ಪಕ್ಷಿಯ ಪ್ರಪಂಚ
ಯಾವಾಗಲೂ ಎಲ್ಲರ ನಿಂದಿಸುವ
ಓ ಮನುಜನೇ
ಇಗೋ ನೋಡಿದು ನಮ್ಮದು
ಪ್ರಾಣಿ ಪಕ್ಷಿಯ ಪ್ರಪಂಚ
ಯಾರ ಆಸರೆಯೂ ಇಲ್ಲ
ಊಟವಿಲ್ಲದಿದ್ದರೂ ಮುಖದಲ್ಲಿ
ಮಂದಹಾಸ ಮರೆಮಾಚಿಲ್ಲ
ನನ್ನದು ಪ್ರಾಣಿ ಪಕ್ಷಿಯ ಪ್ರಪಂಚ
ಅಲ್ಲಿಂದ ಇಲ್ಲಿಂದ ಎಲ್ಲಿಂದಲೋ
ಹೊಂದಿಸಿ ತಂದ ಊಟ
ಮರದ ಪೊಟರೆಗಳಲ್ಲಿ ಹೊಂದಿಸುತ
ನಾಳೆಯೊಂದರ ಬಗ್ಗೆ ಯೊಚಿಸುವುದೇ
ನನ್ನ ಪ್ರಪಂಚ
ಓ ಮನುಜನೇ ನಿನಗೆ ಕೈ ಮುಗಿದು
ಯಾಚಿಸುವೆ ನನ್ನ ಪ್ರಪಂಚವ
ದೂರಗೊಳಿಸದಿರು ನಾ ಬೀಡು ಬಿಟ್ಟ ಆ ಮರ
ಅಲುಗಿಸದೆ ಉರುಳಿಸದಿರು…..
ಎಲ ಎಲವೋ ಮನುಜ ನೀನೊಂದು
ವಿಷ ಜಂತು ನಾನಿದ್ದ ಆ ಪೊಟರೆ ಧ್ವಂಸಗೊಳಿಸಿದೆ
ಕಾಡೊಂದು ಹಾಳುಗೆಡವಿದೆ ಇದು ಸರಿಯೇ ಮನುಜ ನೀನೇ ಹೇಳೆಯಾ…
ರಾಹುಲ್ ಸರೋದೆ
ಗಂಗಾವತಿ – 583227
Mo : 948244873
