ನಿನ್ನೆಯ ಮಳೆಯಲ್ಲಿ ಒಂದು ಘಟನೆ ನಡೆಯಿತು. ಮರದ ಮೇಲಿನ ಒಂದು ಹಕ್ಕಿಯ ಗೂಡು ಆಕಸ್ಮಿಕವಾಗಿ ಕೆಳಗೆ ಬಿದ್ದಿತು. ಆ ಗೂಡನ್ನು ಕಟ್ಟುತ್ತಿದ್ದ ಎರಡೂ ಹಕ್ಕಿಗಳು ದುಃಖಿತಗೊಂಡವು.
ರಾತ್ರಿ ಕಳೆದು ಬೆಳಕಾಯಿತು. ಮುಂಜಾನೆ ಸ್ವಚ್ಪ ಬೆಳಕು ಬಿತ್ತು.
ಗಂಡು ಹಕ್ಕಿ: ” ನಡಿ ಹೋಗೂನು !! ಮತ್ತ ಹೊಸ ಕಸ ಕಡ್ಡಿ ಗ್ವಾಳೆ ಮಾಡೂನೂ, ಮತ್ತೊಂದ ಹೊಸ ಗೂಡು ಕಟ್ಟೂಣು ” ಎಂದಾಗ , ಹೆಣ್ಣು ಹಕ್ಕಿಯ ಕಣ್ಣುಗಳಲ್ಲಿ ನೀರು ಬಂತು.
ಗಂಡು ಹಕ್ಕಿ: ” ಹುಚ್ಚೀ ಅದಕ್ಕ್ಯಾಕ ಅಳ್ತೀ ! ಬೀಳಿಸೂದು ಆ ಮ್ಯಾಲೀನಂವನ ಕೈಯಾಗ ಐತಿ. ಆದರs ಮತ್ತ ಹೊಸದೊಂದು ಗೂಡು ಕಟ್ಟೂದು ನಮ್ಮ ಕೈಯಾಗ ಐತಿ ! ಯಾರದಾದರ ಸಹಾಯ ಸಿಗ್ತದಂತ ದಾರಿ ಕಾಯಾಕ ನಾವೇನ್ ಮನುಷ್ಯಾರೇನು !!! ನಡಿ ಹಾರೂನು !
ಮತ್ತೆ ಆ ಹಕ್ಕಿಗಳು ಆಕಾಶದಲ್ಲಿ ಎತ್ತರಕ್ಕೆ ಹಾರಿದವು.
ಇದಕ್ಕೇ ಅನ್ನುವುದು ಬದುಕು. ಪರೀಕ್ಷೆದಾಗ ನಾಪಾಸ್ ಆದ್ರ ಏನಾಯ್ತು ? ಮತ್ತೊಮ್ಮೆ ಪರೀಕ್ಷೆ ಬರೆಯೂಣು !
– ನೀಲಕಂಠ ದಾತಾರ