“ತುಳಸಿ ಮಾತೆ”
ಕೃಷ್ಣನ ನೆನೆವುದೆ ಭಾಗ್ಯವು ನಮಗೆ
ತುಳಸಿಯ ಪೂಜಿಸೆ ಸಂತೃಪ್ತಿಯೆಮಗೆ ಪ
ಗೋಪಾಲ ಕಂದನ ಪೂಜಿಸ ಬನ್ನಿರೆ
ಹೆಂಗಳೆಯರೆಲ್ಲ ಬೇಗ ತುಳಸಿ ತನ್ನಿರೆ ಅ.ಪ
ಜಗದಲಿ ನಾನಾ ಕಲಹ ಕಾರ್ಮೋಡ
ಕಲಿಯುಗದಲಿ ಕಟ್ಟೆಯೊಡೆದಿದೆ ನೋಡ
ನಾನು ನನ್ನದೆಂಬ ಅಹಂಭಾವ ಬಿಡ
ಭವ ಬಂಧನ ಬಿಟ್ಟು ಭಕ್ತಿಯಲಿ ಹಾಡ ೧
ಕರುಣಾಮಯಿ ಮಾತೆ ತುಳಸಿಮಾತೆ
ಸಕಲರಿಗೂ ಮಂಗಲ ಭಾಗ್ಯವಿಧಾತೆ
ದಯೆ ತೋರೆಂದು ಬೇಡೋಣ ಮತ್ತೆ
ಜನುಮ ಜನುಮಕೂ ತುಳಸಿ ಮಾತೆ ೨
ಮನೆಮನೆಯಲಿ ಮಹಿಳೆಯರ ಮಾತೆ
ಮಂಗಲ ಸೂತ್ರ ಕಾಪಾಡು ನೀ ಮಾತೆ
ಸಂಸಾರ ಸುಖಶಾಂತಿ ಬೇಡುವರು ಮಾತೆ
ಕರುಣಾಮಯಿ ಕಾಯೆ ತುಳಸಿ ಮಾತೆ ೩
ಸಂತೋಷ್ ಬಿದರಗಡ್ಡೆ
ಶಿಕ್ಷಕ, ಸಾಹಿತಿ ಹಾನಗಲ್.