ಹೆಮ್ಮೆ ಪಡು ಭಾರತೀಯ ಮನವೆ
ಹೆಮ್ಮೆ ಪಡು ಭಾರತೀಯ ಮನವೆ
ಸ್ವಾಭಿಮಾನದ ಸೌಧ
ತಲೆಯೆತ್ತಿದೆಯೆಂದು !
ಕರ್ತವ್ಯ ಪಥದಲ್ಲಿಂದು
ಭಾರತ ಮುನ್ನಡೆಯುತ್ತಿದೆಯೆಂದು !
ತಳ್ಳಿ ಬಿಡು
ಒಣ ಪೂರ್ವಗ್ರಹವ
ಜೋತು ಬಿದ್ದ ಆ ‘ಮನು’ ಮನದ
ಬಿಳಲಿನಿಂದ ಕೆಳಗಿಳಿ
ಹೆಮ್ಮೆ ಪಡು ಇಂದಾದರೂ ಭಾರತ ವಿಶ್ವಗುರುವಾಗಿದೆಯೆಂದು !
ಬಿಟ್ಟು ಬಿಡು ಜಾತ್ಯತೀತತೆಯೆಂಬ
ನಾಟಕವ
ಕಣ್ದೆರೆ, ಎದೆ ಮುಟ್ಟಿಕೋ
ತಟ್ಟಿ ಕೋ ಸ್ವ- ಹೃದಯವ
ಆತ್ಮ ವಂಚನೆಯನ್ನು ಬಿಸುಟು
ಪ್ರಶ್ನಿಸಿಕೋ ನಿನ್ನ ನೀನು
ನಿಜವಾಗಲೂ ನೀ ಜಾತ್ಯತೀತನೆ….ಎಂದು !
ಈ ಸೌಧವಿದು ಆತ್ಮಾಭಿಮಾನದ ಸೌಧ
ಭಾರತವ ತಲೆಯೆತ್ತಿ ನಿಲ್ಲಿಸಿದ ಸೌಧ
ಪ್ರಾಮಾಣಿಕ, ದೇಶಪ್ರೇಮಿಯೊಬ್ಬನ ಕನಸಿನ ಸೌಧ
ಇನ್ನಾದರೂ ತೊರೆದು ಬಿಡು
ನೆಪದ ನೆಟಿಗೆಗಳ,
ಹುಸಿ ದೇಶಭಕ್ತಿಯ,
ಮನಬಿಚ್ಚಿ ಆಸ್ವಾದಿಸು,
ಗರ್ವ ಪಡು,
ಎದೆಯುಬ್ಬಿಸಿ ನಿಂತು
ಹೆಮ್ಮೆ ಪಡು ಭಾರತೀಯ ಮನವೇ
ಇದು ನನ್ನ ಸೌಧವೆಂದು !
ಉಮೇಶ ಬೆಳಕೂಡ, ಮೂಡಲಗಿ
