ಚೈತ್ರಮಾಸ
ಸಂಸ್ಕೃತಿಯ ಸಾರಿದ
ಹೊಸ ವರುಷದ ಹರಿಕಾರ
ಯುಗಾದಿಯ ಸಿಂಗಾರ
ಚೈತ್ರಮಾಸದ ಚಿತ್ತಾರ……
ತಳಿರು ತೋರಣದ ಸಿಂಗಾರ
ಮನೆಯ ಬಾಗಿಲಿಗೆ ಬಂಗಾರ
ರಂಗೋಲಿ ಬಣ್ಣದ ಚಿತ್ತಾರ
ಎಲ್ಲಿಯೂ ಹಬ್ಬದ ಸಡಗರ……
ಕೋಗಿಲೆಯ ಇಂಪು
ಮಾವಿನ ತಂಪು
ಬೇವಿನ ಕಂಪು
ಚಿಗುರಲೆಯ ಸಡಗರವು…..
ಮಾವು ಬೇವಿನ
ತಳಿರು ತೋರಣ
ಹಬ್ಬದ ದಿಬ್ಬಣ
ಎಲ್ಲರ ಮನೆಯಲ್ಲಿ ಹೂರಣ….
ಮಾಸದ ನೆನಪುಗಳು ಇಂದಿಗೆ
ಅಳಿಸಿ ಹೋಗಲಿ ಎಂದಿಗೂ
ನವಮಾಸದ ಚಿಗುರಿಗೆ
ನಗೆಯ ಹೂವಿನ ಸ್ವಾಗತಕ್ಕೆ…….
ರೇಣುಕ.ಶಿವಪ್ಪ
ಶಿವಮೊಗ್ಗ