ಮೂಡಲಗಿ: ಆ,28 ರಂದು ಪಟ್ಟಣದ ಪುರಸಭೆಯ ಅಧ್ಯಕ್ಷ-ಉಪಾಧ್ಯಕ್ಷ ಸ್ಥಾನಗಳ ಆಯ್ಕೆ ನಡೆದಿದ್ದು “ಸಾಮಾನ್ಯ ವರ್ಗದ” ಮಹಿಳಾ ಅಧ್ಯಕ್ಷರಾಗಿ ಶ್ರೀಮತಿ ಖುರಶಾದ ಬೇಗಂ ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಶ್ರೀಮತಿ ಭೀಮವ್ವ ದುರ್ಗಪ್ಪ ಪೂಜೇರಿ ಆಯ್ಕೆಯಾಗಿದ್ದಾರೆ.
ಅಧ್ಯಕ್ಷ ಸ್ಥಾನಕ್ಕೆ ಎರಡು ನಾಮಪತ್ರ ಸಲ್ಲಿಕೆ ಆಗಿದ್ದವು. ಇಬ್ಬರಲ್ಲಿ ಶ್ರೀಮತಿ ಖುರಶಾದಬೇಗಂ ಅನ್ವರ ನದಾಫ ಅವರಿಗೆ ೧೬ ಮತಗಳು ಬಿದ್ದರೆ ಇನ್ನೊಬ್ಬ ಆಕಾಂಕ್ಷಿ ಸತ್ಯವ್ವಾ ಅರಮನಿಯವರಿಗೆ ೨ ಮತಗಳು ಬಿದ್ದವು ಹೀಗಾಗಿ ಖುರಶಾದ ಬೇಗಂ ಅವರಿಗೆ ಅಧ್ಯಕ್ಷ ಪಟ್ಟ ಒಲಿದಂತಾಯಿತು.
‘ಎಸ್ಸಿ’ ಮಹಿಳಾ ಉಪಾಧ್ಯಕ್ಷ ಸ್ಥಾನಕ್ಕೆ ಯಾವುದೇ ನಾಮಪತ್ರ ಸಲ್ಲಿಕೆ ಇಲ್ಲದ ಕಾರಣ ಶ್ರೀಮತಿ ಭೀಮವ್ವ ದುರ್ಗಪ್ಪ.ಪೂಜೇರಿ ಅವಿರೋಧವಾಗಿ ಆಯ್ಕೆಯಾದರು ಎಂದು ತಹಶೀಲ್ದಾರ ಮಹಾದೇವ ಸನಮುರಿಯವರು ಪ್ರಕಟಣೆ ಹೊರಡಿಸಿದರು, ನಂತರ ಅಭಿನಂದಿಸಿ ಶುಭ ಕೋರಿದರು.
ಹೊಸದಾಗಿ ಆಯ್ಕೆಯಾದ ಅಧ್ಯಕ್ಷರಿಗೆ ಹಾಗೂ ಉಪಾಧ್ಯಕ್ಷರಿಗೆ ಸನ್ಮಾನಿಸಲಾಯಿತು. ಅರಭಾವಿ ಮತಕ್ಷೇತ್ರದ ಶಾಸಕ ಬಾಲಚಂದ್ರ ಜಾರಕಿಹೊಳಿಯವರ ಆಪ್ತ ಸಹಾಯಕರಾದ ದಾಸಪ್ಪ ನಾಯಿಕ, ಸಿ.ಪಿ.ಯಕ್ಸಂಬಿ ಹಾಗೂ ಪುರಸಭೆಯ ಸದಸ್ಯರು ಉಪಸ್ಥಿತರಿದ್ದರು.
