ನಮ್ಮ ಜೀವನದಲ್ಲಿ ತಾಯಿಗೆ ಹೆಚ್ಚಿನ ಪ್ರಾಮುಖ್ಯತೆ ಇದೆ ಏಕೆಂದರೆ ಅವಳಿಲ್ಲದೆ ನಮ್ಮ ಜೀವನ ಸಾಧ್ಯವಿಲ್ಲ;
ಅವಳು ನಮ್ಮನ್ನು ಈ ಜಗತ್ತಿಗೆ ತರುತ್ತಾಳೆ. ತಾಯಿ ವಾತ್ಸಲ್ಯ ಮತ್ತು ಪ್ರೀತಿಯ ಪ್ರತಿಮೆ. ತಾಯಿಯ ಮಡಿಲು ಮಗುವಿನ ಮೊದಲ ಜಗತ್ತು. ಅವಳ ಮಡಿಲಲ್ಲಿ ಕೂತು ಪ್ರಪಂಚದಲ್ಲಿ ಹೊಸ ಬಣ್ಣಗಳನ್ನು ಕಾಣುತ್ತೇವೆ. ಪ್ರತಿ ಮಗುವಿಗೆ ತಾಯಿ ಬಹಳ ವಿಶೇಷ ಮತ್ತು ಪ್ರಮುಖ ವ್ಯಕ್ತಿ. ವಾಸ್ತವವಾಗಿ, ಅವಳು ಯಾರಿಗಾದರೂ ದೇವರ ಅತ್ಯಂತ ಅಮೂಲ್ಯ ಕೊಡುಗೆ. ಮಗು ಅವಳಿಂದ ಮಾತ್ರ ಜಗತ್ತನ್ನು ನೋಡುತ್ತದೆ. ಅವಳು ತನ್ನ ಮಗುವಿಗೆ ಸ್ನೇಹಿತ, ಪೋಷಕರು, ಮಾರ್ಗದರ್ಶಿ ಮತ್ತು ಶಿಕ್ಷಕಿ. ಅವಳು ಇಡೀ ಕುಟುಂಬವನ್ನು ನೋಡಿಕೊಳ್ಳುತ್ತಾಳೆ ಮತ್ತು ಮನೆಯನ್ನು ಸುಂದರವಾದ ಮನೆಯಾಗಿ ಪರಿವರ್ತಿಸುತ್ತಾಳೆ. ನನ್ನ ತಾಯಿ ಒಬ್ಬ ಸಾಮಾನ್ಯ ಮಹಿಳೆ ಅವಳು ನನ್ನ ಸೂಪರ್ ಹೀರೋ. ನನ್ನ ಪ್ರತಿ ಹೆಜ್ಜೆಯಲ್ಲೂ ಆಕೆ ನನ್ನನ್ನು ಬೆಂಬಲಿಸಿ ಪ್ರೋತ್ಸಾಹಿಸುತ್ತಿದ್ದಳು. ಹಗಲು ರಾತ್ರಿ ಎನ್ನದೆ ಎಂತಹ ಸ್ಥಿತಿ ಬಂದರೂ ಅವಳು ನನ್ನ ಜೊತೆಯಲ್ಲಿಯೇ ಇದ್ದಳು. ಜೀವನದುದ್ದಕ್ಕೂ ತನ್ನ ಮಕ್ಕಳ ಯೋಗಕ್ಷೇಮ, ಬೆಳವಣಿಗೆ, ಅಭಿವೃದ್ಧಿ ಮತ್ತು ಕಲ್ಯಾಣಕ್ಕಾಗಿ ತ್ಯಾಗ ಮಾಡುವ ಮತ್ತು ಆದ್ಯತೆ ನೀಡುವ ವ್ಯಕ್ತಿಗೆ ತಾಯಿ ಎಂಬ ಪದವನ್ನು ನೀಡಲಾಗುತ್ತದೆ.
