ನೀನೊಂದು ಸಂಪಿಗೆಮರ
ನಿನ್ನ ಹಿತವಚನದ ಕಂಪಿನಲ್ಲಿ
ಜೀವನಾರ್ಥ ತುಂಬಿದೆ.
ನನ್ನ ಹೃದಯದ ಚಿನ್ನದ ಕಿರೀಟ
ತ್ಯಾಗಕ್ಕೆ ಪರ್ಯಾಯ ಪದವಾದೆ ನೀ
ಜೀವ-ಜೀವದ ಚೇತನ....
ನೀನೊಂದು ಅಮೃತಕಲಶ
ಹೆಕ್ಕಿದಷ್ಟು ಜೇನಸಿಹಿ
ನಿನ್ನ ಸಮ ದೇವರಿಲ್ಲ
ನೀನಿಲ್ಲದ ಅವನೂ ಅನಾಥನೇ...
ಬುದ್ಧನಾಗಿರುವೆ ನಾ
ನಿನ್ನ ಮಮತೆಯ ವೃಕ್ಷದಡಿಯಲಿ
ಸರಿರಾತ್ರಿಯಲ್ಲೂ ನಿನ್ನ ಮಡಿಲ
ಸುಖವನರಸಿ ಬರುವ ಕೂಸು ನಾ...
ನಿನ್ನ ಮಾತು-ಮುತ್ತುಗಳೆಲ್ಲ
ಸುಂದರ ಹೂ ದಳಗಳಂತೆ
ತಾವರೆಯ ಅರಸಿ ಬಂದ ಸೂರ್ಯನಂತೆ
ನಿನ್ನಪ್ರೀತಿಯೊ ಪ್ರಕಾಶಮಾನ...
ಹಗಲು- ಇರುಳಗಳ ಕಿರುಬೆರಳ ನೀಡಿ
ಕನಸ ಪೋಣಿಸಿ ಲಾಲಿ ಹಾಡಿದವಳು...
ಅಂಜಿದಾಗ...