ಅಕ್ಷಯ ತೃತೀಯ
ಕ್ಷಯವಾಗದ ಪಾತ್ರೆಯ
ಪಡೆದ ದ್ರೌಪದಿ
ಕೃಷ್ಣನ ಅನುಗ್ರಹದ
ಅಕ್ಷಯ ತೃತೀಯ
ಸವಿ ಶುಭದಿನವಾಯಿತು
ಭಗೀರಥ ಪ್ರಯತ್ನದ
ಫಲದಿ ಭುವಿಗವತರಿಸಿದಳು
ಗಂಗೆ ಪವಿತ್ರ ಪಾವನವಾಯಿತು
ಭರತಖಂಡ ಅಕ್ಷಯ ತೃತಿಯ ದಿನದಿ
ಕ್ಷಯವಾಗದ ಮಹತ್ವದ ಕಾರ್ಯವು
ವೈಶಾಖ ಮಾಸದ
ಶುಕ್ಲ ಪಕ್ಷದ ಶುಭದಿನವು
ಅಕ್ಷಯ ತೃತೀಯ
ಜಗಜ್ಯೋತಿ ಬಸವೇಶ್ವರರ
ಜನುಮ ದಿನದ ಸಡಗರದ ದಿನ
ಶ್ರೇಷ್ಠವಾದ ಕಾರ್ಯಗಳ
ಮಾಡಿರಿ ಈ ದಿನ ಎನುವ
ಹಿರಿಯರ ವಾಣಿಯಂತೆ
ಮಹತ್ವದ ದಿನವಾಗಿಹದು
ಅಕ್ಷಯ ತೃತೀಯ
ಮಹಾತ್ಮರರ ಜನ್ಮದಿನವು
ಸಕಲ ಕಾರ್ಯಕೆ ಶುಭ ದಿನವು
ಬಂಗಾರ ಖರೀದಿಗೆ ಶುಭವು
ಶುಭ ಕಾರ್ಯವ ಈ ದಿನ
ಮಾಡಿರೆನುತ ಆಚರಿಸುತಲಿ
ಗಂಗೋತ್ರಿ ಯಮನೋತ್ರಿ
ದೇಗುಲಗಳ ಭಕ್ತರ ದರ್ಶನ
ನೀಡಲು ತೆರೆಯುತಲಿ
ವಿಷ್ಣುವು ಪರಶುರಾಮನ ಅವತಾರ
ತಾಳಿದ ದಿನವಿದು ಅಕ್ಷಯ ತೃತೀಯ
ಭಕ್ತಿ ಭಾವದಿ ಪೂಜಿಸುವ
ಶುಭ ದಿನವು ಅಕ್ಷಯ ತೃತೀಯ
ಒಳ್ಳೆಯದನು ಮಾಡಿ ಒಳ್ಳೆಯದನು ಬಯಸಿ
ಉತ್ತಮ ಕೆಲಸಗಳ ಈ ದಿನ ಮಾಡಿರೆನುವ
ಅಕ್ಷಯ ತೃತೀಯ ಅಕ್ಷಯ ತೃತೀಯ
ವೈ.ಬಿ.ಕಡಕೋಳ
ಶಿಕ್ಷಕ ಸಾಹಿತಿಗಳು
ಮುನವಳ್ಳಿ
