ರಜಿಯಾ ಬಾನೊ
ರಜಿಯಾ ನನ್ನ ನಿನ್ನ
ಸ್ತ್ರೀ ಯಾಗಿ ಬಾಳುವ ಜೀವನ
ಒಂದೇ ಅಲ್ಲವೇ?
ನಾನು ತಿನಿಸುತ್ತೇನೆ ಭಕ್ಕರಿ ಗೋವಿಗೆ
ನೀನು ಫಕೀರನಿಗೆ
ನಮ್ಮ ತನವಕಳೆದು
ಪುರುಷನ ನಿತ್ಯಭೋಗಕ್ಕೆ
ಹೆರುವ ಹೆರಿಗೆನೋವು
ಇಬ್ಬರಿಗದೂ ಒಂದೇ
ಸಾಯುವಾಗ ನಿನಗೂ
ಕುಡಿಸುತ್ತಾರೆ, ಪವಿತ್ರ ಜಲ
ನನಗೂ ಗಂಗಾಜಲ
ನಿನ್ನ ಪಯಣ ಕಬರಸ್ತಾನಕೆ
ನನ್ನದು ಸ್ಮಶಾನಕೆ
ಈ ಎಲ್ಲಾ ಸಮಾನತೆಗಳಿದ್ದು
ವಿಷಮತೆ ಏಕೆ?
ಏಕೆ ಯುದ್ಧ? ಸಾಯುವರಾರು?
ನಿನ್ನ ಗಂಡ , ನನ್ನ ಮಗ
ನಾವೇ ತಬ್ಬಲಿ ಗಳು
ಸಾಕು ಏಳಿನ್ನು
ತೆಗೆದೊಗೆಯಬೇಕು ಸ್ತ್ರೀಗೆ
ಹೇರಿದ ಮುಖವಾಡ
ನಂದಿಸಬೇಕಿದೆ ಕೋಮುವಾದದ ಜ್ವಾಲೆ
ಒಗ್ಗಟ್ಟಿನಲ್ಲಿ ಕಾಯ೯ ಸಾಧಿಸಬೇಕಾಗಿದೆ
ಭಾರತಾಂಬೆಯ ಹೊಸ ಮುಖದ
ಪರಿಚಯ ಮಾಡಿಸ ಬೇಕಿದೆ
ಏಳಿನ್ನು ಎದ್ದೇಳು ಏಳು.
ರಾಧಾ ಶಾಮರಾವ