣ ಪ್ರತಿಕ್ಷಣವೂ ಆತ್ಮಸ್ಥೈರ್ಯವ
ವಿದ್ಯಾರ್ಥಿಗಳಲಿ ತುಂಬುವರು
ಕಲಿಸುತಲನುದಿನ ವಿದ್ಯೆಯ ನಮಗೆ
ಹರಸುವ ಗುರುವೇ ಹರಿ ಸಮವು
ರಚಿಸಲು ಶಿಷ್ಯರ ಭವ್ಯ ಭವಿಷ್ಯವ
ಹರ ಸಾಹಸವ ಪಡುವವರು
ಕ್ಲಿಷ್ಟತೆಯನ್ನು ಸರಳೀಕರಿಸುವ
ಚಾಕಚಕ್ಯತೆಯ ಗುಣದಿಂದ
ದಿನಚರಿಯಂತೆ ಆಟ ಪಾಠವ
ಮಾಡುವ ಕ್ರಮವು ಬಲು ಚೆಂದ
ದುಷ್ಟತೆಯಳಿಸಿ ಶಿಷ್ಟಾಚಾರದ
ಅಂಕುರ ಮೂಡಿಸಿ ಸಲಹುವಿರಿ
ಅಷ್ಟಭಾವದಲಿ ಸಾಷ್ಟಾಂಗ ನಮನವ
ಗೈಯುವೆ ಗುರುಗಳೇ ಹಾರೈಸಿರಿ.
✍ಶ್ರೀಮತಿ ಕಮಲಾಕ್ಷಿ ಕೌಜಲಗಿ
ಬೆಂಗಳೂರು.