ಹೊಸದಿಲ್ಲಿ: ದೇಶದಲ್ಲಿ ಚಲಾವಣೆಯಲ್ಲಿರುವ ೨೦೦೦ ರ ನೋಟನ್ನು ಆರ್ ಬಿ ಐ ಹಿಂತೆಗೆದುಕೊಂಡ ಹಿನ್ನೆಲೆಯಲ್ಲಿ ಬ್ಯಾಂಕುಗಳಿಗೆ ಹರಿದುಬರುತ್ತಿರುವ ೨೦೦೦ ರ ನೋಟಗಳಿಗೆ ಬದಲಾಗಿ ೫೦೦ ರ ನೋಟುಗಳ ಕೊರತೆ ಎದುರಾಗಿದ್ದು ಹೊಸ ಐನೂರರ ನೋಟು ಮುದ್ರಿಸಲು ದಿನದ ಇಪ್ಪತ್ನಾಲ್ಕು ತಾಸೂ ಕೆಲಸ ಮಾಡಲು ಆರ್ ಬಿ ಐ ನೋಟು ಮುದ್ರಕರಿಗೆ ಸೂಚಿಸಿದೆ.
ಇದೇ ಮೇ ೨೩ ರಿಂದ ದೇಶದಲ್ಲಿ ೨೦೦೦ ರ ನೋಟನ್ನು ಚಲಾವಣೆಯಿಂದ ಹಿಂದೆ ತೆಗೆದುಕೊಂಡಿರುವ ಆರ್ ಬಿ ಐ ಕ್ರಮದಿಂದಾಗಿ ಬ್ಯಾಂಕಿಗೆ ನೋಟು ವಿನಿಮಯ ಮಾಡುವ ಗ್ರಾಹಕರ ಸಂಖ್ಯೆ ಹೆಚ್ಚಾಗಿದೆ.
ರೂ. ೨೦೦೦ ರ ನೋಟಿಗೆ ಬದಲಾಗಿ ನೀಡಲಾಗುವ ೫೦೦ ನೋಟಿನ ಕೊರತೆ ಕಂಡುಬರುತ್ತಿದೆ. ಈ ಕೊರತೆಯನ್ನು ನೀಗಿಸಲು ರಿಸರ್ವ್ ಬ್ಯಾಂಕು ಯುದ್ದೋಪಾದಿಯಲ್ಲಿ ಹೊಸ ನೋಟು ಮುದ್ರಣ ಮಾಡಬೇಕಾಗಿದೆ. ಸೆ.೩೦ ರವರೆಗೆ ೨೦೦೦ ರ ನೋಟು ವಿನಿಮಯ ಮಾಡಿಕೊಳ್ಳಬೇಕಾಗಿದೆ.
೨೦೧೬ ರಲ್ಲಿ ಮೋದಿ ಸರ್ಕಾರವು ಭಾರತದಲ್ಲಿ ನೋಟು ಅಮಾನ್ಯೀಕರಣ ಕೈಗೊಂಡಾಗ ಕೂಡ ಇದೇ ರೀತಿ ನೋಟು ಮುದ್ರಣ ಕಾರ್ಯ ವೇಗದ ಗತಿಯಲ್ಲಿ ಹಮ್ಮಿಕೊಳ್ಳಲಾಗಿತ್ತು.