spot_img
spot_img

ಅಭಿವೃದ್ಧಿಯ ಪಯಣದಲ್ಲಿ ಕೆಲವು ಕ್ಷಣ ಅಮರವಾಗುತ್ತವೆ- ನರೇಂದ್ರ ಮೋದಿ

Must Read

- Advertisement -

ಹೊಸದಿಲ್ಲಿ: ರಾಷ್ಟ್ರದ ಅಭಿವೃದ್ಧಿಯ ಪ್ರಯಾಣದಲ್ಲಿ ಕೆಲವು ಕ್ಷಣಗಳು ಅಮರವಾಗುತ್ತವೆ ಇಂದು ಅಂತಹ ದಿನವಾಗಿದೆ ಎಂದು ಪ್ರಧಾನಿ ಮೋದಿ ಹೇಳಿದರು.

ಭಾನುವಾರದಂದು ವಿವಿಧ ಹೋಮ ಹವನ ನೆರವೇರಿಸಿ ನೂತನ ಸಂಸತ್ ಭವನವನ್ನು ರಾಷ್ಟ್ರಕ್ಕೆ ಸಮರ್ಪಿಸಿ ಲೋಕಸಭೆಯಲ್ಲಿ ಸ್ಪೀಕರ್ ಕುರ್ಚಿಯ ಬಳಿ ಪವಿತ್ರ ಸೆಂಗೋಲ್ ಅನ್ನು ಸ್ಥಾಪಿಸಿದ ನಂತರ, ನೂತನ ಕೆಳಮನೆಯೊಳಗೆ ರಾಜ್ಯಸಭೆ ಹಾಗೂ ಲೋಕಸಭೆಯ ಗಣ್ಯರು ಮತ್ತು ಸದಸ್ಯರನ್ನು ಉದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಭಾರತವು ಈಗ ಸರ್ವಶಕ್ತವಾಗಿದೆ. ಈ ಹೊಸ ಭವನವು ನೂತನ ಭಾರತದ ಉದಯಕ್ಕೆ ಕಾರಣವಾಗಿದೆ ಎಂದರು.

ಈ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಅವರು  ರೂ. ೭೫ ರ ನಾಣ್ಯವನ್ನು ಬಿಡುಗಡೆ ಮಾಡಿದರು. 

- Advertisement -

ಹೊಸ ಸಂಸತ್ ಭವನವು ‘ಅಭಿವೃದ್ಧಿ ಹೊಂದಿದ ಭಾರತ’ ಎಂಬ ನಿರ್ಣಯದ ಸಾಕಾರಕ್ಕೆ ಸಾಕ್ಷಿಯಾಗಲಿದೆ. ಭಾರತ ಅಭಿವೃದ್ಧಿಯಾದರೆ ಜಗತ್ತು ಪ್ರಗತಿ ಹೊಂದುತ್ತದೆ ಎಂದರು.  

“ಭಾರತವು ಮುಂದೆ ಸಾಗಿದಾಗ, ಜಗತ್ತು ಮುಂದಕ್ಕೆ ಚಲಿಸುತ್ತದೆ. ಈ ಹೊಸ ಸಂಸತ್ತು ಭಾರತದ ಅಭಿವೃದ್ಧಿಯ ಮೂಲಕ ಪ್ರಪಂಚದ ಅಭಿವೃದ್ಧಿಗೆ ಕಾರಣವಾಗುತ್ತದೆ” ಎಂದು ಪ್ರಧಾನಿ ಮೋದಿ ಹೇಳಿದರು.

‘ಸೆಂಗೊಲ್’. ರಾಜದಂಡದ ಕುರಿತು ಮಾತನಾಡಿದ ಪ್ರಧಾನಿ ಮೋದಿ, ಇದು ಬ್ರಿಟಿಷರಿಂದ ಅಧಿಕಾರ ಹಸ್ತಾಂತರದ ಸಂಕೇತವಾಗಿದೆ ಮತ್ತು ಎನ್‌ಡಿಎ ಸರ್ಕಾರ ಅದಕ್ಕೆ ಸೂಕ್ತ ಗೌರವ ನೀಡಿದೆ. “ಚೋಳ ಸಾಮ್ರಾಜ್ಯದಲ್ಲಿ, ‘ಸೆಂಗೊಲ್’ ನ್ಯಾಯ, ಸದಾಚಾರ ಮತ್ತು ಉತ್ತಮ ಆಡಳಿತವನ್ನು ಸಂಕೇತಿಸುತ್ತದೆ. ಪವಿತ್ರ ‘ಸೆಂಗೊಲ್’ ನ ಹೆಮ್ಮೆಯನ್ನು ಪುನಃಸ್ಥಾಪಿಸಲು ನಮಗೆ ಸಾಧ್ಯವಾಗಿರುವುದು ನಮ್ಮ ಅದೃಷ್ಟ. ಈ ಸದನದಲ್ಲಿ ಕಲಾಪಗಳು ಪ್ರಾರಂಭವಾದಾಗಲೆಲ್ಲಾ ‘ಸೆಂಗೊಲ್’ ನಮಗೆ ಸ್ಫೂರ್ತಿ ನೀಡುತ್ತದೆ ಎಂದು ಪ್ರಧಾನಿ ಮೋದಿ ನುಡಿದರು.

