ನಿಮ್ಮೂರ ಹಾದಿ ಬದಿಯಾಗ
ಬಾಳೆ ತಲಿಬಾಗ್ಯಾವೆ ನೆಲ್ಲು ತಲಿತೂಗ್ಯಾವೆ
ತೆಂಗು ಕೈಮಾಡಿ ಕರೆದಾವೆ
ತೆಂಗು ಕೈಮಾಡಿ ಕರೆದಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ನಿಂಬೆ ಹಣ್ಣಾಗ್ಯಾವೆ ತೊಂಡೆ ಕೆಂಪಾಗ್ಯಾವೆ
ದಾಳಿಂಬೆ ಹಣ್ಣು ಬಿರಿದಾವೆ
ದಾಳಿಂಬೆ ಹಣ್ಣು ಬಿರಿದಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ನವಿಲು ಕುಣಿದಾಡ್ಯಾವೆ ಗಿಣಿಯು ನಲಿದಾಡ್ಯಾವೆ
ಕೋಗಿಲೆ ಹಾಡು ಹಾಡ್ಯಾವೆ
ಕೋಗಿಲೆ ಹಾಡು ಹಾಡ್ಯಾವೆ - ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಚಿಗರೆಗಳು ಬೆದರ್ಯಾವೆ ಮೊಲಗಳು ಹೆದರ್ಯಾವೆ
ಪಾತರಗಿತ್ತಿ ಸುಳಿದಾವೆ
ಪಾತರಗಿತ್ತಿ ಸುಳಿದಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಮಲ್ಲಿಗೆ ಬಿರಿದಾವೆ ಪರಿಮಳ ಬೀರ್ಯಾವೆ
ದುಂಬಿಯ ದಂಡು ಹಾರ್ಯಾವೆ
ದುಂಬಿಯ ದಂಡು ಹಾರ್ಯಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಗಿಡಬಳ್ಳಿ ನಲುಗ್ಯಾವೆ ಗಿರಿಬೆಟ್ಟ ಮಲಗ್ಯಾವೆ
ಹೊಲಗದ್ದೆ ಹಸಿರು ತೊಟ್ಟಾವೆ
ಹೊಲಗದ್ದೆ ಹಸಿರು ತೊಟ್ಟಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ತಾವರೆ ಅರಳ್ಯಾವೆ ಕಲಹಂಸ ತೇಲ್ಯಾವೆ
ಮಾವಿನತೋಪು ಚಿಗಿತಾವೆ
ಮಾವಿನತೋಪು ಚಿಗಿತಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಕೆರೆತೊರೆ ತುಂಬ್ಯಾವೆ ನೊರೆತೆರೆಯೆದ್ದಾವೆ
ತಂಗಾಳಿ ಸುಳಿದು ಸೂಸ್ಯಾದೆ
ತಂಗಾಳಿ ಸುಳಿದು ಸೂಸ್ಯಾದೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಆಲ ಬೇರಿಳಿದಾವೆ ಬೇಲ ಕಾಯಾಗ್ಯಾವೆ
ಬೆಳ್ಳಕ್ಕಿ ಸಾಲು ಸಾಗ್ಯಾವೆ
ಬೆಳ್ಳಕ್ಕಿ ಸಾಲು ಸಾಗ್ಯಾವೆ – ಏ ಗೆಳತಿ
ನಿಮ್ಮೂರ ಹಾದಿ ಬದಿಯಾಗ
ಎನ್.ಶರಣಪ್ಪ ಮೆಟ್ರಿ