ಕವನ

Must Read

ಹುಟ್ಟುತ್ತವೆ ಕವನಗಳು

ಹುಟ್ಟುತ್ತವೆ ಕವನಗಳು
ಜಲಧಾರೆಯಂತೆ
ಭೋರ್ಗರೆದು
ಒಮ್ಮಿoದೊಮ್ಮೆಲೆ
ಮಂದಗತಿಯಲ್ಲಿ
ತನ್ನ ಗತಿ ಬದಲಿಸಿ
ಹೊರಳುತ್ತವೆ ತಮಗೆ
ಬೇಕಾದಕಡೆಗೆ
ಒಳಗಿನ ಕಿಚ್ಚನ್ನು
ಹದವಾಗಿ ಬೇಯಿಸಿ
ತಣ್ಣನೆಯ ಪ್ರತಿರೂಪದಲ್ಲಿ
ಹೊರಹೊಮ್ಮುತ್ತವೆ
ಯಾರಿಗೂ
ಗೊತ್ತಾಗದ ರೀತಿಯಲ್ಲಿ
ನನ್ನೀ ಕವನಗಳು

ಪ್ರತಿಬಿಂಬದಂತೆ
ಫಳಫಳಿಸುತ್ತವೆ
ಎಲ್ಲೆಲ್ಲೂ ಹುಲುಸಾಗಿ
ಧಾರಾಳತನದಿಂದ
ಹುಟ್ಟುತ್ತವೆ ತಮ್ಮಷ್ಟಕ್ಕೆ
ತಾವೇ
ಯಾರ ಹಂಗಿಲ್ಲದೆ
ಮುಜುಗರವಿಲ್ಲದೆ
ಹರಿಯುತ್ತವೆ ನಿಧಾನವಾಗಿ
ನದಿಯಂತೆ
ತಮ್ಮದೇ ಗತಿಯಲ್ಲಿ
ನನ್ನೀ ಕವನಗಳು

ಹುಟ್ಟುತ್ತವೆ ಕವನಗಳು
ತಮಗೆ ಬೇಕೇನಿಸಿದಾಗ
ಸರಾಗವಾಗಿ
ಯಾವುದೇ ಅಡೆತಡೆಯಿಲ್ಲದೆ
ತಂಟೆ -ತಕರಾರಿಲ್ಲದೆ
ತಮ್ಮಿಂದ ತಾವೇ
ಉಯ್ಯಾಲೆಯಲ್ಲಿ ತೂಗಿ
ಲಾಲಿ ಹಾಡುತ್ತವೆ
ಮುದ್ದು ಮಾಡುತ್ತವೆ
ಎಲ್ಲರ ಮನ ಗೆಲ್ಲುತ್ತವೆ

ಸುಧಾ ಪಾಟೀಲ
ಬೆಳಗಾವಿ

Latest News

ಸಿಂದಗಿ : ಆರೆಸ್ಸೆಸ್ ಗಣ ವೇಷಧಾರಿಗಳಿಂದ ಆಕರ್ಷಕ ಪಥ ಸಂಚಲನ

ಸಿಂದಗಿ; ಪಟ್ಟಣದಲ್ಲಿ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಶತಾಬ್ದ ಹಾಗೂ ದೀಪಾವಳಿ ಉತ್ಸವದ ಅಂಗವಾಗಿ ಸಾವಿರಕ್ಕೂ ಹೆಚ್ಚು ಗಣ ವೇಷಧಾರಿಗಳಿಂದ ಆಕರ್ಷಕ ಪಥ ಸಂಚಲನ ನಡೆಯಿತು.ಶನಿವಾರ...

More Articles Like This

error: Content is protected !!
Join WhatsApp Group