ಸ್ಕೌಟ್ಸ್ ಮಕ್ಕಳ ಮೇಳ

ಬಂದೇವ ನಾವು ಬಂದೇವ

ಮಕ್ಕಳ ಮೇಳಕ್ಕೆ ಬಂದೇವ

ನಲಿದೇವ ನಾವು ನಲಿದೇವ

ಜನಪದ ಮೇಳದಲಿ ನಲಿದೇವ ||

ತಂದೇವ ನಾವು ತಂದೇವ

ಶುದ್ಧ ಮನವನು ತಂದೇವ 

ಜೀವನ ಶಿಕ್ಷಣ ಪಡೆದೇವ

ಸ್ಕೌಟ್ ಮೇಳದಲ್ಲಿ ಮಿಂದೇವ ||

ಇದು ಸ್ಕೌಟ್ ಗೈಡ್ ಶಿಬಿರ ಅಣ್ಣ 

ಮಕ್ಕಳ ಮೇಳ ನಮಗಾಗಿ ಅಣ್ಣ

ನಾವೆಲ್ಲ ಒಟ್ಟಾಗಿ ಸೇರಿದೆವಣ್ಣ

ಇಲ್ಲಿ ಕಲಿಯಲು ತೊಡಗಿದೆವಣ್ಣ ||

ಸರಳ ಯೋಗಾಸನ, ಆಟಗಳುಂಟು

ಪ್ರಥಮಚಿಕಿತ್ಸೆ, ಮೌಲ್ಯಗಳುಂಟು

ವನವಿದ್ಯೆ, ಮರಕೋತಿ ಆಟವುಂಟು

ನಲಿಯುತ ಹಾಡುವ ಗೀತೆಗಳುಂಟು ||

ರಂಗೋಲಿ, ಅಡುಗೆ ತಯಾರಿ ಸ್ಪರ್ಧೆ

ರಸಪ್ರಶ್ನೆ, ನಾನಾ ಬಗೆಯ ಸ್ಪರ್ಧೆ

ಶಿಬಿರಾಗ್ನಿ ಜೊತೆಗೆ ಹಾಡು ಕುಣಿತ

ಎಲ್ಲರ ಮನ ತಣಿಸುವ ಸೆಳೆತ

ಸ್ಕೌಟ್ ಗೈಡ್ ಗುರುಗಳು ಬರುವರಿಲ್ಲಿ

ತರತರದ ವಿಷಯವ ಕಲಿಸುವರಿಲ್ಲಿ

ಪೋಷಕರೇ ಶುಭ ಹಾರೈಸ ಬನ್ನಿ

ಚಿಣ್ಣರೆಲ್ಲರೂ ನಮಿಸೋಣ ಬನ್ನಿ ||

ರಚನೆ: 

ಸಂತೋಷ್ ಬಿ ಪಿ, ಸ್ಕೌಟ್ ಮಾಸ್ಟರ್

ಸ್ವಾಮಿ ವಿವೇಕಾನಂದ ಸ್ಕೌಟ್ಸ್ ದಳ

ಸ.ಹಿ.ಪ್ರಾ.ಶಾಲೆ ಕಿರವಾಡಿ ತಾ:ಹಾನಗಲ್ಲ ಜಿ:ಹಾವೇರಿ