ಶಾಲೆಗೆ ಬನ್ನಿರಿ ಮಕ್ಕಳೆ
ಚಿಣ್ಣರ ಲೋಕದ ಬಣ್ಣದ ಮಕ್ಕಳೆ
ಶಾಲೆಗೆ ನೀವು ಬನ್ನಿರಿ
ಭಯವನು ಬಿಟ್ಟು, ದೈರ್ಯವ ತೊಟ್ಟು
ಶಾಲೆಗೆ ನೀವು ಬನ್ನಿರಿ ||2||
ಹೂಗಳೇ ಇಲ್ಲದ ತೋಟದ ಹಾಗೆ
ಬಣ ಬಣ ಎಂದಿತು ಈ ಶಾಲೆ
ನಮ್ಮಯ ಶಾಲೆಯ ಹೂಗಳು ನೀವು
ನಿಮ್ಮಿಂದ ನಲಿಯಿತು ಈ ಶಾಲೆ ||1||
ಪಾಠವ ಓದುತ, ಆಟವ ಆಡುತ
ಕಲಿಯುತ ಕುಣಿ ಕುಣಿದಾಡೋಣ
ಶಬ್ದವ ಬರೆಯುತ, ಲೆಕ್ಕವ ಬಿಡಿಸುತ
ಹಿಗ್ಗುತ ಶಾಲೆಗೆ ಬನ್ನಿರಿ ||1||
ಗುರುಗಳು ಹೇಳುವ, ಮಾತಿಗೆ ತಪ್ಪದೇ
ಸ್ವಚ್ಛತೆಯನ್ನು ಹೊಂದೋಣ
ಎಲ್ಲರೂ ಮರೆಯದೇ ಮಾಸ್ಕ್ ಧರಿಸಿ
ಕುಣಿಯುತ ಶಾಲೆಯ ಕಲಿಯೋಣ ||1||
ಕೈಗಳ ತೊಳೆಯುತ, ಬಿಸಿ ನೀರನು ಕುಡಿಯುತ
ರೋಗದಿಂದ ದೂರಾಗೋಣ
ಅಂತರ ಹೊಂದುತ, ಬೇಡದ ಮುಟ್ಟದೆ
ಹಾಡುತ ಶಾಲೆಗೆ ಬನ್ನಿರಿ ||1||
ನಿಮ್ಮಯ ಶಾಲೆ ಜ್ಞಾನದ ಸೆಲೆಯು
ಅಕ್ಷರ ಮಾಲೆಯ ಧರಿಸೋಣ
ನೀವೇ ನಮ್ಮ ದೇಶದ ಬೆಲೆಯು
ಹರುಷದಿ ಶಾಲೆಗೆ ಬನ್ನಿರಿ||1||
ಮಹೇಶ ಬೆಳವಡಿ.
ಪದವೀಧರ ಪ್ರಾಥಮಿಕ ಶಾಲಾ ಶಿಕ್ಷಕರು.
ಸರಕಾರಿ ಮಾದರಿ ಪ್ರಾಥಮಿಕ ಶಾಲೆ,ಬೆಟಸೂರ