ನಮ್ಮ ಜನನ ಸಮಯದಲ್ಲಿ ಅವಳು ಅಸಹನೀಯ ನೋವನ್ನು ಅನುಭವಿಸುತ್ತಾಳೆ ಆದರೆ ನಮಗಾಗಿ ಅವಳ ನೋವನ್ನು ಸಹಿಸಿಕೊಳ್ಳುವ ಮೂಲಕ ನಮಗೆ ಜೀವ ನೀಡುತ್ತಾಳೆ. ತಾಯಿಯೇ ಮೊದಲ ಪಾಠ ಶಾಲೆ ಮತ್ತು ಮೊದಲ ಶಿಕ್ಷಕ, ಮತ್ತು ಮಗು ತನ್ನ ಜೀವನದಲ್ಲಿ ಹೇಳುವ ಮೊದಲ ಪದವೂ ಸಹ “ಅಮ್ಮ”.ಅವಳು ತನ್ನ ಇಡೀ ಜೀವನವನ್ನು ತ್ಯಾಗ ಮಾಡುತ್ತಾಳೆ ಮತ್ತು ತನ್ನ ಇಡೀ ಜೀವನವನ್ನು ನಮಗೆ ಅರ್ಪಿಸುತ್ತಾಳೆ; ಅವಳು ಯಾವಾಗಲೂ ತನ್ನ ದುಃಖಗಳನ್ನು ಮರೆತು ನಮ್ಮ ಸಂತೋಷದ ಬಗ್ಗೆ ಯೋಚಿಸುತ್ತಾಳೆ. ಬಾಲ್ಯದಲ್ಲಿ ತಾಯಿ ನಮಗೆ ಒಳ್ಳೆಯ ಶೈಕ್ಷಣಿಕ ಕಥೆಗಳನ್ನು ಹೇಳುತ್ತಾಳೆ, ಅದು ನಮ್ಮ ಜೀವನವನ್ನು ಇನ್ನಷ್ಟು ಸುಲಭವಾಗಿಸುತ್ತದೆ. ಜೀವನವನ್ನು ಹೇಗೆ ನಡೆಸಬೇಕೆಂದು ಅವಳು ನಮಗೆ ಹೇಳುತ್ತಾಳೆ. ಸಮಾಜದ ಕೆಡುಕುಗಳ ವಿರುದ್ಧ ಹೋರಾಡಲು ಕಲಿಸುತ್ತಾಳೆ. ನಾವು ಸಂತೋಷವಾಗಿರುವಾಗ ಅವಳು ಸಂತೋಷವಾಗಿರುತ್ತಾಳೆ. ತಾಯಿಯಂತೆ ಯಾರೂ ಇರಲು ಸಾಧ್ಯವಿಲ್ಲ ಏಕೆಂದರೆ ನಮಗೆ ಯಾವುದೇ ಸಮಸ್ಯೆ ಬಂದಾಗ ನಮ್ಮ ಮುಂದೆ ಮೊದಲು ನಿಂತು ನಮ್ಮನ್ನು ರಕ್ಷಿಸುತ್ತಾಳೆ. ನಮ್ಮ ಪ್ರತಿಯೊಂದು ಅಗತ್ಯವನ್ನು ಪೂರೈಸುತ್ತಾಳೆ, ಅವಳು ಹಸಿವಿನಿಂದ ಇರುತ್ತಾಳೆ ಆದರೆ ನಮಗೆ ಸಾಕಷ್ಟು ಆಹಾರವನ್ನು ನೀಡುತ್ತಾಳೆ. ಅವಳು ನಮ್ಮ ತಂದೆಗೆ ಶಕ್ತಿಯ ಆಧಾರಸ್ತಂಭ. ನಮ್ಮೆಲ್ಲ ಬಂಧುಗಳ ನಡುವೆ ಗಟ್ಟಿಯಾದ ಬಾಂಧವ್ಯವನ್ನು ಮೂಡಿಸುವವಳು ಅವಳು. “ಎಷ್ಟು ಎಲವೂ ಮಾಡುವ ನೀನು ನಾವು ಒಂಟಿ ಆಗುತೀವಿ ಅಂತಾ ಗೋತಿದ್ರು ನಮ್ಮ ಬಿಟ್ಟು ಯಾಕೆ ಹೋದೆ ಮ್ಮಾ. ಎಲ್ಲವನ್ನು ಬಲವಳು ನ್ನಿನು ಹೋಗುವಾಗ ನಿನ್ನ ಮಕ್ಕಳ ಬಗ್ಗೆ ಯೋಚಿಸದೆ ನಮ್ಮನಾ ತಬ್ಬಲಿ ಮಾಡಿ ಹೋದೆ. ಎಲ್ಲವನ್ನು ಸಹಿಸಿ ಕೊಳ್ಳುವ ನೀನು ಆವತ್ತು ನಿನ್ನ ಮಕ್ಕಳಿಗಾಗಿ ಆನೋವನು ಸಹಿಸಿಕೊಂಡಿದ್ದರೆ ಇವತ್ತು ನಿನ್ನ ಮಕ್ಕಳು ತಬ್ಬಲಿ ಆಗ್ತಿರಲಿಲ್ಲಾ ಮಮ್ಮಿ.
ಅರ್ಚನಾ ಸೂರ್ಯವಂಶಿ
ವಿಜಯಪುರ
