ನಿನ್ನ ಹೆಸರು ಹೇಳಿ
ಬಸವಣ್ಣ
ನಿನ್ನ ಹೆಸರು ಹೇಳಿ
ಮಠ ಪೀಠ ಆಶ್ರಮ
ಕಟ್ಟಿಕೊಂಡರಯ್ಯ
ಕಾವಿಗಳು
ಬಸವಣ್ಣ
ನಿನ್ನ ಹೆಸರು ಹೇಳಿ
ಶಾಸಕ ಮಂತ್ರಿಗಳಾಗಿ
ಕೆಂಪು ಗೂಟದ ಕಾರಿನಲ್ಲಿ
ಮೆರೆಯುವರಯ್ಯ ನಮ್ಮವರು
ಬಸವಣ್ಣ
ನಿನ್ನ ಹೆಸರು ಹೇಳಿ
ಪುಸ್ತಕ ರಚಿಸಿ
ಭಾಷಣ ಮಾಡಿ
ಪ್ರಶಸ್ತಿ ಪಡೆದರಯ್ಯ ಸಾಹಿತಿಗಳು
ಬಸವಣ್ಣ .
ನಿನ್ನ ಹೆಸರು ಹೇಳಿ
ನಿನ್ನ ಮೂರ್ತಿ ನಿಲ್ಲಿಸಿ
ದುಡ್ಡು ಎತ್ತುವರಯ್ಯಾ
ಬಸವ ಉದ್ಯಮಿಗಳು
ಬಸವಣ್ಣ
ನಿನ್ನ ಹೆಸರು ಹೇಳಿ
ಪ್ರಮಾಣ ವಚನ ಸ್ವೀಕರಿಸಿ
ದೇಶ ನಾಡು ಕೊಳ್ಳೆ ಹೊಡೆದರಯ್ಯ
ಎಲ್ಲಾ ಪಕ್ಷದ ಕ್ರಿಮಿಗಳು
ಬಸವಣ್ಣ
ನಿನ್ನ ಹೆಸರು ಹೇಳಿ
ನಿನ್ನ ಚಳುವಳಿ ಸಮಾಧಿ ಮಾಡಲು
ಹೊರಟವರ ಕಂಡು ಮರುಗಿದೆ
ಬಸವ ಪ್ರಿಯ ಶಶಿಕಾಂತ
ಡಾ.ಶಶಿಕಾಂತ ರುದ್ರಪ್ಪ ಪಟ್ಟಣ, ರಾಮದುರ್ಗ