- Advertisement -

ಭಾರತವು ಪ್ರಜಾಪ್ರಭುತ್ವದ ತಾಯಿ ಮತ್ತು ಜಾಗತಿಕ ಪ್ರಜಾಪ್ರಭುತ್ವದ ಅಡಿಪಾಯ. ಪ್ರಜಾಪ್ರಭುತ್ವವು ಭಾರತದ ‘ಸಂಸ್ಕಾರ’, ಕಲ್ಪನೆ ಮತ್ತು ಸಂಪ್ರದಾಯವಾಗಿದೆ  “ನಮ್ಮ ಪ್ರಜಾಪ್ರಭುತ್ವ ನಮ್ಮ ಸ್ಫೂರ್ತಿ, ನಮ್ಮ ಸಂವಿಧಾನ ನಮ್ಮ ಸಂಕಲ್ಪ… ಸಂಸತ್ತು ಈ ಸ್ಫೂರ್ತಿ, ನಿರ್ಣಯದ ಅತ್ಯುತ್ತಮ ಪ್ರತಿನಿಧಿ” ಎಂದು ಮೋದಿ ಹೇಳಿದರು.

ಹಳೆಯ ಮತ್ತು ಹೊಸದರ ಸಹ ಜೀವನಕ್ಕೆ ನೂತನ ಸಂಸತ್ ಭವನ ಪರಿಪೂರ್ಣ ಉದಾಹರಣೆಯಾಗಿದೆ ಎಂದು ಹೇಳಿದ ಅವರು, ಈ ಕಟ್ಟಡವು ಆಧುನಿಕ ಸೌಲಭ್ಯಗಳನ್ನು ಹೊಂದಿದೆ ಮತ್ತು ಇತ್ತೀಚಿನ ಗ್ಯಾಜೆಟ್‌ಗಳನ್ನು ಹೊಂದಿದೆ. ಹೊಸ ಸಂಸತ್ತಿನ ಕಟ್ಟಡದ ನಿರ್ಮಾಣವು 60,000 ಕಾರ್ಮಿಕರಿಗೆ ಉದ್ಯೋಗವನ್ನು ನೀಡಿದೆ ಮತ್ತು ಅವರಿಗೆ ಮೀಸಲಾದ ಡಿಜಿಟಲ್ ಗ್ಯಾಲರಿಯನ್ನು ನಿರ್ಮಿಸಲಾಗಿದೆ. ಭವಿಷ್ಯದಲ್ಲಿ ಸಂಸದರ ಸಂಖ್ಯೆ ಹೆಚ್ಚಾದಾಗ ಹೊಸ ಕಟ್ಟಡದಲ್ಲಿ ಅವರಿಗೆ ಅವಕಾಶ ಕಲ್ಪಿಸಲು ಸಾಧ್ಯವಾಗುತ್ತದೆ. ಪಂಚಾಯತ್ ಭವನದಿಂದ ಸಂಸದ್ ಭವನದವರೆಗೆ ಎನ್‌ಡಿಎ ಸರ್ಕಾರದ ಸ್ಫೂರ್ತಿ ಭಾರತ ಮತ್ತು ಅದರ ಜನರ ಅಭಿವೃದ್ಧಿಯಾಗಿದೆ ಎಂದು ಪ್ರಧಾನಿ ಹೇಳಿದರು.

- Advertisement -
- Advertisement -

Latest News

ರೈತ ಆತ್ಮಹತ್ಯೆ ; ಶಾಸಕರ ಸಾಂತ್ವನ

ಸಿಂದಗಿ; ಸಾಲದ ಬಾಧೆಗೆ ಆತ್ಮಹತ್ಯೆ ಪರಿವಾರವಲ್ಲ. ಕಾಲದ ವೈಪರೀತ್ಯದಿಂದ ಮಳೆಯಾಗದೇ ಇಂತಹ ದುಸ್ತರ ಪರಿಸ್ಥಿತಿ ಬಂದೊದಗಿದ್ದು ರೈತರ ಕಷ್ಟಗಳಿಗೆ ಸರಕಾರ ಸ್ಪಂದಿಸುತ್ತದೆ ಅಲ್ಲದೆ ನಿಮ್ಮ ಕಷ್ಟಕ್ಕೆ...
- Advertisement -

More Articles Like This

- Advertisement -
close
error: Content is protected !!
Join WhatsApp Group