ಹನಿಗವನಗಳು

ನಾಲ್ಕು ಮಳೆ ಹನಿಗಳು

೧. ಮಳೆ ಬರಲೆಂದು
ನಮ್ಮೂರ ಮಂದಿ
ಕಡಿದರು ಮಾರಿಗೆ ನೂರಾರು
ಕುರಿ ಕೋಳಿ ಹಂದಿ
ಹರಿದ ರಕ್ತ ನೋಡಿ
ಸುರಿಸಿದ ಮಳೆರಾಯ
ಕಣ್ಣೀರ ಕೋಡಿ.

೨. ನಮ್ಮೂರ ಕೆರೆಗೆ
ಮಳೆಯ ಹನಿ-
ಗಳು ಸೇರಿ
ತುಂಬಿದ ಒಡಲಲ್ಲಿ
ನವ ಮಾಸಗಳ ಸಿರಿ.!

೩. ಹನಿಮೂನ್
ನನಗೆ ಸಿಹಿಯಲ್ಲ
ಏಕೆಂದರೆ ನಮ್ಮೂರ ಕೆರೆ
ಬಾವಿಯಲ್ಲಿ ಹನಿ ನೀರಿಲ್ಲ
ಅದಕ್ಕೆ ಮಳೆರಾಯ
ಇಳೆಗೆ ಇಳಿಯೋ ಮಹಾರಾಯ

೪.ಆತ ಭಯಂಕರ
ಪತ್ತೇದಾರಿ ಕಾದಂಬರಿ
ಬರೆದಿದ್ದ ರಾತ್ರಿ
ಬರೇ ಗುಡುಗು ಮಳೆ
ಮಿಂಚಿಗೆ ಬೆದರಿದ್ದ..!
—
ಗೊರೂರು ಅನಂತರಾಜು, ಹಾಸನ.
ಮೊ: ೯೪೪೯೪೬೨೮೭೯
ಹುಣಸಿನಕೆರೆ ಬಡಾವಣೆ,
೨೯ನೇ ವಾರ್ಡ್,
ಶ್ರೀ ಶನೀಶ್ವರ ದೇವಸ್ಥಾನ ರಸ್ತೆ, ಹಾಸನ.